美國當初設計理念係準確重要過威力,只需要一兩炮就打中你就夠。加上西方軍隊預設係有空軍做CAS,火炮喺前線角色同而家21世紀式一戰好唔同。
單單講ISR,烏克蘭前線連TB2都唔多見,美國用緊MQ-9全天候監察仲可以隨時幫手射吓地獄火助攻,資訊化程度已經係兩回事。烏克蘭冇同樣配套,就只可以靠打多幾(十)炮嚟達成目標。
西方媒體報烏克蘭而家每日消耗量大約4000發,一方面要儲彈藥嚟反攻,另一方面開戰初期啲ATGM同大炮倒水咁鳩射,應該俾美國省到開花跟住收斂咗
最根本原因係,美國近十年根本未預備好打一場全面戰爭,講緊2016年前後建軍方向由反恐戰爭式轉返做應對大國傳統軍力威脅,所以先有2027攻台呢個時間點(美國海軍艦艇淘汰高峰期,戰鬥力最低vs中國海軍艦艇數目peak point)