為頭家付出到覺得無左自己

同老公都係30歲樓下
兩個人搬左去國外生活 每個月生活叫做啱啱好
老公同我本身都係溫室小花
係屋企都係比人照顧開既細路
所以一搬出去而且仲要一搬就搬到去外國 全部野可以話係由頭再黎過

生活上既柴米油鹽 家務 開支
全部野都好煩
加埋我同我老公放假時間完全唔同 好難就時間出去玩
我份工雖然係work from home 但其實都多野做
加埋我地有隻狗 所以我每日基本上係比返工湊狗家務買餸煮飯填滿哂 每晚沖完涼坐低已經九點 變相我自己放假真係情願休息好過
可能呢啲對男人黎講真係唔算得啲咩(?)
或者呢啲其實似係老母做既野 佢根本唔需要我做家務同煮飯
但想問下 得兩個人 大家都唔做 咁邊個做？
我唔識既野無人幫到我我都係要硬住頭皮去學去做架
但或者男人就係唔想要一個打理家頭細務似老母既老婆(?) 希望我可以同佢一齊去玩去探索 唔好日日都淨係掛住做做做
我真係唔想做老母
有邊個唔想unun腳日日淨係去玩
我又唔係李嘉誠個囡 我都要有任性既本錢先有資格做唔負責任既人啦下話

老公話 覺得我而家過既生活似三十幾四十歲人既夫妻 而佢唔想要呢種生活 覺得我地兩個想要既野唔同 話唔想耽誤我時間

我除左錯愕我唔知可以比咩反應

回想返
其實我自己本身個人好內向 佢好外向
佢有怪過我唔同佢啲朋友social 或者唔肯出去玩
平時話唔介意但一鬧交我既性格就會變左我既原罪
會話我咩都唔enjoy陪佢做 唔陪佢出去
但我真係攰
我有試過分啲野比佢做 但每次都要叫幾次其實好煩 加埋我wfh會比佢更多時間係屋企 最後自然又會我做返
雖然我知道付出都應該要考慮對方想唔想要
但屋企既野你真係好難淨係考慮對方想唔想要 因為要做既野你都係要做
其實你唔使話咩要多謝我 你欣賞下我為呢個家付出已經夠
可能我成日都得唔到呢種認同 我不停做做做
而家我覺得自己付出到一個位係我覺得無左自己
比屋企既所有野填滿哂自己 乜都要自己做哂
我咩都淨係諗住老公想點屋企有咩需要 好卑微
而到頭來佢都係唔滿意 佢好想有個陪佢出去玩既人 唔好話同我傾 係要忍到最後一個點佢先一次講對我有幾不滿有幾唔中意我地有幾唔夾

一個人係出面無人無物 唔知可以點
最可以依靠既人唔可以依靠
結論都係要靠自己
其實係咪我唔應該咩太多責任上身？
真係我太唔理解佢想要咩？

啱啱追隔離post見到有人話喊到一個位無哂眼淚你就會自然企起身去洗面
希望我一陣無眼淚之後洗完個面可以企起身再黎過

離婚啦

食屎啦你，國乜𨶙嘢外？外國就外國！死返大陸啦去。

趁你未有小朋友快啲離婚，人嘅性格係唔會改變，勉強冇幸福

要一個在家既人出去玩係好難

結左婚先發現性格唔夾，除左離婚真係唔知可以點

國外國外國外國外國外國外

果然大家都係中國人
https://lih.kg/3320733
- 分享自 LIHKG 討論區

總結：飛左你老公揀我 養我 我識自己屙屎

講到好大犧牲咁,乜嘢為頭家,係為滿足你自己先真,你都識講你想要嘅,唔係佢想要嘅,唔好屈佢要跟足你想,你所謂嘅家,咪你同佢,充其量加埋隻狗,唔洗懶偉大,佢滿足唔到你,你又滿足唔到佢,咪諗吓行唔行落去

明白 唔知點解所有都係女人嘅錯

廢柴 咁大個人都咁撚廢

你老公咁鐘意玩， 佢好有錢？ 出去探索都係15-28 的人去做， 佢都嗰頭近啦

有錢請工人咪日日去玩

你開口埋口話自己為左家頭細務好辛苦好多野做
你有冇諗過其實冇人要求你做家務做到100分
人地想要精神上滿足，多啲同你出去經歷一啲野
係你自己唔去同佢做啲佢鐘意做嘅野
然後就不停藉住做家務、「我照顧得你好好」
諗住喺佢心目中加好多分以為可以維繫到段關係
如果你覺得你最大價值係做家務照顧頭家
咁其實搵個工人已經可以取代你
你自己認真諗下人地要咩

咁怪雞，你結婚前唔知佢係點嘅人咩？
你明知佢係溫室小花，踢下先郁下嘅人，
你預期喺外國佢會變做摺埋喺屋企做家務嘅男人？外人睇成件事就好似你同個陌生人結婚即走咁樣

其實呢度有兩個issue
性格唔夾係一件事
佢本身唔為個家付責任又另一回事
兩個人一齊住，家務係好現實既野
就算你都outgoing 既人，日日係屋企wfh+做晒d 家務都冇energy 去玩啦，你唔係full time 主婦wo 你都要番工
如果佢真係想同你一齊去玩，就應該同你分擔下

兩個人一齊住做家務係好現實既野
唔通堆埋d 衫唔洗，日日叫外賣，仲要佢地經濟能力只係岩岩好應付到
除非佢老公對衛生要求好低
唔係又唔想做家務又想人做晒完再陪佢玩
咁佢老公就真係要諗下自己想要個life partner 定工人喇

其中一個解決方法係買掃地機械人，洗衣機乾衣機2合1，同埋洗碗機

你人生會多返好多時間

又要返工又要做家務錢又唔多，大把香港女人都係咁
而家唔係做家務有幾重要嘅問題
根本佢淨係喺做家務度搵到自己價值
自己分配唔到個生活上嘅比重，唔陪個老公咁可以怪邊個
就算個老公肯幫手做家務，佢轉個頭怕駛錢、話自己攰
咪又係唔肯同個老公出去玩下，問題一樣會繼續喺度