給19歲的我呢類型嘅片日後點先拍得成？

反對呢套片落畫嘅唔好再單單拎住18歲以下反對有效呢樣嘢嚟講啦
你租間屋 份合約都幾十頁
而家將人嘅青春放畀全世界睇
當初用一紙通告？
不如你講下呢個世界有咩演員張合約會得一頁紙？

咁咪又番去一個問題，其實佢本身有啲女仔拍完都冇剪入去
明知有個人唔想公開播，冇磋商冇達成共識，夾硬都要播，講大話其他人簽咗同意書都要夾硬黎，點解呀？

因為導演要佢覺得juicy嘅野放入去囉，佢淨係諗佢想要嘅野囉，咪犯咗紀錄片嘅大忌，無視咗其實個團隊係攞咗個真實存在嘅人黎影

一係佢其實可以跟拍啲女仔十年只係做取材，然後個拍攝團隊自己影射改編，搵演員任你舞，你想要咩故仔咪自己拍，唔好搞到原本嗰班人

又要拍紀錄片又要唔負責任，就係咁囉

咁可以放心
過多五年後佢再放上網， 到時嘅香港人再睇
呢套嘢一定上神枱
我諗導演佢自己都知

經過呢單嘢之後都幾肯定，冇人再肯拍呢類紀錄片
反正香港冇咗嘅唔淨止係紀錄片
唔好放咁多感情喺呢件事上面係最正確嘅做法

唔係咩睇得透唔透，係本來成個問題就係建基於「因為佢係紀錄片」呢件事
只不過由件事發酵開始，有啲包拗頸乜都諗着駁嘴過下癮嘅無謂人，不斷咁模糊呢個重點

我當香港有朝一日會去到未來另一個時間線上面啦，經過呢件事之後，我怕都唔會再有人揾18歲之下嘅人拍紀錄片，因為宜家個輿論其實唔係屌緊政治問題，係屌緊道德問題。

所以即使係好遠另一個時間線嘅未來，都唔會有人敢拍，因為原來只要有一個當事人講一句我18歲之前決定唔到，但我一直以嚟都唔想拍，成件成品就消失。

呢個係一個好嚴肅嘅問題，關乎未來同類紀錄片，尤其係以未成年嘅紀錄片，仲有冇創作空間嘅問題。你同我同單眼佬都知，唔會再有人冒咁大嘅風險成本再拍一套隨時渣都冇嘅紀錄片。

然後當有人講鵝肝好食，就會有人講佢點虐待啲鵝

佢話只係評論食物唔講其他野，對方又會講返個製作過程有幾咁殘忍，無限loop

所以我個Post只想問點整鵝肝

我係第一批睇十九，睇完覺得吹大咗，套嘢只係一套英華紀錄片，價值只係嚟自幕前幕後嘅堅持，無其他。啲VO係証明導演眼高手低嘅位，垃圾到不得了。

整個唔肥美的鵝肝

會唔會無人肯拍其實難講，其實呢件事處理得好 《十九歲》好大機會可以原汁上映，問題係電影方肯唔肯溝通搓商同讓利。

而家係拎套戲出來公映賺緊錢，班女係無錢分。而班電影人個個就因套記錄片名成利就。點解犧牲嘅一定要係當事人，假如套戲真係咁有價值，真係咁想成就呢一件事，點解佢哋唔犧牲自己嘅利益同當事人溝通去換咗呢件事嘅成功（例如分返電影分紅比女主角）
我覺得呢件事只係勞資糾紛交易唔成功

14 19啲內容都係輕輕帶過，唔好吹咁大得唔得

睇返我#80嘅留言，你呢個問題係無解，紀錄片本來就唔應該要有片酬，極其量都只係必要嘅車馬費，無可能好似演員咁真係有人工。

因為一有人工，成件事就變咗質，唔係一件紀錄緊真實發生事情嘅紀錄片，而係一班受薪工作嘅演員為咗人工而拍嘅戲，做出嚟嘅所謂生活細節可以只係為咗錢，即係假嘅紀錄片。咁就冇咗紀錄片嘅本質。

