為頭家付出到覺得無左自己

唉~自己都搞唔掂就唔好學人養寵物啦

你執碗嗰陣唔會倒咗啲廚餘先咩
同埋個隔拎出嚟倒一倒都唔使10秒

同意 ..
其實家務真係好好好少事
我覺得樓主睇家務睇得太重
舉個例子：
我大學個陣係英國同過三個女仔一齊
三個都有同居
而佢地對家務既標準都好大差距
其中一個係極衛生咩都要做足，日日做，每兩日拖一次地
另一個係極唔衛生（我唔care) , 因為我對衛生冇乜要求
果時同佢一齊可以兩三日先開一次洗碗機
一個月先搵一日清潔全屋一次
兩者對比係勁大，我覺得兩者都冇錯
一句到尾，我同左唔衛生果個一齊4年，冇病冇痛，
屋企都冇事發生，一樣好開心，
每日放學或者放工就一齊食飯，食完就打機或者出去玩下，weekend 都唔會做家務，堆埋一次過先做，
屋企長期有幾堆衫係度，
同呢兩個女朋友我都過得好開心，
但佢地對家務同衛生既要求係一個極端，
唔知樓主明唔明，可能我表達得唔係幾好，
總之就懋講放鬆d 喇，有冇唸過所有野都係你攬上身做，
其實唔做，或者做少d , 唔做咁密，都生存到架，唔會死架，仲可以多d 時間兩個人相處，你仲可以冇咁攰

建議樓主睇下依套戲，同你嘅狀況幾相似，除咗你地未有細路，希望你可以同你老公坐低傾互相聆聽大家嘅感受，加油

未就係因為窮囉，呻完都知個原因啦打咁多字托咩鐘點都要請啦，錢解決到既問題就唔係問題

但係佢真係無幫手喎 jm9

唔明點解咁多人信晒佢，可能扮弱者搏同情真係work
你睇條女打出嚟啲野就知佢根本冇能力又鐘意小題大做啦
Wfh，得閒一日放三次狗，開post 約人打機，上嚟打千字文抒發對個老公有咩不滿
真係由佢把口講得出要做嘅咪洗衫，兩三日先清潔間屋一次，煮飯同買下日用品
係啲未出過嚟住嘅人先信佢真係咁多嘢做
唔夠人講就話「我都要返工，我都好辛苦」
明明有洗碗機用都話要刮渣要抹乾麻煩
洗衫晾衫摺衫咁理所當然嘅野都要count成三件家務
叫佢煮簡單啲，買啲家務電器就扮睇唔到唔覆
郁啲就搬個老公出嚟做擋箭牌，話佢咩都唔做先搞到自己咁
但又唔講自己有冇同老公溝通過、老公係咪一口拒絕話唔做
開口埋口話自己唔介意做，但每幾句就加句「但係…」轉折
扭扭擰擰，根本就係佢自己都好唔想做，而家覺得自己做左好多想人地貼星星貼紙佢
我反而覺得佢老公好慘，明明係條女自己唔鐘意social
但比個女人單方面咁砌生豬肉，掉返轉話因為幫佢做家務先冇精神陪佢出去玩
三十歲都未夠就搞成咁係我都唔想要呢個女人
等啲鐘意做家務、好期待搬出嚟住，鐘意縱公主嘅連登仔接收佢啦

同你呢啲人嘈真係哂氣

分開兩個洗衣籃去裝污糟衫咪得 ，煮飯會分開兩段時間食，再買個洗碗機，等臨瞓前開部洗碗機洗，已經輕鬆好多

咪就係囉，不如你哋兩個返香港生活，就算請唔到工人幫手打掃，起碼香港啲屋冇咁大，打掃都冇咁辛苦

唔係「幫手」，係「分擔」
其實樓主老公有幾重視自己個老婆呢？
明明頭家大家有份，佢做男人有無諗過點樣令自己嘅女人生活舒服啲？
我個同事，做倉，老婆做售貨員，搬完成日貨返到屋企都會洗碗，等阿嫂可以早少少休息
兩公婆如果諗住一世，唔會對另一半嘅辛勞視若無睹

好多人自己未經歷過係唔會明，我本人都係自己搬出去一個人住之後先至明，原來一個屋企係可以勁多濕星野要做
兩個人相處無話邊個老奉要服侍邊個，大家有阿媽生
如果有個女人肯犧牲自己時間去令我屋企更乾淨舒服，幫我解決生活上洗衫掃地嘅瑣事，仲肯煮飯我食，我一定會好感激佢

如果樓主唔返工，無收入要靠人養，可能佢老公更加大條道理唔肯體諒佢喎