落車行入去室堂站，無論行出去雪牆、食野定轉車上「大觀峰」都係呢度進行
要出雪牆跟住指示牌行出去
提提大家
真係真係真係要戴太陽眼鏡同搽防曬
如果唔係一定會曬傷...我就係唔記得搽防曬，結果塊面/頸/手背都曬傷曬甩皮
溫度係負4度
不過我衣著都唔多，保暖底衫+長袖Tee+外套都頂得住
呢啲牌大家唔洗心急排隊影，成條路都好多類似牌比大家打卡
通常全世界景點都有個共同點係會有職員幫你影相，然後撩你買
立山黑部都有
但我絕對建議大家影
因為無論最後買唔買，店員都會送一張迷你版比你
我就有另外買埋張大size ￥1500
之後就沿路一路行落去打卡位
周圍都係白色，好正
爭啲想cosplay Elsa~~let it go~let it go~
巴士班次都好密，我行落去短短十分鐘都已經見到2架
見到人龍就乖乖地排隊啦，全世界都係排緊影無阻擋雪牆+自己相
啲人就係為左影呢塊野
都值得嘅
但係呢，前題係幫你影果個要影得好
我total揾左兩個人幫我影，1個後生泰妹 & 1個Local專業影相伯伯
泰妹版本：
Local專業影相伯伯：
再趁未有人個陣快手影曬成個無人景象
雖然得13米高，但親眼望都仍然覺得好高好壯觀
另外有條路仔行出去都可以望下雪山
返到室堂站未完架，記得要行樓梯上埋「室堂平」
一上到黎就會係個展望台可以望曬頭先行個段行人路
之後再向山方面前進，映入眼簾就係雪地+雪山構成嘅全雪景
真係超靚 超有浪漫感
雪厚到可以cover曬對鞋
仲可以見到雲海
有人會上山滑雪
但大部分旅客都係漫無目的行下打下卡
春夏秋季呢度有個地獄谷同好多個池，仲有好多有趣景象
不過冬天大部分都會完全被雪覆蓋住，無辦法睇到
明明對眼望落雪山好似距離自己好近
但就寸步難行，行100米都要行幾個字咁
有條路都有個迷你雪牆
而且無人經過，任我影相同自拍
都有6-7米架
對於第一次真係近距離睇雪山景嘅我真係覺得好震撼好靚
如果有機會，我都想去瑞士睇下更壯觀嘅雪山
之後我就返左車站食少少野
呢間立食Soba轉下眼就超多人
排到你個陣就買飛再等有位就入去啦
我係度食左之前介紹過富山名物 – 鱒魚壽司
鱒魚係腌製過有少少鹹，下面醋飯亦都比平常酸少少
