分享下你哋遇過咩靈異事件(2)

早兩日睇youtube 有個印度佬講打坐
自己又試下跟住做
因為我習慣訓係度打坐
訓到一半突然全身下沉左一野 好似地震果種
成個人嚇親 起左身
落床諗住行出廳
我訓高架床 由上格落番地一直都冇乜野
係直到我開門果下 先發現個門鎖好實 好難開
我用盡雙手全力 連埋體重 都只係開到少少
我先突然醒起 個情況禁似比鬼壓既？
好快就知道自己出左體
然後留意到所有觸感都好真實
除咗道門好難開
其他感官經驗同平常完全一樣
最後冇野想試 自己發神經鳩fing
然後感覺到現實個肉體比我fing郁左 有觸感
之後醒左 要慢慢郁番個身體先起到身

所以人係有靈魂岀x，人死後唔係真係死？

試過中學果時返屋企坐lift
本身份人比較心急 所以好中意望住上面個數字去到幾樓 點知望望下啲數字去到8樓到就開始唔見咗 但係感覺到部lift 係郁緊 之後無啦 轟一聲 停咗

我係咁按開門 突然之間個lift門打開咗
然後我見到自己係14樓
之後我試吓按G 同關門 諗住落返大堂 但係完全冇反應
最後出咗去搭另外一部Lift落去

落到去大堂腳都震埋打俾老豆叫佢落嚟接我上去
果排唔知咩事 一星期內發生過類似嘅事三四次

但係最sad 嘅係老豆係幾年次病走咗

似壞lift

201x年頭左右我同朋友兩個family一齊去泰國布吉玩
住係exactly機場隔離個間有水上樂園既酒店
個d佔地都幾大下
畢竟入面有曬客房、套房、Villa
最出面仲連埋一個私人沙灘

我地兩個family本來係住普通客房
但係好似唔知有d咩優惠
就升級左我朋友個family去住套房（佢兩老+我FD+佢細佬）
下面d圖全部都係我上網揾出黎

當年個酒店地圖

我屋企住係地圖正中間湖邊啡色R字既building




我朋友屋企就住係都係地圖正中間
湖邊紅字GR上面數落第四座既building


日頭check-in既時候由Lobby坐個d Golf Car去都覺得冇咩問題
都只係沿著條湖邊小路就過到去（可以放大上下兩張圖睇下）

見個fd間套房個客廳有張大梳化床
就約定個fd今晚一齊食宵夜睇波

我地兩個family一齊食完晚飯
我費事係人地房到冲涼就冲左涼先過去
搞搞下大約係11點左右就落樓
一落樓發現
仆街
條路黑到幾乎睇唔到
d路燈只係由building門口去到小路

畢竟係異國他鄉人生路不熟
雖然個心已經怕怕地
不過都係開住電話個電筒
急急腳硬著頭皮行過去
途中基本上一片漆黑
冇聲亦都冇遇過人
直到我去到佢樓下個人先定d

我啦啦聲隨手撳𨋢
（示意圖）

3樓、2樓、1樓
去到地下個層
部𨋢冇開門
自己又上翻3樓
我覺得有d奇怪
可能部野壞壞地？
又或者有人上面落黎？

我唯有再撳多次𨋢
如是者佢又慢慢落返黎
3樓、2樓、1樓
又去到地下個層
部𨋢停左
但係佢都係冇反應
我再撳多次𨋢
唔開
過左一陣自己又上翻去

個刻我就知驚了
「吊吊吊吊吊」
我係咁撳𨋢
「噠噠噠噠噠」
佢宜家直頭落都唔落黎
大佬唔係真係黎到泰國比野玩下嘛
周圍只有我不斷撳𨋢既聲

我個心越來越慌
平時都唔太信屋企人拜神個d野有用
但係呢刻我真係冇辦法
唯有一邊撳一邊係個心到自己講
「阿公阿公救命啊，快d比我上去」

真係講出黎都冇人信
係聲都聽唔到既情況下
突然間門外面就有幾個大陸遊客入黎
佢地一撳部𨋢，部𨋢就好正常咁落返黎
入𨋢我都仲驚緊
去到我個fd個層我一出𨋢就即刻跑去佢房門撳鐘
我知佢仲細膽過我
就扮到冇事咁過左一晚

第二朝我同佢屋企一齊落樓去食早餐既時候
部𨋢又係咩問題都冇
直到我翻到香港先夠膽同屋企講呢件事

其實開門，我諗你都唔敢自己一個入去啦

https://youtu.be/KNiXl1EccZA

試過lift都會hang 機，突然全部掣着晒

分享一單印象深刻親身經歷


1）大約小一嗰陣，屋企住舊式冇lift嗰種唐樓，但印象中單位幾大，得一間睡房！老豆老母訓大床，然後我同細佬訓拉出嚟嗰種子母床。

每晚，我成日都係最後一個訓唔著，因為細粒唔夠高，成日彈起身望下嗰窗幾時天光！之後差唔多時間，就有一個男人，死灰色帶點綠光，冇眼珠（金黑）就會推房門，縮埋姆指，尾指咁同我say Hi ，冇耐就會離開
印象中，依個男人會間中每個晚上都會重覆依個動作，持續一年

推

有女朋友住馬鞍山，有一次黃昏去海星灣散步，打算行入鳥溪沙之後入拘巴士西貢食飯。過左烏溪沙青年新村，去到烏溪沙村口，咁天岩岩開始黑，之後遠遠到見到一個紅色長裙，雙腳離地嘅女人，我問女朋友見唔見到。

