北海道7日暨Yoasobi電光石火演唱會

大家好
繼一月去睇完水樹奈奈靜音演唱會
「東京8日7夜連水樹奈々Live HEROES 2023」
https://lihkg.com/thread/3291620/page/1

今次就第一次探索下北海道之餘再落順路仙台睇Yoasobi演唱會

玩到盡揀左朝早8點飛東京去到機場仲未天光

今次都係搭商務, 由於當日距離日本放寬PCR Test 限制仲有幾日, check in 果時空姐問我PCR張野時間過左未, 睇黎佢都未訓醒

國泰The pier, 朝早都已經好多人, 朝早無叉燒飯食, 不過仍然有雞肉燒賣, 另外比起一月去果時, 多左好多野食可以自己拎

坐到咁上下就排隊上機, 都係好多人

上到機, 日文歌單都繼續係Sony三幻神, 回想起去日本果時milet黎左香港
仲差aimer同milet未聽live, 唔知今年完唔完到夢

是日餐牌

個薯仔好難食, 又淋又爛又油

今次唔買sim2fly, 試下買truemove, 速度同穩定度都一般

食完野訓陣就好快到, 可惜都係見唔到富士山, 我記得呢條河延伸去就見到

留名

落機又要行一大輪

見到未來會炎上既成田機場starlux, 我影果時係想有機會坐下

出境都大概要1個鐘, 雖然好多野已經變曬qr code, 但係入境果條隊都係好長, 坐skyliner去橫濱

至於點解去橫濱呢, 因為聽日就會係羽田飛去旭川, 原本諗住book羽田附近d酒店, 不過醒起未睇橫濱部1:1可動高達, 所以就索性去橫濱, 反正都係朝早一程車到羽田




今晚就住橫濱站有蓋直連Hotel mets, check in完可以拎浴鹽同一次性用品
值得一讚部電視好大,而且可以login netflix

行返去橫濱站搭幾個站地鐵再行兩步就到gundam factory, 個個都去, 落左地鐵跟人行就得

睇左個零鐘到佢點燈, 都幾好睇, 可動性都幾高不過要等好耐先郁一次另外可以俾多3000幾yen上去觀賞台度睇, 不過之前睇youtube d人話上面無咩好睇


另外有d展覽睇下, 介紹下呢部野點整出黎

就黎天黑就返返去酒店

原本想食刺身, 不過諗起第二朝要搭飛機, 都係唔好咁搏


最後係tabelog揀左酒店隔離既拉麵舖鹽味拉麵本丸亭

叫左一個本丸鹽味拉麵加隻蛋同一份餃子
鹽味拉麵好好食, 清淡得黎又夠味, 有d唔知咩菜好香
至於餃子就係一般日本拉麵店既劣食餃子
食完就返酒店訓教準備第二朝出發

lm
想問演唱會飛點樣買？

Day 2

朝早起身去大堂拎杯免費咖啡飲提提神
六點幾就check out去羽田機場, 原本可以經商場行去車站, 可惜太早未開, 要托個喼落樓梯

坐京急線大約半個鐘到就去到羽田, 都好快


內陸機會係水牌直接顯示坐位數量, 好似巴士咁
大部份既機都滿左

朝早羽田機場已經好熱鬧

內陸機呢面全部都係自助CHECK IN COUNTER, 我試過用但出唔到飛, 地勤姐姐叫我去排SPECIAL BAGGAGE

check 完in就去搵野食, 由於內陸機30分鐘前入閘就得, 所以時間好充裕, 因為我係當國際線提早兩個鐘黎

蘋果販賣機, 好似幾正, 不過想食多少少

呢間餐廳睇落好靚

但係d野食睇落好素, 唔多想食

飛機便當, 有一兩款睇落都幾正

最後揀左呢間蕎麥麵食

機場餐廳黎講都算好抵

蕎麥麵仲要係即整即切

份量太多, 最後食唔曬

07:45 去旭川, 有備註話要搭巴士上機, 請提早入禁區
去呢D鄉下地方都預左

候機室, 好平實

夠鐘就排隊上機

巴士去到停機坪

去旭川呢班機基本上都全滿, 估唔到咁多人搭


羽田起飛可以見到好多著名景點

機內可以收到wifi, 當影音娛樂

頭頂有個mon話你知飛到去邊

野食就無啦, 不過有杯野飲

咁大約一個鐘到就去到旭川, 幾快

落左機就係門口直接買巴士飛搭巴士出市區
呢一類二線機場既機場巴士都係有飛機先有車, 大家如果要去記住落機唔好去開大

今日都係住JR站隔離既JR INN, 都係貪佢夠方便, 不過要3點先可以check in, 去放底行李先

旭川有冇去蜂屋食拉麵同大黑屋食羊肉
正爆

沿住站前商店街行搵午餐食, 好彩只係毛毛雨

途中見到pokemon臨時店, 入去睇下

入面都係賣果d野

黃金週好多舖頭都無開

最後唯有又走去食拉麵
個名同我去中野必食既青葉一樣名
超過70年歷史既醬油拉麵, 天氣凍食一流

下個月都去睇yoasobi

食一碗麵唔係幾夠飽, 去另一間大雪地啤酒館食多餐
呢間就一般

食飽就散下步, 開始出太陽

散步去左高砂酒造度參觀下


1960年已經搵外國人model賣廣告

當然, 呢度唔少得賣埋酒,不過呢d多數商場都有就唔特登係度買

繼續散步, 途中見到間中古店,入左去睇下, d野都真係好舊

兜左個大圈就返返酒店

去酒店拎左房之後, 就搭電車去近文站
呢班都係用唔到IC, 要入錢買飛

由於想去睇下風景, 決定去呢個無巴士到既嵐山展望台, 要行一個鐘





好彩沿途風景都幾靚又無落雨

上面風景都幾靚, 可以睇曬成個旭川, 而且無其他人
可以靜靜地欣賞風景



上面有d野花同鈴芽之門


由於上黎沿路已經發現無路燈, 所以唔等睇夜景, 日落開始就趕返落山避免天黑睇唔到路

岩岩好天黑之前落到山
無人, 涼涼地真係好舒服, 雖然我驚有熊

三年前夏天諗住去呢度，不過有報告話附近有熊所以打退堂鼓

要帶埋熊鈴好啲

行到返去車站已經天黑, 而且....無車

其實都唔係無, 不過下一班要等4個鐘


無辦法只好轉搭巴士, 好彩都係等十五分鐘到
咁返左酒店沖左個涼 就落商場食左個飯, 由於太攰揀左間自助餐食
只係1500yen味道就少劣啦, 1500yen任食仲想點


見有戲院行過去睇下, 見有柯南新劇場版就買飛入去睇
1100yen平過香港一半 d位仲要勁闊勁好坐
聲畫都好好今集只係我推的哀, 無乜推理成份
睇完就返左酒店訓教

經lawson ticket, 要日本電話
可以買張hanacell sim收日本sms
幾舊水

剩係食左青葉
大黑屋有, 黎緊講

我都想
但仲要睇水樹同aimer

個環境係似, 不過沿途就無熊出沒果個牌
但人真係太少, 我上去果時都係一架車經過咁大把