將軍澳私/居上車盤討論區（8)

15 16 17座有d係向都會駅果邊望樓

我真心睇過兩間原裝 全部野無換過
入去個感覺舒服過大部份"有裝修"既樓

真心睇業主點保養同埋本身會唔會清潔
有D有裝修但勁污糟 好多地方有漬或者發霉 仲衰過原裝
真心諗住換樓都未必下下會全爆 一步到位先會考慮 但又有Budget問題無解

將軍澳站都係將中將廣君傲
再想平少少可以考慮都會(雙線但有長實樓一向既問題 同埋商場配套無咁高質
我自問覺得差唔多 各有各好 上一個Post有討論過

遠離2，7，8座 垃圾站同街市

我明
我買果時都係諗住 普通油下油就入走住
但依家愈搞愈多 就嚟全爆咁
唉 好似浪費錢咁

坑口藯藍又點睇

即係之後先發現大獲野攪到要再換過哂？
不過算啦 攪完入住自己滿意 就開心
有時覺得買樓之後唔駛再煩/擔心搬黎搬去 其實都係好事 可以將精力放係其他地方
自住始終會有家既感覺 雖然好老

唔係啊 無大獲嘢
只係我又貪心 想裝得有風格啲
唉 但其實本身都好是正
搞到自己好似攞苦嚟辛咁

加油 攪掂完就開心住 個種滿足絕對值得花時間心機 完全明白

疊翠睇過幾間又ok. 啲走廊大堂係平實啲不過睇幾間都冇漏水。唔洗濕身去到商場地鐵最好。係鑽石廳要諗下點放傢俬。
慧安就睇過10間8間有2-3間啲窗台有漏。搵到間唔漏嘅都抵住
怡心其實ok不過如果好似呢排咁落雨諗起拎住啲野行返去都幾煩。慧安樓下都仲叫有超市有野食，怡心真係冇。

我都係咁喎
廿年樓keep得靚諗住唔洗點執
點之諗諗下好大機會全爆又唔見40個

20年樓出面點靚仔 廚廁d 喉管一定有老化 透明膠都硬哂啦 住兩住先話呢度漏水果度漏先黎整就大鑊
仲有電線電制又可以改過自己想要既位
用色用料風格自己決定過住落都開心好多

唔急住咪收樓再檢查清楚同考慮
始終全爆至少3-4個月 同埋裝修既Planning要考慮既野 真係要做多D資料搜集

成日都覺得如果怡心同疊翠交換個位置
怡心個價應該唔止咁低

慧安果啲係典型舊式死場，有間惠康算係咁
就因為寶林邨本身都有個大商場，行過去慧安都有段距離，新都城又近
只靠附近旭輝富麗慧安啲人好難養到個場
自然商場死死地
得啲補習畫班美容髮型屋貪租平租入去
結果你會見到好多師奶同細路仔多

但話說90年代係好多mk臭飛係到蒲食飛碟
同埋有卡將軍多人玩卡，又有game鋪，有過光輝時期

我都係咁話，之前同男友去左睇新都城3期荀盤，又舊又殘又2x 年
供完都50年樓齡
係個大堂個樣好少少，見下人

俾個agent 水左

話說我係寶林果頭大，細個時睇住新都起地基到宜家不知不覺二十幾年樓齡

新都兩房交投的確活躍，但三房尤其大三房難放又係真既

細三都好少少，始終平，同區同價位得佢有。大三房個價就買返將軍澳站嗰邊好啲。

除非係居屋，否則好多人都係8-10年就換。
Budget唔多嘅20年左右樓係最抵買。
因為樓價裏面建築部分（即會貶值嘅部分）已經貶得7788，比錢買嘅主要係地段價錢，但係又唔係太太殘舊。
當然有錢可以任性比多啲買新啲，買啲可供享受嘅建築部分。

細三即係幾多實呎?