分享下你哋遇過咩靈異事件(2)

房東第三方確認
你都好多單下, 外國都咁多, 都幾麻煩

屋企人同我講返
細個得5,6歲發燒 半夜12點左右自己去開門
屋企人見到 當然阻止我 問我咩事
我話有班哥哥 係9樓等緊我玩波

唔重要啦

玩屎眼

搵替身

係咪鬼火 有中學師兄住墳場隔離
見過綠色火 飄飄

細細個痾夜尿嗰陣一定會叫家姐或者啊媽陪我去，跟住就會輪住去完先返入房瞓。每次我係門口等我媽去廁所嗰陣都會望到有幾個小朋友（係幾個唔係一個）企咗係屋企門口，然後我會走過去，但係一走過去就會唔見咗。係每一次痾夜尿都會咁，我問我媽同家姐見唔見到門口有小朋友佢哋都話冇，仲要佢哋好似冇咩反應咁

上個post有巴打話佢公屋大窗望到走廊，應該係呢種？

呢啲屋人住架？咁撚恐怖嘅

拆緊重建

唔係 好幾年前

仲有一個係小六畢業營 好似係鯉魚門度假村
男仔宿舍係高D既類似係山頂咁 然後有幾棵大樹係宿舍前面
對面海就係墳場 都幾清楚見到哂
一間房4個人 尾房同尾二房個後門就打通可以去大家間房
後門位就係沖涼刷牙既地方 果時我就係訓尾二房
夜晚老師巡完第一次房叫大家訓教之後
小學雞第一次出去3日2夜緊係唔訓教架啦
就開始傾下計 傾咩就唔記得啦 傾傾下就見到有個人影係窗邊經過 因為落左百葉簾所以就見到個影經過
咁我地即刻就靜哂 因為都驚比老師發現未訓
我就係訓窗邊既 隔左一陣都見唔到個影番轉頭
因為去到尾房佢一定要番轉頭 得中間先有樓梯上落
咁我就拉低小小個百葉簾望出去都見唔到有人
之後我地開始驚既時候 隔離房果4個衝哂過黎話有人拍佢地道門 最尾個影都係冇番轉頭 佢地2個2個訓 有個唔肯同我訓窗邊 最尾訓左地下
第二日食早餐果時都聽到其他人話有D怪事發生

拍門咁癲

拍門係尾房佢地講 我果間就好似冇 太耐啦都記得唔係好清楚

似飛機

好撚鐘意睇
希望開到（3）

我琴晚嚇到瞓唔著

由細到大完全冇遇過任何靈異嘢
最多係瞓教聽到廳有1,2下怪聲
冇真正見過/撞過嘢

不過上個月發生一次令我幾心寒嘅事
有晚喺張床上面玩電話（iphone)
本身有開自動調校mon 光暗個功能
咁一路碌都相安無事
碌碌下個額頭feel 到有陣寒氣
唔係氣溫下降嗰隻寒，係起雞皮嗰隻
跟住個mon 無啦啦自己校暗咗
我拉右上角落嚟拉返高個亮度
大概1,2 分鐘後又自己校暗咗
我嗰刻冇乜為意又拉返光佢
仆佢個街今次校完，隻手指離開咗個mon 之後
右上角個control center 自己係咁chok 落嚟又上返去
chok 咗10幾秒左右好返
之後我冇乜mood 就瞓咗

嗰陣諗住部機用咗2年開始虧
而家諗返起額頭嗰下寒氣
可能係有某啲嘢出現咗喺我個頭同部機之間
遮住咗個鏡頭令部機以為個環境暗咗

講個唔係靈異，但件事印象好深刻

大約10年前有晚發夢見到自己成棚牙甩晒，我好小心擺係雪櫃雪住左
又唔係咩恐怖夢，但唔知點解我醒左好驚好不安，驚到手都震埋，上網搵果d解夢網，搵到有個講法係有親人就黎要過身
果時我屋企有個老人家生cancer左幾年，一路都好精神行得走得
冇耐個老人家真係去左，後尾過左排我仲發夢見過佢

我又有類似咁嘅經歷，以前小學畢業營去大棠，咁同隔離班成十幾個男仔同一個阿sir住底層一間大房，然後一間大房入面分左三個細房，望出去就係燒燒爐，第二日朝早一起身隔離房就問我地尋晚有冇出面有冇人行過，我地有冇敲佢窗，佢地話半夜有人敲佢地窗，個阿sir聽完之後面色一沉就講冇嘢既邊有咁多鬼
另外第一晚食完飯之後行返去房途中聽到後面有批同學大嗌，然後急急腳跑過嚟，咁我問咩事，佢地話經過公園見到個鞦韆自己郁緊，好似有人係到盪緊鞦韆咁郁
之後又聽到一啲女同學話見到有人頭碌落去個公園，我自己就第二晚無端端扑街膝頭爆曬缸，去完急症就返咗屋企，本身好期待第二朝玩射箭，結果仆街冇得玩記到依家

舊屎起緊南昌地鐵站

隧道裡面見到有個撚樣冇戴帽，諗住街埋去叫佢戴返，點撚知點追都追唔到個撚樣，到尾直頭見到佢螺旋型咁走，之後爆機叫安全部跟進

咩叫螺旋形咁走？

上面解釋左

簡單講唔好俾個地面限制，用自己望到個空間中間做軸心，再簡單啲講即係個撚樣行行下行埋上牆行埋上天花板

可能我詞窮，諗唔到形容詞比“螺旋型咁走”更貼切

認真
係隧道好熱，咁啱條友又遠離到你一定距離會有海市蜃樓現象
斷估你望到佢個陣個環境好熱，同埋佢個影像應該飄下飄下

好心壞lift 就唔好生人唔生膽啦

親身經歷有兩單
第一次大概95年咁上下
個陣成日周圍踩單車
有次係朗天路條單車徑踩去天水圍
原路返元朗個陣係鳳池村咁上下個位
同個同學見到兩粒鬼火 係眼前飄過

第二次就2千年頭咁上下
個陣夜晚成日出去遊車河
好鍾意去探靈
有次去完咖啡灣燒野食 原路一直去到尾
到盡頭轉左 兩邊有樹林 夠一架車行 第一次去個時渣入個樹林1分鐘都冇
有個女仔驚到喊就倒車走咗.
隔咗排又去多次 呢次去就奶撚咗野
原路一樣 一直得我地一架車都相安無事
接近去到尾個陣後面突然有架好撚舊個啲van仔追住上黎
開頭以為係啲CID車 到架車接近個陣 個車行對頭線爬我地頭
我地車上4條友望過去 成個車係好撚怪 好似啲紙絮車咁
車入面有啲綠光藍光咁 到盡頭轉左 我地照正常車距一齊轉入去
轉完架車直頭唔撚見咗 嚇撚到即刻掉頭走