佢冇答我，一味拉我走。

咁我就知唔係得我一個見到。

後來問過一個成日撞野嘅fd ，佢話我地差d奶野。

以後冇再行個一條路

我果單都係小學畢業營, 響麥理浩夫人渡假村.
本身我地成班仔6個編埋一間大房, 下午都已經settle晒放底行李, 點知食完晚飯無啦啦阿SIR話有女同學要調房, 拆左我地3個男仔去本來女同學果間位置比較偏同埋陰暗啲既營屋.
入到去間3人房, 氣氛真係好唔同, 個種周身唔聚財既感覺係好明顯, 冇人氣又有耳鳴感覺. 咁都冇計啦, 小學雞聽老師話, 又要就下女同學咪轉房囉.
講番間營屋係有左右兩間房各自有門口入, 而我地隔離間房係冇同學訓既.
果晚其實都唔係好訓得著好多尿痾,
去到半夜, 兩個男同學都訓左, 我仲清醒既狀態下, 開始聽到隔離房有人聲, 唔知幾個人係度傾乜野, 之後仲聽到有裝修個種鑽牆, 揼野聲.
果陣我唔算好驚, 係覺得怪囉, 同埋都肯定唔係發夢.
呢單野我只能夠解釋營地D工人非常敬業樂業, 半夜三更開工

呢個係我之前一個同事個老公親身經歷
我嗰時聽完都覺得好震撼
佢老公當年讀緊書嘅時候學校搞個啲露營
附近有沙灘個啲
咁夜晚佢哋個個要入營瞓覺啦
當時係兩個同學一個營的
佢老公打側身瞓覺 瞓瞓下蒙蒙鬆鬆地擘大眼
佢見到有對繡花鞋然後對腳濕晒嘅一對腳喺度
當時佢即刻合埋眼扮無睇到啦扮繼續瞓
跟住感覺好似開始慢慢恰着嘅時候
瞓佢隔離佢個同學仔起咗身出去營外面
咁佢老公就以為個同學出去廁所啦
佢哋紮營出邊嗰啲路係草叢地
再行遠啲條路就係沙灘
咁佢就喺度keep住聽到營外面每隔三步就有一下撞擊聲
佢就覺得奇怪出邊喺度搞咩
一出到個人外面佢就見到佢同我每行3步就喺度向地下叩頭一次
咁佢老公就問佢喂你搞乜嘢啊 你咁樣好得人驚
但係個同學冇理過佢一直喺度keep住咁樣向前行一路叩頭一路行一路叩頭去到沙灘
跟住佢老公就覺得唔對路去咗搵老師幫手
行到去搵啲老師幫手大家一齊衝出嚟搵佢嘅時候佢已經行到去海邊
依然喺度做緊行三步叩一下頭嘅呢個動作
之後個老師好大力咁抆起個同學隻手想佢醒
點知個同學個樣十分之猙獰變咗一把好惡嘅女人聲講 唔好掂我呀！！
而且佢fing開一個老師隻手大力嘅程度係真係比得上一個大人
跟住個老師好大力咁打咗佢一巴
然後佢暈咗 當晚即刻叫咗白車送佢去醫院
需要綁手綁腳
但係個同學醒返話完全冇印象發生過呢啲事
呢件事之後我同事個老公都發咗燒兩個星期大病左兩個月
至於個同學最後有冇搞咩法事我就唔記得有冇講了

仲有一個係我同事自己嘅親身經歷
呢個大約係我兩三年前聽
佢當時話俾我知嘅時候佢都話已經係四五年前嘅事
我諗計返都有七八年
佢話當時係一間元朗嘅餐廳到返工 大約七八年前左右已經執咗笠
跟住佢嗰陣同個經理一齊收夜
咁佢哋就喺度埋數啦
咁嗰間餐廳就係茶餐廳形式咁樣有啲卡位喺度
佢哋就熄咗半間舖頭嘅燈
諗住埋完數就熄埋燈就走得
跟住佢見到熄咗燈嗰便嘅卡位有個女人舉起左隻手
跟住佢同個經理話乜仲未清晒啲客嘅咩？
跟住佢同個經理一齊望向嗰個女人個卡位嗰度
見到女人係坐住背向佢哋嘅卡位 頭髮濕晒 舉着手好似想落單
但係手嘅皮膚非常慘白 加滴緊水
跟住佢同事同經理對望左眼之後好撚驚
即刻離開咗間鋪
燈都無閂 數都未埋 門都無鎖就走
第二日兩個都話要請假唔返工
個老細了解完咩事之後睇返CCTV
個老細話見唔到佢哋所講嘅嗰個女人坐咗喺度
淨係見到個同事同經理突然好撚驚咁走咗

嚇到瀨屎

今日發生 無帶鎖鑰企左係自己果層lift口 無禁制
突然有架lift升左黎我果層之餘仲無開門
過左一陣 我心諗：唔駛啦唔該
架lift即刻落番地下

拒絕好意快啲裝返香

我都去過麥理浩入營第一日已經好清楚見到有白影行過窗口 之後我出去屋睇果個位係斜波唔會有人行
唯有不停同自己講果個係老師黎

雞

你地講起lift
我以前住果度架lift如果停住係GF，有時我去到係會自己開門架喎
我一路以為看更有個掣幫我㩒開架lift

幫你呀，仲唔請朋友仔食香啦

嘩

吓唔係有看更㩒lift咩
我嗰度去到GF佢會自己開門

嚇死