香港教育制度沒有問題，問題係太多窮人係呢個制度入面，你同意嗎？

窮人同制度有咩關係

吓，英中少得可能

母語教學都唔知係咪啲有錢佬諗出嚟去呃殺啲窮人嘅方法

所以母語教育就係差，令到部份人英文水平唔夠。另外，上到大學好多知識都係用英文，英文思維模式完全同中文唔同。

香港教育制度第一問題係朝令夕改

淨係小班殺校同加班收生呢個loop 都玩咗幾鑊

通識11年間由必修變廢除

普教中隨政局及大陸學生多寡翻來覆去
啲學校由先導 變褪軚 再變主動推
但並唔係以教學為本 純粹係睇「客路」

母語教學的相反唔係純英語教學
大多數都係英書中教
只有極少數傳統名校先會用純英語教學

你講咩「有冇諗過識晒中英文，其實某程度上，係識晒全世界最大經濟體嘅兩家茶禮。」
似乎係覺得唔用母語教學d學生就唔會識中文咁
好老實講我真係完全唔知你講乜
好似九唔搭八咁

應該咁講，中文同英文都被教育體系認定為同時重要既學習，香港係全世界算獨一無二

即使係中國台灣大陸都冇香港既雙語教育咁徹底（佢地比較側重中文）

香港本身係用中文做母語，好難唔用母語學習。
（例：正如日本都知英文重要，但都係用日文學知識一樣）

如果你係好想講學生學中文唔一定用母語，咁只係會將香港推向一個極少數唔用母語學習知識既地方，咁有冇例子說明咁樣做可以更有效令學生學習知識？

標題講香港教育制度冇問題，其中本身就係拎左中英文學習同樣重要呢樣野做支點，而大部分學校都有彈性中英夾雜上堂。所以我唔覺香港用唔用母語係有影響香港既教育質素的。你話既9唔搭8，可能就係我真係唔當母語教學係咩野，所以回應你唔準確。

由於我想傾既係標題後半部分，但大致上就係冇咩人覺得「香港教育制度沒有問題」，所以難以進入標題下一段帶出嘅討論。

香港教育無問題
岩啊


我眼見身邊所有想生的人
都想繞過呢個教育制度

一係就plan 移民 ， 成功移民先諗生
一係就搵多d 錢 國際學校


教育問題啊
Keep going

我有少少理解樓主想講嘅嘢 樓主個point有少少類似教育冇辦法帶來階級轉變 而原因係有錢人同窮人個起步點已經唔一樣 如果冇咗有錢人同埋窮人大家都係同一個起跑線 咁樣呢個教育會好好多

去到呢個位置我認同嘅 好明顯有錢人係唔希望窮人可以透過教育完成階級轉變 假如冇咗呢個限制 讀書同未來嘅收入完全唔掛鉤 咁學生發展會有少少機會可以跟隨興趣發展 但你見到呢個位就判斷香港教育冇問題又有少少本末倒置

首先一試定生死呢件事已經令到高中教育比起傳授知識 佢更加重視嘅係磨練考試技巧 絕大多數人對於知識嘅興趣都喺呢度畀人消磨殆盡 當然有好多人成熟咗都可以喺呢度追返成績係好處 但係壞處真係多 望一望ib嗰個設計已經令人舒服唔少

就算我哋再撇除考試嗰個影響 好明顯我哋現代香港教育制度個涵蓋同比重偏向令小朋友成為資本底下嘅青年才俊 青少年同埋小童應該要擁有嘅情緒 邏輯 道德 藝術教育完全畀人當咗係閒科 畀人削減拆散擺喺其他科

對於用咩語言作母語教育我又覺得還好 只要培養到學生對於知識嗰個渴望同埋興趣 佢自己有動力自然就會容易解決好多

你都講得好似。當然，天下間唔會有一個完全冇問題嘅教育制度，我只係用標題嘅第一句吸引大家討論。而望到香港教育就直接判佢死刑嘅人實在太多，當中非理性判死刑嘅人更加係大部份（例如學中文冇用/中學教既野冇用…）

肯撇除政治枷鎖，呢個DSE課程會係全世界最特別可以睇哂中美關係發展既望遠鏡

回應一試定生死嘅問題

其實當初設立公開試目的，本身就係想將各個大學嘅入學試統一，大家唔使考港大就要考一次試，考中大又要考另一次試，呢個係令到大家唔使每間大學都考一次試嘅最後最佳結果嚟。
始終香港太細，人太多，錄取學生都係宜簡不宜煩
之後先發展成公開考試

但係政治枷鎖已經嚴重地影響緊呢個教育制度 現存好多科目嘅編排同取向都比政治同歷史因素框住咗 所以假如真係要講到完全撇除政治因素影響 咁你心目中嗰個其實已經同香港教育制度相差甚遠

同埋教育制度點樣將中美關係發展睇得清楚你可唔可以講多少少 呢個位置我唔係好理解

再回應返你個回應 有一個統一嘅量化標準當然係好事 但係有冇必要真係一試就定生死 正如我啱啱講 ib就係一個好嘅例子 同樣都係靠考試 一兩個月之內檢驗六年全部所學同埋階段性咁樣推進 本質上已經非常之唔一樣

迫你出嚟臨場做卷定係畀啲時間你自己完成一份報告又係兩個唔同嘅方向 對於有急才 背誦能力強嘅學生當然係好事 但係對於擅長慢慢做報告搜證嘅同學呢 佢哋喺學術上嘅評價會因為呢個考試涵蓋唔到畀人拉低咗

