北海道7日暨Yoasobi電光石火演唱會

追左成個星期post都未到yoasobi

樓主上水未

前面位巴打講得岩
雖然標題寫北海道7日,但係Yoasobi係由北海道玩完一路玩落去先到, 我爭取今個星期打完




食完牛肉之後就搭在來線去新函館站轉新幹線離開北海道


去到新函館站, 見上一班車有位就諗住提早一班上車
自助機無得退飛, 排左陣隊去綠色窗口搞

上新幹線食埋朝早係大沼公園買既醬油紅豆團子, 幾好食, 一個人啪曬



咁好快就到左新青森, 先轉車去弘前站check in, 東橫inn, 黃金週都可以用點數換一晚, 佛心怪唔知咁多人

當然呢個時期黎得青森都係想睇弘前櫻花祭, 所以check完in就行去弘前公園, 雖然一早就知道結果



由於今年櫻花已經謝曬, 所以鬼影都無隻


不過弘前公園有個露台可以望到岩木山, 而且有好多星, 苦中一點甜

弘前城入面就都係果d例牌野, 不過條樓梯好斜上落有少少驚仆街

是日晚餐, 附近無乜餐廳

Day 10

東橫inn是日早餐, 青森特產品項係蘋果汁


見到蘋果批好想食, 不過岩岩先食完早餐

一早起身就搭車去返青森站, 第一站去左青森站隔離既aspam, 原本剩係諗住上展望樓睇風景

不過見樓下做緊青森三文魚物產展就順便睇下


其中呢間最多人排隊, 隊尾個staff話要排45分鐘先買到
咁我梗係唔會排



上左1x樓睇風景, 朝早無乜人, 幾舒服


睇完風景落到黎見到條隊短左好多就買碗試下, 主打青森出產既三種三文魚刺身, 食落都係偏瘦無乜油香味, 不過就爽口過一般挪威三文魚, 不過我嫌佢切得薄得濟, 可惜其他舖都係熟食 唔係可以買份厚切刺身試試佢

睇完風景就去左隔離既青森睡魔館, 都係d大路野, 去相


有得體驗太鼓,不過要預約

行過再隔離afactory, 一般遊客手信舖

公廁打卡位

今日lunch (三文魚飯好細碗唔計)係車站隔離既長尾拉麵, 有三隻口味揀,重普淡, 咁我揀左最重口味

由於係青森站見到有間舖d玻璃杯幾靚, 但覺得無咩款揀, 一search之下原來行由新青森出發行半個鐘就去到, 食飽就當做下運動

出發

地價好似幾平


途中經過既路都係鳥不生蛋, 得車行

行左半個鐘就到呢間北洋硝子工場

一開始見佢個門面成個工場咁唔係好敢入去, 不過行埋少少見到有個牌就放心曬

杯既款式都好多, 有一個系列係用魚黎做主題, 送青森漁夫集換卡 (我有買, 佢真係拎一疊卡出黎俾我揀, 但我無要到)

為左唔行回頭路由硝子工場行返青森站

途中經過大超市, d野好平 而且仲有周街都斷貨既益力多1000, 聽講飲左又好訓又好痾, 即刻買左兩枝試試佢 (無乜效果)

咁返車站拎返行李之後就慢慢行去今日住既酒店

都係由於黃金週, 我book果時成個青森得返呢間酒店可以book, 當然無人book係有原因10000yen一晚咁既質素

睇電視塞車都塞左35公里

天黑就出去搵野食, 見呢個商場新開入去睇下有咩食, 點知入面全部未開門, 得一間開係食意粉既, 唔想食繼續行

呢個商場隔離亦都有一間超市

考慮左一陣, 但諗起間房咁撚污糟就唔係好想食入面食野
最後決定係酒店下面間餐廳食野
雖然間野係酒館黎,所以就專叫送酒既野食, 唔會做得唔好掛不負期望的確幾好食, 由其個免治魷魚餅咸咸香香幾好味

是日甜品, 唔滑既godiva甜筒

食飯送粥一流

Lm

LM
where is Yoasobi?

