唔會推薦話邊一間,廢事好似做宣傳
只可以話你自己格價
但依2個月不停搵資料,都叫做識小小皮毛
冷氣型號,牌子其實唔太重要
貴機未必好(大金賣得幾貴,但我上網搵資料最多人話壞電路板都係佢
)三菱電機應該最穩定,但有好多款,其實之間差距未必差好遠
冷暖機視乎自己屋企要求,但我覺得有小小多餘,同埋到時壞左多樣野整
最比較留意既係安裝價錢
如果自己識朋友做冷氣安裝,費用係可以平好多
2個師傅大概裝3個鐘左右,除非屋企格局好麻煩
唔係一般黎講都係細case
根本唔需要話加依樣果樣而令到最後個費用搞到好貴
有D人話搵小型街坊鋪會平D
我都有問過幾間,發現同大行價錢唔係爭好遠(有D報價仲貴
)人地都要搵食,但如果部機/裝工出左問題,應該好難搵佢地跟進
我會舉個例買電腦搵廠機定砌機,10年前都仲講緊砌機平好多
但而家廠機個價都質得好低(例如DELL),同砌機根本差唔遠
人地講到明仲有包售後服務,所以好多街外砌機都係呃錢(黃金劏水魚場)
大行買野應該係求安心,同埋出咩事有得搵人執尾(比較上)
友和唔算係大行,唔好嘗試,我中過伏唔會再去佢度買野
當初佢件貨比我唔算十分殘舊,但一眼就睇得出係n手貨
我最憎既係當時佢no show, 應該話比回覆我,但無左件事
大佬我急住用呀.而家你整蠱我咩
後尾客服直接話換第部比你,問我接唔接受方案
大佬你一早應該比部新機我啦(你部機平出面幾百蚊咋)
而家你出錯仲唔認錯
