（內有劇透）《白日青春》拎到金馬獎但香港主流未必會欣賞

呢個咪就係高低手之分囉,
你說服到觀眾投入到佢個世界觀, 同埋佢點建立個世界觀呀嘛
john wick都係好撚離譜架, 但1樣個個睇到好投入

淪落人演出有說服力好多
呢幾年金馬算啦, 中國唔派人玩, 得港台自己圍內玩

而且觀眾對喜劇同正劇嘅包容度係唔同
喜劇即使誇張、胡鬧啲都可以接受
但寫實類劇情片同現實有太大差距就好出戲

睇白日青春有以下幾個位，係即時令人出戲：

1. 撞車嗰吓，會諗難民其實可否有車牌
2. 青春無返屋企咁耐，阿媽又將要遣返竟然唔急搵仔而交俾義工
3. 警察俾幾個細路搶到枝槍
4. 太保都知搶槍好大鑊，但竟然照接

幫你打多幾點
5. 黃秋生初時犯傷人都要人和解唔好告, 後尾竟然幫個搶槍開埋槍既細路走佬, 幫佢著草點睇都重罪過傷人掛
6. 你內疚想幫個細路, 可以既, 送錢送玩具, 都可以既, 兜口兜面搵佢老母, 開始有d科幻, 首先我唔係好相信撞死人都仲有面見佢老婆, 後尾仲要賣車牌同細路著草, 呢到真係科幻過明日戰記
7. 著緊草仲有心情教游水, 教揸車... 如果你真係想安排呢d情節加深佢地之間個感情, 冇問題, 你可以起個細路未出事之前做, 點解要著晒草先黎教? 貪得閒? 而家睇落黃同叉仔個感情建立都唔夠深就發生呢d野, 仲要係唔合logic, 成件事勁突兀

套戲比想像中豐富，最初開始以為又係說教形式，原來最後都係想表達香港人嗰種流浪感受，睇得出有意思想講

最欣賞係起碼成班南亞演員做到戲，同埋建構到佢哋個世界觀出嚟

秋生演戲唔使講，搵得佢就預咗佢有水準，可惜套戲表達出嚟嘅野唔足夠

尤其係描寫秋生嘅人物遠遠不足，例如佢做的士佬嘅原因同佢人生有咩關係，佢嘅社會階層背景，佢轉呔拯救南亞仔嘅原因，甚至乎同個做警察嘅仔衝突可以更強，而唔係講啲你知我知，大家都係游水/逃難落嚟嘅故仔就完咗

成套戲最唔掂係攝影，大部分都係得中shot, 冇一個明顯嘅視角要代入邊個角色嘅故事，搞到個世界觀好狹窄，同埋成日用hand held 鏡頭似乎想拍攝時慳時間多於有style，分鏡唔明顯先會搞到好悶

然後，後期製作明顯都係好趕，畫面剪接上明顯因為攝影個角度狹窄搞到發揮空間唔大，唯有直腸直肚邊個角色講野就剪邊個，同埋聲效上都好單薄，幫助唔到啲角色嘅世界
如果後製階段有充裕時間，重剪多幾次令分鏡明顯啲，聲效做得更豐富，我覺得可以更加表達到個世界觀出嚟

所以，《白日青春》唔係唔入口，觀眾入場都有心想理解你個故事，但係你個故事唔夠出又點入口呢？

就算係私幻片都有自己嘅邏輯
無邏輯即係鳩嗡
同埋星爺啲片係喜劇
本身就對邏輯無咁嚴謹
但正片唔可以咁

周國腎最後係咪都會篤秋生出黎

星爺套功夫其實符合到電影邏輯啦
至於johnwick劇本愈黎愈走下坡，4已經係垃圾級

覺得唔會

腎其實都錫老豆，如果唔係唔會又捐肝又接返屋企照顧。雖然有諗過係愛定責任，但睇落去，感覺係呢對父子無處理過阿媽突然離世既傷痛。正如洗頭嗰幕，老豆kind of 想解釋/ say sorry 但個仔即刻避開唔講，加上兩個都唔識處理甚至無相處，導致之後有種既愛又恨好糾結既關係。

望住個碼頭，隱若覺得，我就係個個被秋生送走既南亞小朋友
唔知點解好said，明明無咩特別感動位，但久久不能釋懷，
心裡面覺得係最最最傷心，傷心過分手
如果導演同秋生係想表達呢種留港定移民既難受，佢成功了。