Day 11
黎啦黎啦黎啦, 我最期待既Yoasobi演唱會就係今日

酒店房咁頹,早餐當然都唔例外, 朝早就提供咖哩飯(其實夜晚都有一轉...唔通....)加一堆急凍點心, 求其食少少

食飽之後就出發搭返在來線去新青森站轉新幹線落仙台

咁訓左一陣好快就到仙台, 由於演唱會係夜晚先舉行, 所以日頭就買左個周遊巴士劵黎個仙台古跡一日遊




第一站係伊達政宗既靈廟瑞鳳殿, 其實我對伊達政宗既印象都係打機角色之一


偷聽到個導遊講唔知幾多年先開一次


行左個圈就走


迫沙甸魚去下一個景點

去仙台城途中見到有戶外展覽,又落車睇下

原來係花展, d花都開得幾靚

例牌有人既地方就有擺檔賣野食, 買左兩隻蒸蠔食下, 幾肥幾好食

仲有地元偶像演出, 有fans打call



睇左陣風景就行左上仙台城, 其實只係得返d 地基
佢會同你講呢忽係孔雀之間你自己要幻想下

主要都係上黎睇風景
同埋個銅像, 好多人扮個銅像影相



咁最後一向就黎到大崎八幡宮, 求左個大吉


返到仙台站就搵野食, 由於食完就直接去睇演唱會, 所以食飽d, 由於間間舖都排長龍, 利久係當中仲俾排隊既而且仲要係室內唔洗曬


由於太肚餓叫左成檯野食
咁係間正正常常既酒店check in之後就出發去yoasobi演唱會

去車站途中經過yodobashi, 見sony reon 4有現貨即買

Yoasobi 呢

是日宵夜, 青森蘋果一個
Day 12
由於今日睇第二場既Yoasobi演唱會, 所以就決定去仙台附近既松島海岸, 順便了結埋日本三景最後一個景點



朝早班次只係1000yen, 抵



一路上都係睇下d石頭呀, 島呀咁, 都係當遊船河

可以買碌魚糕自己燒, 我精湛既技術可以將塊魚糕燒大一倍

跟住拎起就會縮水

Lunch大部份餐廳都要排長龍, 只好行去市場買散裝野食下



價錢唔算特別貴...味道就一般啦




行左過個島到行左個圈, 無乜特別, 都係影下相咁

搭車返到市區就行下街濕平, 食左間迴轉壽司, 味道都唔錯

行完街就搭返過長町站, 終於有時間睇下個拉麵祭有咩食, 好似都幾吸引, 完場可以去食下

除左立牌仲有架yoasobi號俾大家影相

仲有crossover芝麻街tshirt既車


入場, 今日坐另一邊, 隔壁係兩個韓國人
兩位韓國師兄都幾勁, 唱同打call都識曬

呢場終於有唱優しい彗星, 終於了結左我聽一次優しい彗星既心願好好聽

update 完yoasobi俾大家睇
得閒繼續

去埋禮文島試海瞻飯 保證屌打小樽、札幌

想知有無yoasobi場有無被查名？

又有gundam

你唔問問題我都唔記得左未post完
有查名, 全部一證一飛先入到

完場寫左有東京追加公演
無假了

花籃一個

今日外面個拉麵祭醒左, 一散場即刻播yoasobi 歌, 好多人去食



咁我都唔例外, 食左兩碗,雞醬油果碗好好食
味噌果碗夏天食有d熱

睇完演唱會就返酒店拎返個gip轉新幹線走, 由於黃金週加演唱會仙台酒店實在太貴, 我住果間一晚都好似成900蚊(唔記得影相, 不過大家當係東橫inn咁上下質素就得), 所以睇完演唱會直接改車飛走

呢間野係幾個景點都好多人排隊, 見有時間就買左杯, google查完係可以飲既毛豆, 飲落就係好甜又傑既豆奶

搭兩個鐘到就去到小山站

小山站就住返東橫inn 8000yen搞掂仲好闊落

Day N, 懶得數啦

小山站呢間東橫inn 個早餐應該係我住咁多間最搞笑
麵包加麵包醬/餡放題, 可能因為方便新幹線站d人拎走, 有整好既, 又可以自己夾我都食左幾個好過成日咁悶食飯同一堆重複既餸

至於點解住小山就係為左黎足利公園睇紫藤花, 原本仲諗住去埋國營海濱公園睇粉蝶花, 不過上網睇過已經謝曬, 惟有有機會再去, 以下就貼下d花相





睇完就走返去東京shopping

黃金週既足下通, 唔想迫


行左去dior同on 買左個銀包同對鞋, 日本買幾抵

跟住去老秋繼續濕平, 竟然開左周大福

去老秋主要買隻碟支持下, 應該都唔會拆

zelda當時仲有約一星期開賣

買完去中野再買過一日買曬成個trip要買既野

回程又撞岩日本山手線路線延誤(原因我估都係果樣啦)
係月台企左大半粒鐘先上到車

今日就住APA 日暮里, 個前台係外國人超靚仔成個明星咁款, 仲要識講日文同英文

中野都咁多人

最後一個晚餐, 由於行左成日好攰, 求其上左大丸搵左間燒鳥食

味道都唔食好記得, 應該好食掛

Last day

朝早晨咁早起身出發去機場

比起一月黎機場又熱鬧左, 咁早都幾多人

手信舖都開足曬, 我就梗係買返北海道同東北既手信先啦


回程都係商務, 國泰成田個lounge終於開返

同之前好似無咩分別野食正常


咁係lounge坐到上機, 都無乜人

是日餐單

機上面都係果d戲, 無乜興趣, 翻睇yoasobi 個抖陰live

去程中左個西餐伏,回程就轉食點心, 除左點心d邊位用微波爐翻熱硬左少少之外, 其他都正正常常, 不過個兜好撚污糟

除住飛機降落旅程正式完結
回程落狗屎 call uber都濕撚曬

如無意外下次9月去睇水樹summer live(希望請到假)
歡迎繼續討論