分享下你哋遇過咩靈異事件(2)

轉自舊登jackyj990巴打
是咁的 呢件事太深刻 (識我既唔好起底 )

都幾年前啦 , 個時我仲讀緊中三,個一晚係年三十晚同朋友去左行年宵 第一次咁撚夜先返屋企
咁我個一晚送完女朋友返屋企就返自己屋企 去到樓下個陣仲同看更已經訓著左
大堂個個鐘係三點正

我一個人入左部LIFT之後都冇乜感覺一直上去我住個層
而我呢就住係六樓既 平時去到五樓既時候都會差唔多減速停LIFT
個晚竟然冇咁既感覺係直上去
好清楚咁望到自己係按左個六字冇錯到
部LIFT就係十樓停左 開埋門
呢個時候已經驚撚到仆街 去按返個關門制... 道門關到四分三到 突然之間又開撚返...
我屌你老母咪好撚驚咁大叫 咪撚玩啦夜啦 我想返屋企訓教唔該~
再去按返關門 一樣..去到四分三既時候又開鳩返
我咪好撚驚咁用部電話影相功能照出去出面 即係伸左隻手出去
照左兩邊乜撚野都冇 我個到走朗行一條直線兩邊咁冇轉灣位
我就知我賴撚左野 講左句對唔住呀 細路仔唔識世界有怪莫怪就狂按關門
前後係十樓關左三次門 第三次終於關撚左
咁我一直都好撚驚咁貼住最入面望住道門
去到六樓終於停左係度開門啦 咁我咁撚驚既時候緊係用狗衝速度行出去啦
一行左出道門我突然感覺到我後面有個人 正常都唔撚會另鳩轉個頭望後面啦
我係全身一野寒撚哂有頭到腳指 全身打左個震 我已經提起隻腳準備跑既時候
部LIFT個個...........突然好撚大聲咁尖叫.....呀~~~~~~~~~~~~係好撚恐怖既女人聲......
由於我比呢一聲嚇撚到自己回左頭望....
個時道門已經關緊.....我見到有個女人既頭 冇錯 係就咁得個頭
係掉轉左個頭吸實左係上面通風口到...啲頭髮趺撚哂落黎完全望哂佢個樣
佢望撚住我 好撚惡咁嗌一直叫叫到道門關左..
我即刻跑返屋企開門開哂燈坐左係個聽到喊喊到我呀媽都醒左問我咩事..
佢叫我今晚唔好訓 依加去裝返支香先 話陪我到天光先好訓驚我夜晚訓會發惡夢
結果我足足發撚左成個星期惡夢 我成個星期都唔敢自己一個搭LIFT!!!!!!!!!

真人真事 唔撚係講笑
我只係呢一世人最撚勁係呢次 以前細個都仲有呢啲經歷不過冇呢次咁撚恐怖

比個入門版你哋睇住先利申 唔敢睇

有開新post, 很好

比咗個嚇到瀨屎嘅事件啲人做頭啖湯

可以揀(1)最恐怖嗰幾單過嚟貼堂

真嚇到啲cd room瀨屎

中學有次去油麻地補習 早咗到就諗住去個廁所先 個廁所係後樓梯 咁諗住開女廁道門但係道門開唔到鎖咗 都聽到有把女人聲話”有人呀” 咁我係出面等 等咗一段時間個人都未出嚟 心諗條友屙咩屙咁耐 我真係好急得嗰一格女廁 就敲門問可唔可以快少少 點知冇人應 咁我就試吓扭下道門點知一嘢就開咗 原來廁所一路都冇人….

嗰陣以為自己聽錯咗就唔為意 補完習行去旺角東搭車 一路都聞到陣好攻鼻有啲似嘔吐物嘅味 沿途買咗杯黑糖珍珠鮮奶仲心諗點解杯野咁臭 飲落又正常味㗎喎 陣嘔吐物味係我行到上旺角東站先聞唔到 返到屋企病咗3個禮拜….