我爸爸偷渡來港，唔知著左咩魔做左自私精，但佢又想送我走

差在未洗送我去偷渡

到底係乜野賤人令到我地兩代都要走難？
學個仔咁去順服有錢佬真係會幸福咩？
做警察，私相授受，徇私枉法就係聰明仔？

知唔知點解上一代會游游下水唔見左人呀？
因為怕中國船搵到佢地，佢地要摸黑游水呀
放狗咬佢地既，捉佢地既就係佢地至愛既解放軍同志呀！

我老豆都係游水時有同鄉溺死，佢會覺得係自已錯
都癡那線。

首先會呢個年代仲有差佬比人搶槍，係24小時內捉唔返人已經奇怪

by the way 吉夫藥今年有無看電影節

我見今晚導演會去一個分享會，有無人報左名？

撞車撞死人可以咩責任都唔駛負就closed case；
阿默屋企人去醫院拎返條屍，護士明知對方聽唔明又死都要講中文，但之後黃秋生去搵阿默老婆佢又識講廣東話；
青春好好彩咁多次冇穿冇爛走得甩，我唯有當佢係有主角光環；
周國賢嬲黃秋生掉低佢喺大陸11年，咁之後都有接返佢啦，仲要父兼母職，點解又要咁憎黃秋生，完全冇交代。

套戲整體唔差，但呢啲位再加搶警槍就令我覺得有啲玩大咗。

秋生仲要一個 road block都無遇過

想問下大家結局，黃秋生上埋船好唔好？

黃秋生自車禍後，對小朋友一家非常內疚，所以義無反顧帶佢潛逃，自己個仔軟硬兼施都唔理，仲打算陪個小朋友上船，著草錢都比咗兩份（$200萬），但到最後竟然唔上船。

見到有人覺得，黃秋生留低嘅幾個原因，但都好似站唔著腳：

1）周國賢喺的士到大打親情牌，講埋黃秋生嚟緊抱孫，自己亦都可以再次捐肝比黃秋生，但黃秋生抺一下眼淚都要保著個小朋友。如果要補償個仔，呢個位就可以供個小朋友出嚟，佢唔供出嚟比人發現咗，反而仲影響個仔仕途，所以留低真係為咗保償個仔？

2）就算黃秋生真係想補償，都唔會補償到。周國賢喺的士到被黃秋生拒絕，親生仔都唔及個無關係嘅小朋友，係幾咁萬念俱灰。雖然電影無講，但黃秋生留低，周國賢都唔會點樣理佢，亦唔會覺得有補償。

3）黃秋生陪小朋友著草怕死？黃秋生本身換過肝，車禍後驗到肝硬化，唔去覆診姑娘提佢下次去返，索性話取消，都無人無物咁濟，醫唔醫有咩分別呢。佢原本打算返鄉下養老，佢答個fd點解要幫班難民，佢講「走之前想做返件好事」，呢到嘅「走」應該語帶相關，除咗離開香港，亦都知自己時日無多。佢個fd黃大仙知佢想陪小朋友走，黃秋生都話自己有身份證，隨時都可以返嚟，佢係思前想後。

講咗咁多，我係覺得黃秋生上埋船會好啲，會一致好多。可能大家會覺得點解黃秋生一開始連普通襲擊都驚，而家帶個疑犯潛逃，好似唔合理。

不過我反而覺得係最正嘅位，尼采有句好精警嘅說話，類似係"If you have a why, you can bear any how"，只要我哋有個信念，就可以承受一切苦難（聽過另一版本係，既知緣何上路，萬水千山等閒）。黃秋生嘅信念係，自己害死咗人，個小朋友係因為自己而無咗個老豆，佢有負於人點都要令個小朋友安全，所以乜嘢都可以克服。

如果最後一幕，係黃秋生同小朋友上船，之後影著老徐食煙，呢幕咁完會唔會仲正？

1.可能都係偷雞揸
4.太保有講佢都係游水落嚟 可能見秋生同聲同氣
就幫下佢

其實想佢交代多啲黃秋生個性格
究竟佢係本身係咁定老婆死先變到咁？

有去，覺得個分享好好，所以自己做左個紀錄。因為當日本身只係打算去聽，無做notes，以下都係憑記憶做，部分係再research 補充過既資料。如果有錯漏請包容一下。

當日既分享由律師Patsy同導演主講。Patsy係專門做人口販運同asylum seekers 既case。分享當日其實無討論好多套戲，係講好多香港asylum seekers 既處境。

