https://fb.watch/kPZ63b48mA/
從片段可見,Saka仔一定係年青人及小朋友的"Role-Model",尤其小朋友的童真係最冇得呃
但最痛心的,偏偏係有自家阿迷對Saka仔留下惡言;小編認為,即使你未必認同佢實力與新約人工合乎比例,但把口唔洗咁惡毒掛? 二五仔? 反骨? 被網路帶風向認為係Saka團隊一方堅持在新合約上加Release Clause,與伊度討價還價下簽短一年而冇加入RC,然後猛烈批評Saka的人格。退後一步咁講,如果屬實的話,咁Saka一直"營造"的公關形象,真係勁過阿迪達添,竟然呃到小編咁鍚Saka
但sorry,小編由始至終堅持相信Saka仔,絕唔認同所謂馬天比佢更愛阿仙奴,就係因為馬天續約時攞低d人工;Saka仔已經係呢幾季的阿仙奴主力球員,但一直underpaid,今季即使最尾兩個月的狀態,與球隊一齊沉淪,但無改佢今季創下最好的數據,聯賽14入球12助攻,總共為阿仙奴踢左4季,179場38入球40助攻
球會icon,年青人模範,國家隊重心,21歲,即使狀態有跌盪都好,依然認為佢仍然係阿仙奴陣中最具"套現"價值的球員,那怕最後有一天與放走佢,價錢絕對唔會平,想當年利物浦高價套現古天奴及蘇亞雷斯,換來沙拿文尼等人,成功創出一個王朝。難保Saka仔日後自己都可以帶領阿仙奴創出王朝,即使唔得都好,出走都可以留下一大筆資金鋁球隊再買過更具質素的球員。而且,用高薪留低核心球員,更可向隊內球員及一眾收購目標球員宣示,阿仙奴係有心有力去發展,尤其係對年青球員,那怕當中都會有韋拉Sambi的失敗例子。
當年,韋舒亞的出現,令往後Hale-End青少年有一個明確追隨的目標,Saka仔就係其中一個;如今,Saka仔的成功,亦成為目前的年青人甚至小童另一個要追上的目標。承傳,呢一樣價值觀,係用錢都未必買得到,但如今用所謂"錢"就留得住Saka,用多少少又有咩所謂
如果落場時都拚盡自己的人都可以被叫做二五仔,咁口講此類惡言的"阿迷"更似二五仔,因為你地只係坐響鍵盤面前9up幾句去貶低咦人的失敗者,唔係因為你搵錢唔夠Saka多,而係你地連低潮都受唔住就走去猛烈抨擊Saka呢樣唔值果樣唔得,連呢種低潮都受唔住咁仲唔失敗?