給19歲的我呢類型嘅片日後點先拍得成？

呢個亦係其中一個討論點之一
血腥、暴力、色情，呢啲一涉及到就已經唔使講
變咗係法律層面完勝

而今次呢件事係冇涉及到，但根據被拍攝者所講，佢真係受到好大影響（如果相信的話，因為唔信就冇野好講）

討論嘅位就係除咗基本人權外
係咪就冇其他討論空間呢？
尤其涉及藝術創作呢啲

而個件事嘅發展係由有社會大眾嘅討論
去影響返個事件結果
所以佢冇再上映
而唔係有由法律途徑去解決
我覺得成件事個發展脈落，都幾有趣

當有啲事法律解決唔到嘅時候，就會由大眾輿論去影響個結果

我覺得呢套戲10年之後睇返 絕對有佢價值所在
仲會係相當巨大

但導演嘅處理手法同種種嘅事
摧毁咗部咁有價值嘅電影

如果唔係由張導演去拍
呢套電影唔需要承受咁多挑戰

只能講件事好成功，但過程好污糟
成件事真係好香港

只破不立
以後都係拍啲圍喂威片喇
一拍啲對立既人 你臨上先話唔同意 你吹佢唔漲 無人會冒咁既風險

呢套戲咁具爭議就係因為唔涉及血腥暴力色情
所以喺法律上處理唔到

而受害者，佢嘅講法如果係真嘅話
咁應該點樣去處理呢套戲

最後結果就由大眾輿論決定咗
所以冇再上映

我諗都有好多正常人
純粹討論作品，我諗冇人反對佢嘅價值
但真係錯在張導演 仲要好肉酸
只要一出聲，就係搵藉口同護航

承認自己錯、承認自己削弱女學生唔得嘅
戲都落埋，都係唔肯講一句道歉
罪不至禁播咪刪左阿聆嗰部份囉
完全get唔到你嘅誰是誰非同困惑重何而來

《十年》係一個「故事純粹虛構，如有雷同，實屬巧合」，有啲咩get到，係你作為觀眾自己投射上去
呢套係紀錄片，片入面就係以導演想要嘅野去present實際人物俾人睇，有啲咩事就會refer去嗰個實際存在嘅人度

想要搞清楚件事，就必然要分清片種性質異同，以及其衍生問題
你鍾意繼續沉浸喺你對於社會歷史變革嘅情感，咁慢慢唔阻你

當事人肯校內公映但唔想校外
咪剪鳩哂有佢個part做校外公映就得
唔影響套戲太多架喎
但條張大盗呃鳩人簽名&無問過下公映
根本一開始問清問楚 剪鳩當事人個part就乜問題都解決

呢件事其實仲有好多爭議空間，我哋根本唔知道中間班女仔同導演嘅過節。呢件事上面全程好似剩係得嗰一兩個女仔出聲，佢哋嘅父母又點解冇乜出過聲？成件事，尤其喺拍攝中間嘅經歷，仲有好多地方要考證。雖然關鍵係取決於嗰幾個女仔肯唔肯講。

但宜家個輿論已經一面倒企曬喺班女仔嗰邊，邊個再有其他意見，無論你之前係深黃都好，做過咩都好，都會比人屌到你飛起

因為覺得好可惜，我都明白佢
一套好嘅作品，應該流傳開去
但導演真係搞唔掂

個對立點喺純粹討論作品
定作品以外嘅因素原來會影響作品嘅價值
去到今日就知道原來係後者

You have my vote
一直喺度
堅定支持真理同公義

所以一單嘢
就睇到班網民揀 女學生 定係要 公義

佢哋重視女學生多好多

同一時間就係，有啲乜野咁重要咁涉及公眾利益，係製作方唔打算同被拍攝者達成共識(包括final cut同發佈形式)，亦都唔能夠剪走其中一啲被拍攝者嘅片段，甚至要講大話呃人「其他人都簽咗份野」去製造朋輩壓力，一定要公開播出黎

我諗其中一個可能，就係大導以及其團隊，係一路以黎都係用以往拍劇情片嘅手法方向mindset去製作，鏡頭入面嘅野就係由導演同團隊去manipulate，就係要造一個導演心目中滿意嘅成品
完全唔係以紀錄片嘅mindset去處理啲事，咁就出事啦

巴打都睇得好透喎

你嘅公義係指咩？

真係好可惜你話《時代革命》、《少年》、《執屋》呢啲，都可以喺牆外，或者喺未來某一日可以睇返，但呢套真係可能永遠都出唔到街

你一開始嘅問題：

「1.如果有任何小朋友參與
日後只要佢話唔想條片出街
咁套電影係咪就唔上得？ 」

我覺得今次件事之後，除非再有明確法例規定點去做，否則應該冇人會再敢揾18歲以下嘅人去影紀錄片，因為原來即使18歲前父母同意咗，原來18歲之後當事人一句話以前我決定唔到，宜家我唔想放出街啦，就可以將成件事摧毀。

你話cut走18歲之後嘅內容都話，原來要連18歲之前父母原本同意嗰part 都要一齊cut 曬，因為當事人話我嗰陣決定唔到。

咁大嘅風險成本，仲會唔會有人揾18歲以下嘅人嚟拍紀錄片？我有一個好大嘅問號。

睇完你咁講 如果係真嘅話
其實呢套唔算真紀錄片
只係用紀錄片手法去拍一套佢想要嘅野出嚟
諗到呢到想嘔

呢兩樣嘢係對立點嚟？
作品同作品如何製作之間可以完全割開嚟睇？

中國人眼中既藝術就係冇人權 道德 高尚觀念

佢地眼中藝術既用途 就係身份地位同洗黑錢

同鵝肝一樣
好多人覺得好好食
但佢的產生又好多人批評虐待d鵝

咁究竟應該點去評價鵝肝?