為頭家付出到覺得無左自己

睇返內文啦 弱智真係唔好衝出嚟柒
佢有感激我我使撚上黎圍爐 就係佢開口話無呀

勸你咪再出嚟獻醜
你呢啲女又無又未搭過飛機既早抖啦真係

日日mon住個post逐個人鬧你攰唔攰

樓主
我都唔鍾意出街，可以同需要成星期都嚮屋企果種
但我老公一唔出街就唔開心
我點唔想都每星期同佢出去
十幾年都keep住

一段關係你睇唔到對方需要，滿足唔到對方
呢段關係唔得，下一段都一樣會唔得
當有衝突時你選擇左堅持自己全部standard,少少都唔減唔就
咁大家都冇計傾啦

如果可以溝通到大家對於家務，家庭崗位責任，同埋外出娛樂嘅睇法，一人讓一步，可能都可以延續落去，
要睇吓各自想收穫啲咩，又肯為對方為頭家付出幾多
不過都幾好奇，如果只係家務問題導致無法去玩，老公會提出離婚？寧願離婚都唔分擔下？
如果樓主 WFH、佢老公要返公司返工，至少可以順路買下食物同家庭用品，咁可能樓主條氣會順啲
有機會家務問題只係表象，底下收埋嘅先至係真正問題

好明顯個位唔係家務啦
我上邊講既都係圍繞住樓主性格同相處之道
唔係佢講表面既問題啦

樓主老公講到明唔想30歲就過住40幾歲既生活
就好明顯唔係家務問題啦
係嫌緊樓主冇生活情趣，冇soul connection
係樓主project 左分手原因落家務度之嘛

咁就要搵下造成呢個「無生活情趣」嘅原因喇，畢竟「情趣」背後，除咗個人性格因素，亦要有各種條件去支撑，例如我呢啲日日都唔夠時間休息嘅，就算有人請我食飯，我都未必想出街，因為叔叔嘅肉體真係頂唔順
甚至乎，會唔會係兩個人對於「家庭」嘅想像，本身都有好大距離？拍拖隨時可以換人，但婚姻、家庭嘅 commitments ？
對於「生活」，性別定位，家庭角色期望，個人成長方向，「伴侶」嘅定義，感情維繫方式，諸如此類，大家對大家理解有幾深？
如果樓主老公唔認同「分擔家庭責任」同埋「理解伴侶苦衷」係一種愛護樓主愛護家庭嘅付出，反而將呢種行為當成一種佢呢啲「後生仔」唔會做，到「40幾歲」中年人才會做出嘅舉動，仲隨便就將離婚講出口，變相某種意義上將「維持婚姻」與「樓主單方面遷就」綑綁一齊，可能樓主真係要諗諗自己想點

前面啲人講掃地機械人、乾衣機同洗碗機係好好既提議
你有心繼續既 就買啦用都未用過唔好學人講缺點
我同你一樣都係同居+包辦家務，養緊幾隻貓
唔覺做得有幾辛苦科技產品helps a lot

如果連婚姻都要講男女平等，咁就無必要結婚啦。

自己搬出黎住，唔想做家務就請鐘點
無錢就死死氣自己做
一係就由得佢，唔好做
知以前老母執屋執得幾辛苦未

咁當然佢老公係唔重視婚姻同家庭既
廿幾三十係心野架啦，去左第二度又唔想比人困住，想探索下，建立下networking (新地方唔行出去建立你咩都冇喎，唔同我地小學中學咁自自然然建立左出黎）
想一齊探索下但次次都係得自己一條友explore
咁佢覺得得自己一個面對新環境新事物
同伴侶冇共嗚
都唔出奇

我又奇怪樓主去到新地方，但講到自己日日呢響屋企同附近買下野放下狗，好似淨係維持生存咁既

只能夠講佢個post開得幾好囉
一開始塑造到自己個人設係好賢淑，弱不禁風就快挨唔住等你同情佢
講到個老公咩都唔做淨係識叫佢出去玩
點知一路睇落去就出事
你一駁佢就發晒茅咁你講一句佢駁三句
明明話唔會再覆又抵唔住氣上嚟鬧你兩句
話自己想上嚟呻下，大家比晒建設性意見佢都逐個駁
原來唔係想搵方法，而係想大家一齊鬧佢老公、同情佢攞認同
所有野都口不對心，根本心智同能力未適合結婚同搬出嚟住嘅公主
完全唔覺佢有幾愛佢老公
由頭到尾佢都係覺得屋企要點點點，佢想個生活空間點、老公唔follow晒就係老公錯，做返自己額外要求嘅野就=我為個家同老公付出好多
奇在大把人信同附和佢，唔知係因為呢度狗公多定怨婦多

真
其實你做咁多
佢唔幫手唔體諒嘅話
其實佢而家主動話離場
你唔需要覺得可惜

睇吓佢自己一個又照唔照顧到自己生活？

搵一個識得欣賞你珍惜你嘅人
加油

大咩把香港女人
訓咗幾耐
大把香港家庭會分擔家務

好多人覺得要走難

你咁講
其實樓主老公算唔算情緒勒索樓主
唔出去玩就係唔啱
就要內疚

不過兩個人本身呢啲位真係唔夾

佢寧願上黎當連登係樹窿都唔肯進步
根本搵嘢嚟講 賣慘 博人同情

做到咁攰就自己降低要求啦，有咩家務要日日做啫，兩條友又冇小朋友，大家傾掂數一星期搵一兩個上晝一次過洗衫打掃買日用品，其他時間除咗返工想廢就廢就玩就玩，有返啲兩個人開心嘅相處時間，管理好自己生活質量先

一個只係識自己埋頭做家務嘅人，真係一啲都唔吸引，如果呢個人仲要做到成日有怨氣，或者指揮人做到佢嘅要求，就更加係地獄mode

唔係話睇唔起做家務為頭家付出，但冇人叫你要做家務做到冇晒自己生活，你哋對居住環境嘅衛生、打掃嘅頻率完全冇共識，跟住你又唔同另一半夾，你自己接受唔到唔做，要日日狂做家務跟住又怨攰，邊個想同個咁嘅人生活

好老實我老樓主好多
之前work from home 都頂唔順
日日自己一個望住4邊牆
佢已經日日work form home 都唔出下去
如果男係好外向既真係唔太夾

我唔知實情啦 但我都會唔gur老公掛住玩乜都唔做
可以同佢傾下點分配時間一齊做家務又有時間一齊去下街
但如果傾完都冇任何改變
我會只煮自己一個飯 只洗自己一個碗 只洗自己一個衫
等佢自己諗諗囉 自己又多左時間休息
反正樓主都覺得佢睇唔到你付出
既然佢覺得啲野咁簡單咪等佢自己做返囉

同佢睇多次大唐雙龍傳
佢就會發覺李秀寧真係好撚正