一試定生死都唔緊要 最重要嘅問題仲要係呢個試嘅考核範圍太狹窄 撇除政治因素呢啲都係香港教育好嚴重嘅問題

你所講的中國 台灣 日本
高等教育都可以用返佢地的母語讀
所以佢地用母語學知識唔係問題

問題係香港高等教育係冇得用中文讀(中文中史等等除外)
就算係高級文憑 副學士都係要用英文讀
一讀到副學士 高級文憑
中中學生缺乏英語學習能力的缺陷係好明顯
第一個sem已經搞到唔少人適應唔到全英教學而選擇退學
因為真係會上堂完全聽唔明佢講乜
就算自己睇書都未必睇得明 或者唔知自己係咪真係明

最後我想問你一個問題 因為我覺得你好離地
你中學係唔係母語教學？
即係中書中教 而唔係英書中教或者英書英教

我中學係香港英中讀過，身邊基層同學有但係少，正常人一定唔會笑同學窮，因為咁係最on9，起碼人地窮都讀到成績。


亦都出過外國讀書，出面既同學英文係叻，屋企條件好d，上堂係開心。但就係冇香港學生既視野同埋角度。（佢地創意解難強d,但香港同學政治觸覺高d)

對香港中中既見解係，
香港既大學大專學位其實edb 應該一早潛規則係定左比band 1-band 2 頭同學（約佔40%）

所以中中係呢套規則下係冇預讀大學既（中中全部係band2中-band3)

亦都唔需要考慮佢地接駁問題

你肯定香港現今年青人的英文比日韓年青人好？

平均係好過，你去一轉就知佢地英文差果D真係差到貼地，香港差極都識單字表達，識this this this

我識d 日韓年青人，英文一定好過香港果班

我直頭係果邊做野

講緊最基層既人，去餐廳去便利店賣衫依D先反映到個水平

但係唔可以咁講
你地兩邊都係「以我觀察」
有冇客觀水平in general 計邊班好d

例如我搵到篇新聞講ielts
香港>日韓（2016）

https://amp.scmp.com/yp/learn/learning-resources/article/3069571/hong-kong-maintains-third-place-asian-ielts-rankingshttps://amp.scmp.com/yp/learn/learning-resources/article/3069571/hong-kong-maintains-third-place-asian-ielts-rankings

邊個地方冇窮人？

你咁比較IB黎講唔算好強說服力

IB 考核方式係progressive, 咁咪可以倒轉你呢句：
「對於有急才 背誦能力強嘅學生當然係好事 但係對於擅長慢慢做報告搜證嘅同學呢 佢哋喺學術上嘅評價會因為呢個考試涵蓋唔到畀人拉低咗 」
即係ib 都會拉低某類學生

咁唔算係DSE 缺點，應該咁講，呢個缺點係每個制度都有，推唔出DSE一試定生死較差既結論

再宏觀睇，香港都有齊IB/GCE/DSE讀，某程度你說明左IB 補足左DSE 既不足，所以更引證香港教育制度較健全？




中美發展好多時睇政治動機，政治動機就要睇政府講話同埋文件，仲有時事分析

呢d其實係要進階中英文先會真理解到，用買餸語言未必夠。

一個唔完全但我認為有用既例子：
大家成日笑9外交部發言人既講話，笑比家超講野冇人明，其實已經係中文能力高既一個表徵，佢地既講話好可能真係故弄玄虛，講比水平低既人聽故作高深。

一個無問題嘅教育制度
就會令到窮人同有錢人都得到相同嘅機會啦，所以你句野唔多成立

不過講起呢樣野
我諗起點解要有「校服」呢樣野嘅存在
真心校服係一樣可以令有錢人同窮人平等起來嘅措施，所以我由細到大都好專重校服呢樣野，因為知道如果無咗校服，窮人就會因為衣著打扮，返學會自卑

但去到呢個年代，又多返好多牛鬼蛇神
手機，電腦教學，遊學團等等，全部都係區分咗有錢人同窮人嘅野


我記者以前啲上咗年紀嘅老師分享過
香港嘅教育理念係「補底」而唔係「拔尖」
老師會寧願用時間，去將一個考 F 嘅人變成考 E，而唔係將一個考 B 嘅人變成考 A

講真呢種做法以當時香港係殖民地嘅身份錯唔晒，一班有領導能力嘅鬼佬，帶住一班執行能力極強嘅香港人，先創造到70-90年代嘅香港

同埋呢種好處係香港蠢嘅人都相對無外國嘅蠢人咁蠢，當少啲無腦嘅人其實係易於管治

但當香港唔再係供應執行力嘅地方，個教育方向就變得好含糊，而家係既做唔到拔尖，又做唔到補底 一啲人覺得 DSE 範圍比起 AL/CE 淺到弱智，另一啲人覺得 DSE 深過 CE 做咩

以前嘅 AL/CE 就係用唔到 level 分流唔同能力嘅人，而家連個分流都無埋，所以越來越亂。亦變相一個考試變得異常重要，越有錢嘅學生唔駛煩惱屋企問題/有錢補習，同無錢學生要幫屋企做家務甚至打工，已經爭咗好遠。

所以總結就係，香港個教育制度好撚有問題，但問題核心係香港成個社會都唔知自己想點

屌母語教學真係好無謂
母語教學就係俾啲語言能力差啲嘅學生能夠容易理解
一啲抽象少少複雜少少嘅概念同知識
母語教學係幫緊語言能力差嘅學生學習
等佢哋唔好因為語言能力差少少就可以自動quit game

至於大學
有能力係公開試拎到英文合格
即係佢英文能力係可以適應到英文學習

不過。一般香港人d 英文好極， 都係死唔去。
但如果講生活用英文， 香港人完全唔得

問題係太多奴才和韮菜係呢個制度入面