我同女友去台灣旅行 住西門町cheap cheap 酒店
果晚我沖涼先 個廁所好細 浴缸隔離就係馬桶
我企入浴缸 拉埋果塊半透明+有少少綠色污跡嘅膠簾 咁沖涼啦
洗頭洗到勁多泡果陣 瞇眼中望到女友坐左係馬桶 咁我就講「唔好屙屎呀吓」
點知講完 就發覺唔對路 女友把聲仲係出面唱緊歌喎！ ！
我再望多次馬桶啦 果個坐係度嘅黑影變左企係度仲要爬埋塊簾度望住我
我沖緊熱水涼都凍到毛管棟 我打算沖乾淨塊面d泡泡 擘大眼睇清楚d啦 就攞個花灑沖塊面 點知依個時候聽到塊簾郁嘅聲 然後d水變到超熱 淥到心口, 肚腩超痛 但一望 冇野 冇人係度 塊簾都冇郁過

小五同老豆and 啊妹返大陸, 係shenzhen坐大巴去一個叫英德ge地方, 搭上駕大巴之後, 吾知食過d乜and 飲左好多水, 忽然間又急屎又急尿, 而且駕大巴無toilet, 我同我老豆講好急尿(吾敢講急屎), 佢就話:大巴會停係d加油站比d乘客落車去廁所ga, 你忍下啦. then 我死忍爛忍, 忍到個加油站. 但係, 個司機話:最多停5分鍾, 我又同我老豆剩係講急尿, 所以我去到個廁所only 痾尿, 我痾尿ge時候, 用力得制, 屎忽Bit左d屎出黎, 呢個時候, 駕車都就黎開, 無辦法, 唯有上住車, sin.

上到車, 我身上已經發出陣陣臭味, 我啊妹就問我, 你係咪賴屎啊, 我死頂話吾係. 不過呢個時候我已經急屎急到就黎爆,車開左一陣, 我唯有認我係賴屎, 仲好急屎填. 我啊妹呢個時候笑到hihi, 我老豆都忍吾住笑出黎, 不過我都無理佢地, 叫佢地幫我諗辦法因為我真係急得很, 我老豆於是就拎出我地上車前買返黎ge飯盒個食盛發泡膠盒出黎, 叫我痾落個盒到, 我急得好緊要, 無辦法唯有頂硬上, 好采, 我痾ge時候, d其他人都訓曬覺, 不過有d人訓ge時候, 面上都帶有猙獰ge表情, 因為好臭.

痾完之後, 我就連個飯盒dump落窗外. 可能我無蓋好個盒, dump出去ge時候, d屎飛曬出黎, 痴落車較後面ge窗上面. 我老豆,啊妹見到笑到仆街, 我叫佢地吾好比人知道係我做出黎, 好采d人訓著曬. 但係d人訓醒之後, 見到個窗痴曬d屎, 就個個o曬嘴, 有d人用普通話話: 哪兒來的屎啊? 我當時魚到爆, 驚比人duk穿, 我老豆啊妹就恥笑我直到落車, 話比曬所有親戚知, d親戚直到依加仲係度講返件事...

推

屋企人靈異體質，但已經封左陰陽眼
呀媽唔知我有，所以我冇封會見到同感應到

講一單最近期：
住九龍灣得X花園，夜晚打通宵麻將
打到3點幾4點有朋友聽日有野搞要早走
朋友走晒之後，我就換衫落樓食野
（個時樓下仲有間茶記叫海景X店）
行到出LIFT禁制落去，一路等一路玩手機
眼角望到右邊有人開鐵閘行出黎，但完全冇聲
因為個度係舊樓，鐵閘一推開一定會勁嘈
然後我眼角見到有個呀婆DUM企頭，灰頭髮，啤撚住我
我眼尾望到個呀婆係離地，冇腳，著住白灰色既睡裙
個刻我都知自己奶野，然後扮唔知望部LIFT幾時上到黎
一生中最長既等LIFT時間，心跳勁快
跟住一到就沖入去關門落去，天光先敢上番去

