[求救] 按金俾PK業主撳住嚟搶可以點算好

因為法律無諗過人係咁撚貪心
稅項入面都有D位係預左你有野要維修而唔需要交稅
偏偏有D仆街連人地個份都要貪埋

通常搞唔掂咪報警搞一輪，業主咪敗走lor

睇情況啦，一般嚟講到第15日，我封律師信 / 法庭文件已經會貼咗喺你門口

不過講就係咁講，收樓三至六個月都未必搞得掂

同埋最緊要係睇對方嘅態度，你自然會有啲乜嘢反制措施

用按代租，隨便，我未必可以即時搞得掂，但係如果我嘅損失係非常嚴重，佢都唔會好過 (所有嘢以正途方式解決)

大佬，我租俾你層樓好地地，你整爛我石面，我又要硬食？

可能你哋未試過遇到呢啲情況啫，細心諗乜諗，點解有啲業主會咁樣保障自己

就算業主走，都會喺警察面前拍好晒片，清楚記錄低租客因乜嘢理由於交吉日唔交吉，隨便賴死

其實都係好黎好去，最慳錢慳時間，正常人以按代租都唔會玩2個月咁盡，俾盡都係最後個個月一齊計

呢個年代都係轉數快，簡單清楚，交租同退按都方便過以前好多

不過，呢個世界賤人真係太多，玩野玩過火咪揸正做

呢條友口吻一睇就知係仆街業主角度，我就未見過業主下下出律師信，錢多身痕懶有型掛

我係話任何情況業主都唔應該即日退按金

只有白癡嘅業主先會咁做

下，一手交匙一手轉數快退按先係正常wo

果然係仆街業主

做業主必須要仆街，你先可以應付得到啲仆街租客

你對我好，我對你好，牆身有時啲損毁，你交租記錄係好嘅，由你走啦

你要串串共嘅，玩到你仆街啦

仆街租客通街都係，或者有時佢哋唔係仆街，係無知。

所以業主必須要懂得保障自己。

佢將一D難同複雜既野一句簡單帶過
咁乜都得啦

我唔係針對人，但我覺得業主同租客係有溝通需要，不論簽約前後都以禮待人同保持有一定聯絡先係正途

業主當然可以玩盡法例，不過好似撞車私了，好黎好去，慳大家時間同金錢先係最好

至少咁樣可以避免最後先知對方係唔係仆街，而且租樓有一定自然損耗係多少預左業主要負責番，所以唔係大問題，其實係唔使玩到盡

所以唔係個個適合做收租佬，天真無邪嘅，一定俾人蝦

做得收租佬嘅，應該要有心理準備每一個租客都係仆街

最後一句，人人都會保障自己，但個個都做到最盡，咁咪齊齊都做仆街lor

亦都係點解你會遇到仆街租客，因為你簽約前都要玩到盡，正常租客都唔會想租你

都係個句，一人行一步，互相退讓，以禮待人，做野會將心比己，做人做事先會順利

你識唔識架大佬

咁我到最後一句啦，唔識用法律保障自己嘅人，唔好去做收租佬。 你會遇到好多奇奇怪怪嘅問題。

托賴，我幾個物業收租咁多年都叫做順風順水

係真係有一次租客整爛我廚房石面，咁我當然扣錢，佢唔鍾意，去小額錢債告我，冇問題，不過我有單有據，有相有片，未見裁判官，主任已經收咗佢皮

我嘅comment未必啱租客嘅角度去睇，但係如果你真係想做收租佬，你哋就要小心處理所有問題，因為呢個職業，隨時一做就做幾十年。 所以點解簽約前已經要釐清晒所有問題。

地產經紀必定覺得呢啲業主好麻煩，但係收租佬唔需要理佢哋，租客唔啱嘅就下個，如果唔係你哋到收樓嗰日就會好麻煩。