大家有無邊隻game希望佢會出remake?

近年好多廠商都將自己既經典作品推出重製, 好多玩家可以再感受一次當年呢款經典作品嘅魅力, 例如re2 ，re3，re4，dead space等等
各位巴打心目中有冇邊啲作品，一直好希望佢可以 出重製？

我就一直好想死魂曲會出重製， 喺我心目中冇任何一隻恐怖game 係可以取代到死魂曲喺我心目中嘅地位， 嗰種氣氛嘅營造，入面好多角色做好事但係都冇好報， 嗰種絕望感到依家我都仲係好深刻

我最記得入面有個故事有一位離家出走嘅少女， 你要控制佢避開啲屍人返屋企搵父母， 當你控制佢返到屋企，跟住佢父母就唔肯開門仲好驚佢， 原來佢唔知道自己已經變咗做屍人， 但係最後佢父母都係心軟開門俾佢返屋企， 最後當你控制第二位角色經過佢哋屋企嗰陣， 你就可以喺窗口睇到佢哋成家已經變咗做屍人，但係又好開心咁一齊生活， 成個畫面好詭異

不過死魂曲會出重製機會應該都極低啦， 2008年ps3出第3集， 今次啲主角變哂做外國人 ，當年無論銷量同評價都極差， 冇記錯好似連間工作室都關閉埋啦， 所以我都唔期望有生之年可以見到佢 推出重製

唔知道各位巴打你哋心目中有邊啲神作，希望佢可以重新設計配合返現代嘅標準，再次出現喺你面前

Uncharted 1

我反而希望係第二集
成個系列我覺得最好玩都係第2集

FF6 FF8

Dark souls
Resident evil outbreak
恐龍危機
Resident evil cv

我一直都覺得佢出完第四集重製之後，下一隻嘅目標應該就係cv架啦

屍魂曲你講咗
仲有係鬼武者

波斯王子
1 重製緊，之前畀人插到0分重作，唔知幾時先出到

痴線，睇下而家邊個做緊阿頭先。到時破壞經典就有。

好似取消左

捉馬嬲3

大富翁4

曹操孔明傳個類
ace combat
c&c

有啲remake真係破壞經典
例如re3咁， 真係一個好冇心嘅remake, 好多劇情環節全部都俾佢cut走哂， 成隻重製俾你嘅感覺好似就係趕工拿拿聲做出嚟嘅作品

我仲以為好多連登仔都會講 red dead第一集添
反而到依家都仲未有人講呢一隻

莎木 1 2

FF6、Dino Crisis
以而家嘅技術家用機能力，可以將成個環境同情節帶出嚟

Drakengard 3, 一直都好鐘意呢隻game嘅美術風格同埋壓抑嘅劇情同遊戲氛圍，可惜睇返啲gameplay畫面唔太掂，如果有機會remake一定課金支持。

台灣game 聖域爭輝

Fable

牧場物語

前排專登搵返死魂曲啲劇情嚟睇