北海道7日暨Yoasobi電光石火演唱會

Day 3

由於酒店無早餐食, 落左starbucks飲杯咖啡頂肚

今日天氣終於放晴

今日主要係去白金溫泉一日遊, JR站隔離巴士站出發

大把位坐



第一個景點就係白金青池, 好多日本廣告會係度拍, 如果有多d雪應該仲靚
而且唔單只個池, 其實旁邊條河都係藍色的
提提大家如果要拎航拍機去日本係要預先申請remote id同埋確認航拍機飛行範圍唔係禁區




由於去白金溫泉既巴士都係兩三個鐘先得一班, 所以青池至白金溫泉就行過去, 大概半個鐘沿途會keep住望住美瑛山, 好靚

途中經過呢個不動之瀧, 不過無路行到入去, 全部都係雪

好快就行到, 雖然因為行人路都鋪曬路所以要行馬路邊, 不過日本司機都好貼心, 見到你會兜開少少避免發生意外

白金溫泉呢度d雪半溶, 都地下幾滑下

可以係橋上面睇群山風景, 好靚, 可惜太凍, 睇左一陣就走

由於巴士仲有兩個幾鐘先到
求其揀左間溫泉旅館浸個溫泉食個飯
剩惠1500yen

野食都係普通野


回程係美瑛落左車, 去市內一個公園既展望台睇

由於lunch 個份量有d少, 去超市買左少少野做下午茶
食完訓左陣就出發去旭川成吉思汗燒肉名店大黑屋

可能閒日關係, 完全唔需要等位

炭爐燒羊肉
咁我叫左一個拼盤, 一碟羊肉腸同埋一碟羊舌
我覺得肉係好食, 但略嫌唔夠羶, 不過食羊呢d野好個人

埋單承惠5000yen

食完燒肉就順便一次過洗衫
呢間酒店洗衫都幾抵,500yen就已經包乾洗
另外有個lounge可以坐下食下甜品
咁洗完衫就訓教準備聽日出發去北海道大都市札幌

Day 4

是日早餐, 奶好飲, 蛋糕好難食, 濕得濟又無味


臨check out 影下酒店房, 無乜特別, 而且個窗對住商場個天台

check 完out就去左jr站隔離既巴士站買飛去札幌
票價只係2100yen, 好平JR起碼貴一倍 特急仲貴

而且班次都好密, 平均半個鐘就有一班車

架車都係坐十零個人, 可以一個人坐兩個位

第一棵見到既櫻花

咁好快就到札幌, 札幌電視塔

落車見到有巴士可以直接去釧路網走, 可惜今次要南下去睇yoasobi, 如果唔係可以去埋

由於落雨, 所以係地下街向不停向住酒店方向行, 直至無得行

黎到札幌住既係keio plaza hotel, 不過都係太早, 未有得check in住, 放底行李先

放底行李之後就去小樽食個早午餐

求其揀左間瀧波食堂入去食, 純粹見佢有兩個舖位應該幾好生意掛



叫左個自選丼飯, 都幾好食價錢3000零yen 都算抵食

另外當然亦都有蟹, 可惜一個人食唔到一隻

有空繼續

睇live撚劉明跟進

lm

留名

繼續

咁食完碗丼就搭左半個鐘車去余市

去余市既大家目標都十分一致,一出站就向余市威士忌蒸餾廠方向行

大概五分鐘就行到參觀入口, 由於報左參觀團, 所以係呢度入去等就得

整個參觀團除左介紹威士忌既製造過程之外, 另外都解釋點解創辦人揀余市作為蒸餾廠地址, 大概都係因為余市背山面海, 而且夠凍



都係參觀下威士忌製造過程, 除左呢個加碳環節其他都係隔住玻璃

當然由於呢度係實際運作緊既工廠, 都儲存左深不見底咁多既酒


睇完就到試飲環節

總共會俾三杯你, 可以按自己喜好加冰/水等等

飲完唔夠喉, 仲可以自己加錢買幾杯飲

最後當然唔少得買少少手信, 見到限定就忍唔住手

行緊果時導遊話蒸餾廠對出河邊櫻花開得好靚, 就行出黎睇下
要趕下班車時間有限, 走馬看花睇左陣

睇完櫻花就搭車返去小樽行下街, 無乜好行
途中經過LETAO食左個蛋糕拼盤, 味道一般
好多玻璃舖, d野幾靚, 不過懶得拎
由於雨越落越大, 所以都係返札幌算, 酒店房尚可, 望鐵路, 有車經過都唔太嘈




晚餐就因為都係落雨, 廢事周圍去, 去隔離車站商場既拉麵共和國食左配拉麵, 都幾好食

你個旭川行程好值得參考
L個M先

是日宵夜
Day 5?