過左半年先同朋友講番，驚佢地唔上黎打麻將
佢地問會唔會隔離知道我地打麻將好撚嘈，所以專登出門啤住我，我話可能係
但其實我事後過左一兩星期撞到嗰個單位既住客
番工時間出黎一齊等LIFT吹水，多口問佢幾個人住
佢話佢地一直都係結咗婚住到而家，得兩個人

睇到"唔好屙屎呀吓" 笑左一笑

嘩係佢門口行岀嚟

大約七歲八歲左右嗰時發高燒，我就同老母瞓同一間房。
發夢見到有一個大概兩米高嘅黑影行嚟我間房，個黑影行入間房仲要係’烏’低身咁入嚟。我仲要個人係郁唔到淨係可以望住佢慢慢咁行過嚟，佢入到嚟就直接抱起我想帶我走，佢抱起我嗰下就醒咗，見住我老母攬實我對住房門係到講：你想帶我個仔去邊度？唔準掂我個仔啊！
事後同我老母講返發夢啲嘢，佢講返聽到我係咁係到講：你要帶我去邊？去做乜嘢？
仲要望到我淨係腳尖掂住張床，成個人俾人抱起身咁，嚇到佢即刻攬住我+叫醒我

可能想掉你落街搵替身

細個幼稚園會發惡夢俾綠色怪獸追，有玄學師傅幫我寫咗道符就冇再發生。

中六同死黨去佢老竇間空置屋溫AL，係啲得樓梯嘅中上環乜乜臺舊樓。我地出去買櫈同傢俬嗰陣，啱啱鎖完門同閘準備落樓梯，單位入面就敲咗兩下門，我朋友以為我玩鳩佢，就問係咪我，我話唔係，跟手之後又敲多下，即刻衝落樓梯。不過之後日子過埋夜同溫通頂都冇事。

去露營，中學嗰啲紀律團體要一個人深山摸黑夜行，唔可以開電筒，要一個一個行，每個之間隔五分鐘出發，正常唔會撞到前一個。行行下真係見到前一個，不過係同學仔嚟，但佢就狂開電筒，又開又刪咁照前面左邊。咁我確認個同學仔真係同學仔之後，就問佢照緊乜。佢竟然問我見唔見到前面有個啊伯行緊，我就真係唔見有…我地最後打孖行落山，啲師兄都奇怪佢做埋行咁慢，條友就流馬尿。

同一位同學仔，我地成班露營，前一日佢同另一個同學去霸位先，大隊後入。佢夜晚臨瞓唔見眼鏡，反轉成個營都冇，佢兩個就去廁所搵睇下沖涼有冇，佢就係鏡度濛查查見到白影。翻到營佢就發現眼鏡係營正中間。第二日我嚟到就同嗰度啲營霸傾計(長住+執人漏低野嗰啲)，冇同佢講咩事，先知個廁所有人吊過頸死。跟著仲有嗰日煮野食一近廁所草地幾個爐全部點唔著，但完全冇風，有gas。

啲人話臭係親人鬼 香係陌生人鬼

你個嗰深山摸黑夜行我小學試過嚇到瀨屎，不過無撞過嘢

好撚癲wor

我就係諗緊如果嗰時老母瞓死左我會點

我覺得發生係lift嘅事最恐怖無得走

你覺得遇到惡鬼應唔應該惡過佢定係扮睇唔到

我聽個講法係，腐屍臭係普通鬼，檀香香味係有修行嘅鬼

讀中六時每日都搭巴士由沙田返馬鞍山屋企，有時我坐喺司機後面個位（以前舊式冷氣巴下層前半有坐位），有日巴士停咗喺燈位準備右轉入村，我見到外面有個著校服男仔瞓咗係馬路邊，面向行人路而我見唔到佢個樣，我好奇問司機見唔見到有個學生瞓咗係度，司機冇答我繼續開車，巴士轉入村我再望出去同一位置已經見唔到個學生。
我諗呢個係唯一一次撞到嘢，之後都冇再見到