整體及背景
前提：「難民」基本上係因各自既背景同原因而嚟到香港，可能係因為性別／種族／政治迫害而黎到香港，所以唔能夠以一個「群體」去理解所有「難民」。

香港免遣反聲請既成功率(低於1%)同埋時間(平均數為10年)，比起國際其他國家既成功率（約10％）同時間（約3－5年）遠遠低好多。政府既審核方針、審核人員既質素都有影響，當日分享曾有一個伊朗免譴反聲請人以政治迫害及受到酷刑為由申請，而被拒絕原因係該國家憲法入面寫明係會保障人民有政治權利。（聽完嗰下係覺得咁某國都無政治犯。同埋審核係需要了解聲請人本身國家既文化、種族等等，先可以有效地審核佢既聲請係咪合理同成立，但我諗香港大部分人連非洲有咩國家都唔知…）
此外，成功率既低亦牽涉到等候時間太長，申請人可能放棄等待而選擇其他路向，例如前往其他國家，或因犯罪而被遣反，少數則是與港人結婚從而獲得居港權，部分則係原來國家既情況有改善而選擇回國。

聲請流程及生活
提出免遣反聲請後，會獲發行街紙，並要等待入境處審核個案。期間每月有1200超市食物劵、租金津貼（成人1500，小童750，會由政府直接向屋主發放），200-420 元交通費以作前往報到／領取物資等。基本上聲請者既生活無現金可以支配，亦都唔可以工作（正常一個香港生活緊既人，見到上面呢個數字，真係街都唔敢出）同時，來港既聲請人士好多時仲會有心理問題，例如因受過各種酷刑、Detention導致PTSD。

當入境處不確立個案，聲請人係可以上訴。假設上訴成功，個案會再交返去入境處再審核。結果就係不斷既：失敗－上訴－失敗－上訴。如果審核成功，case 就會交畀聯合國難民署安排去第三國家，一般黎講係加拿大、美國、澳洲、紐西蘭，但當日都分享過一個case 係審核成功但無國家接收，於是繼續滯留喺香港。

同時，因為呢個好長既審核，被一d 「別有用心」既人士睇中，來港作免遣反聲請，但實際就係諗住黎搵食（一黎就可以stay 10年打黑工，真好。）呢班人更加係會成村成村人一齊黎，慢慢就會形成一個community 。

因為身分既問題，基本上不論何種asylum seeker，發生咩事佢地都偏向唔會報警，而一旦有criminal record 就會即時被遣反。以上呢點好容易就被不法分子利用，一方面係睇準佢地經濟狀況惡劣，另一方面就係唔會報警。

現場觀眾問題
Q:「其實佢地（asylum seeker）有無後悔／覺得值唔值得？」
A: 「ummm，我諗佢地真係無諗過，因為一諗呢個問題佢地就應該頂唔順」

Q: 「如果你有機會改革個制度，你會點做？」
A: 「其實無架喎，就係do the job properly。審核嗰度做得好，有需要既人咪可以成功去，唔係嗰啲咪遣反，就係咁簡單。」
（補充：我理解意思係審批要認真做，而唔係咩都reject 先。分享過程入面有提到一個case，所有evidence 都好strong，連對家律師都覺得好strong，但個case 就係不斷被各種理由reject。同時各種「假難民」既標籤都影響到審核，令負責審核既人覺得「都係假架啦」而咩都reject。而且香港只係負責審批，唔明白點解唔可以認真做又做快d）

當晚分享其中一個case 好深刻既係，聲請者係一個小朋友。佢父母喺當地被殺，應該係親戚拿拿臨就買張機票送咗佢上機就嚟左香港。research 既時候，有聲請者都只係話，走既時候只係睇邊度免簽，然後就走。對於佢地黎講，我諗嗰個moment 係唔理得咁多，總之走左先留返條命仔最緊要。

例子又冇，點討論

Overall套戲係唔錯，但有d位真係超現實到離地

純自己腦補
老豆有案底係會影響個仔仕途，加埋香港地難民條命唔值錢
親家想照住女婿車禍個單拆得掂都仲講得通

想擰屍個下搞Gag死埋人會無社工跟？反而未出世個件就咁緊張。賣慘情賣得太刻意
搶槍個下真係over左天眼cctv天腳底都搵到佢老豆架的士查啦話，玩到咁大。仲會有人攬佢老豆唔查？