（內有劇透）《白日青春》拎到金馬獎但香港主流未必會欣賞

以戲論戲呢套應該係今年睇過最附合電影美學去拍既電影
會用電影理論框架去睇戲既朋友應該勁中意，所以台灣個邊係傾向投一票比佢
最佳導演同最佳原著劇本拎齊，而個劇本係導演自己編，的確係好有料
不過金像獎一向好少比獎咁文學向既作品

人物建構非常立體
白日既格閪人設係基於後生個陣失去至親另一半
到後來為左得到雙重救贖（包括佢搶左人老豆同冇成為一個合格既老豆）而去幫青春
作為一個的士佬好表現到個種事事不耐煩既閪格
但亦因為冇做好周國賢老豆同時因為自己個格差
本身應該係要內疚但轉化左做不必要既敵意，呢點秋生係掌握得極好

南亞角色導演都處理得非常好，唔會好偏面去shape南亞裔其中一面
戲入邊起碼見到6,7款唔同型態既南亞裔
坦白講香港人就算同南亞裔共存幾耐都一定係有bias去睇呢個族群既人，而且係多數偏面
導演算係比較立體咁去呈現返呢個族群係香港點多樣化存在，冇黑化冇洗白
同埋隱約用南亞難民既議題去講「香港人點睇香港」
呢點係埋得幾深下，只係輕輕帶過，就係透過秋生講自己當年都係游水落黎，只係想搵食

電影黎講鏡頭運用係做得好好，中間有一幕係講秋生帶個小朋友去買衫
對我黎講幾乎已經係成套戲既高潮位
一個就從來冇帶過自己個仔去買，另一個就從來冇屋企人帶佢去買
人設既張大係非常足夠，呢點係比較少係港產小品會叫得到
至少近呢幾年既小品都好少玩呢種對襯手法去整大個張力
呢套戲值得入戲院睇的，但唔好當港產片會好D，當係一個台馬導演黎香港取材
當佢地本身有文學底子既角度，會拍出點既香港，咁會好好多
導演係意象既運用，呢套係比其他作品多唔少
不過呢幾年好少見人睇戲講意象，除非有手足想討論otherwise都係唔多講了

另外關於個結局，個人認為十分好
本身移民撚同留港撚既下場都係冇人知架啦
就咁完左佢，唔使下下畫到條腸見底先完，係一種留白手法黎

拍得幾好

我都聯想到移民/留低

我覺得佢係巴基老細/偷野大佬/秋生依三個人對小朋友既態度既比較好有feel

巴基老細係成功係香港上岸既人，佢對族群有憐憫心，但亦好清楚知自己族群係咩人，有生存技能同生存意志，係守序善良既人黎，秋生係混亂中立，偷野大佬係中立邪惡，三個人係DND世界代表唔同陣營

我覺得巴基老細都係香港人既性格, 但係只要唔傷害到佢既利益就可以幫下弱勢社群手(雪櫃/叫人非法打工)

秋生就係雙重內疚(殺左人老豆/為左落黎香港冇左老婆+冇照顧到個仔)先至會想義無反顧咁幫個細路

偷野大佬先唔理佢有冇真係賺錢黎幫人移民(雖然冇可能, 因為d人去加拿大係因為申請難民)


不過個人覺得南亞前面舖排有d 太長
如果短返10-15分鐘會緊湊d

你寫影評真係好

老細黎左香港好耐啦，香港呢個地方就係會令你變成香港人性格

thanks

睇得好通透
得閒去二刷先

如果當文學黎計，佢係散文詩個種，成段野你未必一時三刻搵到詩意/主旨所在（詩歌形體散文化，結構同用字都係），但正正係因為散文化左先可以imply到更到位既「日常感」，香港主流對詩既討論已經唔多，仲有搞到好似散文詩，票房會出事的，香港係睇開史詩結構既作品多

終於有人讚套戲 出面其他人好多commment 都話一般, 但係我都認同樓主, 套戲都表達到佢想表達既野

另外有人話個結局唔好, 我反而覺得咁樣完對大家 (白日/青春) 都最好, 係白日個仔做左最大輸家

呢類戲算唔算已經形成咗一個genre？之前嘅濁水漂流，窄路微塵，同期嘅燈火闌珊....

又咁睇，周sir佢如果當初跟老豆，未必有個咁好既碼頭
佢只係心理不平行啫
不過佢結完婚個日老豆要保釋，之後好快炒車事件，2個月後隻腳好返就去跟南亞仔條線，周sir就話自己個仔3個幾月，唔知係咪一邊中出一邊結婚

我覺得白日算係自己一個分類

燈火䦨珊我驚最後好似拍風景片+如何整霓虹光管

諗返其實4日前通知老豆可能係因為真係閃婚驚見肚, 人地老豆迫佢快快手結左婚廢事多閒話, 因為有頭有面

要覺得呢套好睇
除非可以完全無視劇本既邏輯缺陷
太多唔合理充斥住整套戲

絕對認同秋生好戲
亦唔覺得結局係呢個位埋尾有問題

但由起結走到終點個個過程
真係說服唔到自己 咁樣係合理

期待左幾個月
睇完除左失望 只有失望

岩岩相反的，燈火同白日，都係令人意外既作品黎
不過燈火比白日更難有持平討論
套戲有女性主義撈左入去（正統個種，唔係近代個隻）
對觀眾要求有少少高，除非你係女人（或者代入現代女性身份），否則唔易代入個情感狀況

中間係PTU大橋黎，當係對港產片致敬就算

但佢結婚個間酒店應該好難book位，真係用黎結婚既酒店黎，排幾個月都唔知得唔得

現實會比套戲更加有logic 咩
其實設定依d 野你咪當科幻片咁食左咪算
重點都為背後既野同埋演員發揮

狗官黎
想搶個期駛唔駛你教

講劇本邏輯係好難討論既一件事，星爺冇一套戲既劇本符合現實邏輯，但觀眾投入到個2個幾鐘既電影世界thats good enough

佢好small potatoes，靠外父搶