今日一起身終於一片藍天

之前睇行程果時見到隔離酒店個自助早餐好出名, 3000yen, 去會一會佢

3000yen有三文魚同甜蝦任食

果jam都有7款俾你夾麵包食

即整omelette, 其實無乜特別

甜品就好一般, 個芒果係罐頭黎
總結個早餐就不過不失, 都算幾多選擇

食飽就開始睇下札幌市內景點, 唔特別多講, 都係大路野, 去相







電視塔未開, 影住櫻花等




終於上到去, 札幌無乜勁高既大廈, 風景幾好
可惜睇左十五分鐘到就廣播話因為強風要全部人離開, 未睇夠呀

20000yen 就可以成座為你變色, 幾抵

被迫落返黎之後唯有向下一個地方進發
噴水池內部都可以咁乾淨

行幾步就黎到風俗區薄野, 當然日光日白係唔會有

繼續行就到櫻花滿開既圓山公園, 櫻花好靚人又少
雖然唔知點解d相全部under曬, 不過懶得執啦

羨慕死人咩

呢張係香港收到日本sms?

繼續散下步

兜左一個大圈就返返去二條市場食午餐

唔算太熱鬧, 都係得部份餐廳開

咁上tabelog揀左呢間叫丼兵衛既入去食

叫左no.2 既朝市丼(上), 味道一般... 不過勝在平

原來youtuber 金魚腦都食過




食完飯之後就散步行去sapporo既啤酒博物館, 一樣係book左tour

同時Yoasobi既演唱會飛已經送到app

團費500yen, 包兩杯啤酒

博物館亦都有專用入口


比起余市蒸餾廠集中講製作工藝, sapporo 係集中係日本第一枝啤酒既出生過程

而且當時啤酒一發售果時賣得好貴, 只有有錢人或者官先飲到

咁去到試飲環節, tour有埋指定位置坐底飲, 唔洗排隊

飲緊酒期間解說姐姐會教大家點樣將罐裝啤酒倒落杯先最perfect, 要分三次倒

飲完返去札幌站轉巴士去藻岩山展望台




由黃昏睇到夜晚, 風景好靚


搭纜車加地面電車返返去電視塔, 因為買左日夜劵所以可以再入一次
不過我覺得日景好睇好多, 因為有遠山可以睇
底下棵櫻花都點左燈, 幾靚

得閒繼續

我去果時動物園休息
美瑛同富良野都無花
原本想上旭岳但排唔入
建議你去果d乜乜農場可以上佢地個網睇下d花咩情況先去

收唔到
去日本開定曬d account做曬認證就得

點左燈好似樹冰咁

我都好想睇 想問Ching點樣買到飛

6月4號有online飛

繼續

返酒店擺低野之後就去搵野食
可惜酒店附近餐廳都已經last order曬
原本諗住去超市, 點知跟地圖去到aeon之後發現原來呢間係大間少少既便利店黎, 無乜野食賣

惟有去便利店狂買
Day 6

今日去溫泉區定山溪一泊兩食, 朝早係酒店寄存左個喼之後就出發

去巴士站中途經過呢部三文治機, 好多人排隊買, 不過要趕巴士, 下次再食

去定山溪既巴士站都係係札幌站旁邊, 不過由於有好多條線, 都搵左一陣

由於我係過一晚, 所以無買到日歸車+溫泉劵, 直接用suica拍卡搭車就得
架車大約半滿



大約一個鐘到就到定山溪, 都係例牌日本景點

可能佢地都知呢個季節去根本無野睇, 所以掛左好多鯉魚旗, 我就覺得有d格格不入

人流都好稀疏


午餐睇tabelog有間拉麵舖係一對老人家開, 入左去食
味道就老實講一般, 不過當支持下年紀咁大都仲做緊野既老人家, 值得尊敬


如果全部紅葉應該幾靚

行到咁上下就去酒店check in


間酒店個裝修風格就比較舊式, 不過都算乾淨整齊

仲有枝大水俾你飲

可樂溝whiskey, 狗都唔飲

休息左一陣之後就去定山溪水霸行下



山長水遠行到去你同我講唔開我明明睇觀光所張地圖係無閉鎖

算啦, 都無辦法, 行返出去, 見到有間舖個名好好聽
叫做「雨之日與雪之日」, 就行入去睇下


原來係食雪糕同pizza既, 咁我買左杯雪糕順便坐下
雪糕好滑而且味道都好濃, 滿分 可惜第二日早走唔係真係想聽日黎食多杯試下其他味

是日酒店, 都好大間

至於點解黎定山溪呢, 係因為平, 800蚊一晚包早晚兩餐自助餐
一到食飯時間就出曬黎排隊, 原來間酒店有咁多客

餐廳環境都好好, 又大又闊落, 而且有落地窗睇下條溪

野食種類都好豐富, 由刺身, 天婦羅, 燒牛肉都有, 當然有一堆熟食同甜品


我就叫左枝啤酒送飯, 味道都唔錯, 而且全部新鮮整起, 唔係擺左好耐既貨