同居緊嘅女仔or男仔會唔會成日偷偷地自己委屈

唔夾咪分囉，唔分咁咪頂囉爆佢囉

利申同男朋友同居左兩年完全無呢個問題喎做人點解要委屈自己

第一，
其實結婚都好，
總有一日會變到咁，
一個人冇辦法自己生活得好，
唔識獨立同安排自己娛樂/興趣，
無論對象係邊個，終有一日都係會面對呢個情況

第二，
如果佢唔係養你，
一人夾一份錢請人做家務好過，
因為分擔家務呢樣野永遠都唔會平衡到，
一定會有一個頂唔順做左先，
你自問唔係一個大方到會唔計嘅人就唔好自己攬上身，
你「付出」一定點都有少少希望對方畀返「回報」自己，
而且喺家務上要求每個人都唔同，
可能你覺得難以接受時對方可能會覺得可以接受

樓主二字頭條仔三字頭
啱啱讀完書就想揾個事業有一定程度嘅男人包養自己
如果分咗手咪要自己一個捱世界囉

除非揾到另一張長期飯票，如果唔係樓主唔會分手

好多時其實都係小事小事加埋...又未嚴重到發脾氣...
有時又覺得呢啲小事可以為咗佢忍下、自己做，但係耐咗就覺得有啲委屈

真，最憎啲人唔幫手但喺度阿吱阿咗
你唔應該係匿埋喊助長歪風，應該即場爆佢
除非你收咗人工做工人

可能我年紀大過樓主經濟獨立有番咁上下拍拖經驗啦，我會覺得任何時候自己都係最重要，唔會比自己受半點都委屈.. 例如做完家務比人嫌棄，我一定唔會忍，去到要成日偷偷喊我一定會搬走.. 人生苦短唔好委屈自己呀..

因爲我仲讀緊書 所以其實好多時都係翻學同屋企

咁係邊個搵錢養家先？如果佢俾錢，做得好係應份的

同埋有時候都要俾另一半見到你嘅付出

我未講你又知我係靠佢包養？你又知我冇出過錢？你又知我冇努力過？唔好對我咁多ff啦

我做呢d其實唔覺得攰 因為愛佢所以係發自內心甘願去做 但係我覺得委屈嘅點係明明我有默默付出 睇唔到都算仲要去話我d嘢做得唔好 唔係唔可以話 可以換個方式話我我都會聽 佢好多時都係語氣好差咁講

又唔答人係咪對方出錢養家

如果你洗費靠曬人 你打理好d家務都應份掛

你講就講到自己付出左好多，但客觀黎講做左d乜先？會唔會係人地眼中你就係hea做交功課，無付出？

開支同租平均分？

好明顯你只係佢家務器同肉便器
廿零歲扑夠就散

樓主咪講咗佢會做問題係條仔成日屌鳩佢 比人屌係人條氣都唔順啦
根本兩邊都要識感恩 唔應該有任何一邊當正老奉

你出個post d用詞全部都好主觀，不如我問下幾樣客觀事實先：

1. 家庭+拍拖開支既比例係點？ 五五分？佢七你三？定佢比曬？

2. 你話你做左好多野 具體即係做左乜？日日煮飯？日日拖地吸塵？洗衫？男方從來都唔做比曬你做？定係你地都係間唔時輪流做，但你要做多d

3. 男方具體上批評左你d乜？話塊地唔乾淨？定係直情鬧你？

同你情況一樣，呢幾日嘈緊分手。事實係你做幾多幾好都好，佢最愛嘅都係自己，我覺得無論咩都係一種選擇黎，明明可以好好咁去表達自己嘅諗法，但最後都係選擇左用最差嘅語氣同態度對我，咁係愛咩…而家都已經咁 結左婚咁點算 忍到一世咩…我同佢一齊左2年 每日都係患得患失咁 過得一d都唔開心 青春有限 諗番起一切都好後悔 一齊及早止蝕離場啦

你地同居之前有無上過男方屋企留意下佢父母點分配家務？邊個搵錢/管錢？通常同居左個pattern會似番父母，當然少數有awareness既人唔會被影響到。

我講個情景你聽，真人真事，當然唔代表一定係樓主個case

識對情侶同居 層樓條仔買+供 落左女方名 條女淨係負責每個月交雜費

條仔對屋企既清潔度要求好高 基本上佢自己一日要拖兩次地 條女平時都唔會做

跟住有一排條女唔知係咪良心發現 想拎翻d家務黎做 條仔煮完飯後（條女唔識煮），條女會去洗碗

但佢擺明未洗過碗 洗得又hea又唔乾淨 條仔客氣咁反映返d碗根本無洗乾淨

之後條女嬲左幾日

個case經女主加翻d女性主觀修飾 傳到去我耳中 個表述情況就同樓主個post差唔多 講到條仔勁衰 條女勁委屈咁

樓主住人屋企使人錢，佢就負責做一部分家務
依啲係僱傭關係
打工仔做得唔好畀老細屌兩句好閒啫，下次做好啲囉

你二字頭出到幾多錢啊？
見你跳晒制咁就知答案喇

我係出唔到好多錢 當然佢出嘅錢係一定多過我 租金佢出曬 我出生活用品同買送食飯 而當初傢俬係一人一半 我二十幾係冇能力負擔到咁多 我都知道佢出錢都係付出嘅一部分 所以我都將大部分家務攬上身 冇埋怨過做得多 時間越耐我家務由一人一半做到依家全部我做曬 但係我從來委屈嘅點唔係體力勞動付出得多 而係對我做嘅嘢挑三揀四 唔講家務 我就係知佢錢方面付出得比我多 所以佢發脾氣有意見我咩都會順佢意 亦都好少會發佢脾氣 你話我係靠佢包養 我同佢一齊呢段時間 生日同情人節我冇收過一份禮物 係連一份幾百蚊嘅禮物都冇 唔好話幾千蚊嘅手袋