買賣藝術我諗全世界好多都係身份地位同洗黑錢

分別係外國嘅創作者經歷過羅馬時期再到文藝復興，佢哋嘅藝術歷史深厚好多

監護人係for 18歲前, 所以文書授權到佢18歲後已經無效， 氹得掂佢成年人簽咪得囉
唔識既話可以去睇下法律上minor既意思。

長遠影響係連埋家長嘅管教權利同管教結構都會破壞埋

例如家長「迫」你學琴、學游泳
客觀上唔係害緊兒童
出發點係為佢哋好
而現實安排上，時間亦合理
冇對佢哋身體造成損害
但一定無法避免嘅係
有好多兒童會覺得唔喜歡
繼而出現自身嘅情緒起伏
強制中小學教育亦一樣

如果咁都可以追究父母
話「冇consent」
咁樣就會將家長為子女/兒童做嘅
原意係好嘅決定
變成一種反而係「不合道德」嘅行為
繼而引發法律上可以被追究
甚至家長要坐監嘅程度

是非開始顛倒
情緒主導理性

唔好意思但我根本嚟唔切睇就落咗畫，我諗眾多輿論當中95%嘅人都未睇過部戲。

你呢個觀點

冇話嘔唔嘔，本來紀錄片就唔會完全持平
紀錄片唔係好似而家啲youtube日本馬路口直播咁擺個cam係度就算

好簡單啲野生動物紀錄片都會有方向有narration，會揀野黎剪接
「嘩你睇下，大象一家點生活，佢地去河邊飲水，用象鼻互相嬉戲」
「哎呀，佢地俾隻獅子睇上咗，追鳩着黎咬，走唔甩啦」
佢有冇剪埋俾你睇獅子一家餓咗好多日呀？

本來紀錄片就係咁樣，係有班好天真好傻嘅人諗唔到你睇到嘅紀錄片每一分每一秒都係經過後製先剪入成品俾你睇

但係當你用人黎做紀錄片主角，條片播出街之後就會影響番入面個被拍攝者，除非嗰個人係與世隔絕唔會搵到佢
所以一定要好小心處理，同埋被拍攝者係要有個final say去落架條片

俾個誇張啲嘅例子，假設搵個男士去拍紀錄片拍下佢日常生活，就咁夜晚係條街行，然後個團隊另外去影下色情架步，鏡頭慢慢pan上條樓梯，旁白加句「呢一帶色情活動非常盛行」
三樣野完全無關架，你估下條片播出街之後，嗰位男士要多effort先可以避免社會性死亡？

冇衝突 收錢只係肯被你拍嘅誘因
如果要做d細節出嚟 有冇錢都可以做
捕捉真實係製作方責任

其實完全冇理論講過記錄片唔應該收人工，咁樣點解要拎出來賣呢？點解我地要比錢入場睇？
再者呢個費用唔係人工，而係你想達成目的（套戲可以上映/換取上映同意書）而付出既交易成本。
記錄片真假唔係取決於主角有冇收人工，而係鏡頭情節係咪真實 係咪以記錄為主要目的。即使一套電影個主角冇收人工，但係劇情完全虛構或者係反應唔到係以真實記錄為目的，嗰套嘢都唔可以叫做紀錄片㗎。

我諗如果套戲唔係收錢，要買飛入場睇，有既得利益者，存在剝削，都唔會有咁大反對聲音

你知唔知啲鵝…….

我相信正常人係會知道有幾大成本，所以全世界點解咁少青少年紀錄片唔係冇原因，香港都只係「第一套」
小朋友心智未成熟可以隨時話變就變，而且都未必明咩係紀錄片，再講根本呢單野隨時啲老師家長都冇人預過個plan係咁架添啦，意識唔到當初份通告代表啲咩，班電影佬恰人唔識商業社會

你提起「法例」呢樣野，我建議你另外睇下至少有邊4樣野先可以叫做合約
對於概念嘅野你似乎比較模糊，以致你梳理唔到思緒
再另外可以睇下《千禧BB檔案》甚至一啲取材長達幾十年嘅紀錄片，嗰啲團隊有啲咩做得啱所以拍到，播到出街

香港都冇左幾年，當日話攬炒你當鳩up？
依家黎關心將來仲有冇同類紀錄片

呢個就係19才子講嘅 小我 大我