（內有劇透）《白日青春》拎到金馬獎但香港主流未必會欣賞

呢樣真係人人唔同
我自己覺得佢呢類偏向講緊而家社會真係發生緊既事既片就更加要偏向寫實

佢個戲情直情唔合理到我出哂戲

都想睇下多啲唔同巴打對呢套戲既睇法

但呢套我會歸類係社會寫實片
呢啲片種唔需要講劇本邏輯好似說不過去

非常認同樓主嘅講法, 呢套真係要抽離本身本地出身香港人嘅角度, 要以一個居港/認識香港嘅人嘅角度去睇套戲會更加有代入感,

一方面導演劉國瑞並非香港出身, 對於香港社會/香港電影有另類觀感, 另一方面可以代入陳白日同莫青春嘅身份去重新認識香港(一個上咗年紀,游水來港嘅的士司機同埋一個南亞難民家庭成長嘅細佬）從佢哋嘅角度解釋返香港是甚麼。

另外, 戲中講到「點解個個都要嚟香港？」亦都反思到戲中同埋依家「移民潮」下嘅香港定位, 呼應到戲內外每個人心中嘅香港，點解個個(以前/現在）都要湧入嚟香港？點解個個都要離開香港？

我亦都好讚同樓主以散文形容套戲, 每一個章節都有大量嘅意思/同訊息帶出, 例如白日同青春逃亡時教佢學揸車, 短短幾分鐘嘅時間已經滿足／彌補到雙方想要嘅嘢, 但背後嘅原因, 意思, 動機就需要觀眾慢慢咀嚼/回味。係一個逃亡過程居然有時間去教車, 我相信好少人會咁寫個故事兼拍得好, 但劉導做得到,
同埋漫長嘅夜晚亦都唔少增加咗少少嘅tension, 唔知佢哋相處嘅時間仲剩低幾多。

呢套文戲我相信一般人好難會入場/鐘意套戲除咗因為黃秋生主演或有留意開香港難民議題, 套戲絕對會成為一套滄海遺珠, 但對於睇開戲或者鍾意睇戲嘅人一定會有所得着

我都一樣期待咗幾個月，對於戲本嘅推進有少許失望, 另於過多/太長口述過往經歴或解釋人物關係, 係有啲生硬同睇到出格, 但礙於資金同埋導演第一部長戲, 我覺得可以包容一下

PC定沙展

睇返影評先知
第一幕拜嘅係老婆
同佢講個仔結婚
所以遲到
但又無同個仔解釋
我睇到一半已經唔記得左

not this

4日通知係好過份，究竟係想老豆黎定唔想？如果其實對老豆根本已經唔concern，last touch係車上扮晒想同老豆和解其實只係為套料既話，呢個仔就真係好有警察味道

秋生做得好，金馬影帝實致名歸，部戲靈感應該源自Theo Angelopoulos作品 Eternity and a day

有周國腎就支持

究竟最後船家會唔會出賣個細路

2球，政府懸紅未必有，食左政府呢次，以後唔使係呢行撈

劇本太多bug、角色動機都太唔具說服力
其實有啲對白都有啲突兀感，令到太出戲

南亞演員做得幾好

希望個細路真係去到加拿大
唔知秋生係咪諗住自首

重以為白日教Hassan嗰陣會講：八千轉，兩咪車，要衝嘅時候就要去到盡。唔好望住人哋尾燈，學識控制自己架車，唔好比人哋帶住走，行自己行嘅路。

不如舉一個戲入面唔合自己邏輯個位研究吓?

點會冇下次？
鄺球個細仔點俾人拉?

佢未上船就拉咗

難民生咁多做乜

睇完樓主講，search 咗下台灣影評
佢哋似偏向從城市脈絡出發去睇套戲，兩個角色既背景相似相異疏離都有意思。

//《白日青春》不是第一部把南亞難（移）民放進劇情的香港電影，但帶出的社會、政治意涵，比過去都要清晰。黃秋生飾演原本難以容忍外來者的計程車司機，結果自己當年也是從中國游來的移（難）民！其中的相異（對立）與相似（接納），令人更加感慨。
編導劉國瑞不急著讓兩邊立即交纏在一起。反而給了頗長篇幅，讓他們各自發展。好處是反映彼此在現實中的疏離，也讓林諾飾演的巴基斯坦男孩不再只是附庸，而是不可取代。況且這個角色也不那麼天真無邪，無論順手牽羊、情竇初開，或是面對理想化的父親的死亡悲劇，都加深了他鋌而走險的機會與背後的複雜意義。//

https://www.mirrormedia.mg/story/amp/20230403inf002/

未睇，等D+上，依類劇情近年太多，真係冇咩興趣入院睇

我都覺得白日係好自成一角
白日睇完都覺得好有餘韻
一方面拍得好唔港產片、另一方面又講左父子情、離與留呢啲咁香港既情懷

佢地又唔講下例子…

係有啲位唔太make sense
但我覺得唔係咩大問題，可以修下情節改善到的
例如：點解炒車後秋生問個護士姑娘問到咁多資料出嚟、真係做埋社工咁，青春阿媽又會唔懷疑佢就係同老公出車禍既司機，仲交比佢搵自己個仔

可以改一改秋生唔係主動問姑娘，而係唔覺意聽到etc
青春阿媽有左Bn 身體唔舒服etc，先要秋生幫手搵人

人設上我就覺得大致合理地推進到故事展開
秋生背景上真係會令佢咁樣去幫一個南亞仔
而個南亞仔亦都係慘到可以比人利用做壞事..出左事之後既發展都好合理

好認同樓主所講
呢套戲個風格真係同一般香港人導演拍既社會文戲好唔同，我覺得好正
我自己覺得呢套拍得好好，係有嘢想講但唔係用明顯說教方式，加埋黃秋生演得好好，令套戲昇華