（集思廣益）夫為不爭，故天下莫能與之爭

你認同呢個人生態度嗎？點解？

唔參賽就永遠無輸過
逃避者心態

逃避嘅心態個問題係？

你覺得無問題咪無問題
我只係點出佢呢種諗法係逃避既心態
呢個世界無話一定岩一定錯
你自己覺得舒服咪得

我開呢個post嘅目的，就係探討呢個人生態度有冇問題

咩叫有問題？
唔符合普世價值唔代表有問題
你覺得有矛盾/撕裂感既話咪有問題
最緊要自己覺得無問題

其實，你用得逃避呢個貶詞，已經對呢種態度有judge

夫唯不爭,故天下莫能與之爭

成句去睇,係為左「天下莫能與之爭」,所以選擇「不爭」呢種生活態度

爭係爭啲乜嘢？我假設係講緊金錢、成就、地位

咁「天下莫能與之爭」,都有兩種解讀方式：
1.全世界都唔夠你爭
2.全世界都唔同你比較,你脱離左比賽選手既行列

先講2,2既解釋係重複緊不爭既意思,總之就係唔同世人比較

再講1,1係其實你都有爭,不過爭既手法同世人唔一樣,但係最後你贏左。例如話某間公司唔同同行產業競爭市場佔有率,但係最後賺到最多錢。呢種更加似係兵法,一種爭勝既手段。如果你喺啲投資/成功學既書,通常就會係咁解

1既另一種解法係好似道家名句「無用之用,方為大用」,講緊世人爭既名成利就唔係人生遊戲既真正玩法,人生遊戲既勝利條件應該係內心既滿足同平安。而透過選擇「不爭」,人可以獲得最大既滿足同平安,所以先係真正贏家

點解逃避係貶義？
師兄似乎係你本身執念太多
申生在內而亡，重耳在外而安。
咁重耳都係逃避直接硬碰硬但佢最後勝利喎

同意師兄所講
其實道家唔一定係消極
只係你用不爭既態度去做一樣野既時候
無左得失計較之心
無咁一壓力
出到黎個結果可能比預期更加好

逃避喺邊詞係我自己嘅印象，係唔係就要睇詞典點講？

如果詞典話係貶詞嘅，你個例子就要改做避開硬碰硬啦

學野

已財自早已經不爭
名與身孰親？身與貨孰多？得與亡孰病？是故甚愛必大費，多藏必厚亡。知足不辱，知止不殆，可以長久！
有錢呢唔一定幸福，健康先最重要

許由曰：「子治天下，天下既已治也。而我猶代子，吾將為名乎？名者，實之賓也，吾將為賓乎？鷦鷯巢於深林，不過一枝；偃鼠飲河，不過滿腹。歸休乎君！予無所用天下為。庖人雖不治庖，尸祝不越樽俎而代之矣。」
做人最緊要安守本份唔好為名為利同人爭
失卻嘅只會係健康

係咪道家思想黎 唔打所以冇人打得贏

認唔認同呢個態度視乎你自己點睇人生

夫為不爭。
所言之夫，本身已經含有道，儒，釋嘅聖賢，天人，佛嘅境界。 喺基於境界已經到證道，所以佢不爭，自然天下都莫能與之爭。

用一般人境界嘅不爭，應該唔完全表達到深層意思。

點樣睇人生會認同？

點樣睇我哋人生會唔認同？

「夫」字用係句首，只不過係發表議論嘅虛詞，唔係指緊聖賢

我覺得，至起碼要睇埋前幾句去理解

不自見，故明；不自是，故彰；不自伐，故有功；不自矜，故長。夫唯不爭，故天下莫能與之爭。

成段野都講緊唔好淨係用自己嘅角度睇野

無論解做『全世界都唔夠你爭」
「全世界都唔同你比較,你脱離左比賽選手既行列」
都其實係 focus 咗落自己嘅角度


所以，其實應該仲有其他嘅解讀：
不爭就係，唔係用自己嘅角度，而係用他人嘅角度，
甚至用天下嘅角度去睇野
咁就唔會出現「天下與之爭」

認同某一樣野=送自己入迷宮!
認同某樣野等於着相!
你個問題係要建構一個價值觀!
跟隨任何一個價值觀就即係跳咗入迷宮! (著某一個相)
試下宏觀啲感受啦!
"講得出""諗得到"嘅全部都係(法)或者(相), 可以比喻為鏡嘅影像! 要知道鏡本性係無影像嘅!

自己諗下啦! 講唔到啦! 參下啦!

推

離題：
齊物論俾咗嗰幾好嘅insight
如果將莊子閱讀得太死
就會好容易有對莊子嘅錯覺
認為佢講真人無視現實，流於空談，因為人始終受制於歷史框架、生物性框架
但莊子有批評過呢種考卷式閱讀方法（乜嘢都要從作品中找到是非對錯，是就係本文中心思想，非就作者一定反對），咁太過急躁
「夫子以為孟浪之言，而我以為妙道之行也。吾子以為奚若？
是黃帝之所聽熒也，而丘也何足以知之！且女亦大早計，見卵而求時夜，見彈而求鴞炙。予嘗為女妄言之，女以妄聽之，奚？」
首先莊子要我地admit嘅係讀完老莊唔會搵到one piece，唔會知自己係咪喺matrix，唔會速悟了脫，亦唔會脫離到自己嘅生活，諗住量子速讀完老莊就會搵到妙道諸如此類，太早計啦，呢種諗法只會閉耳塞聽，是愚者自以為覺，竊竊然知之
咁唔通花多啲時間、花一生精力就會知道曬，亦唔係，例如話我活到九十歲命，可能都一直自以為立足呢九十年自己嗰套都係啱，但如果我死遲一日同小朋友傾計，可能世界觀會突然間upside down都唔定
我哋人只有放諸無限嘅於「時間」度，我地嘅belief先至可能改變，我哋人係有後悔呢個行為，正正就係時間所致，以至於誰是誰非，將來歷史繼續行可能會遇到大聖知其解者，振於無竟，故寓諸無竟

我想要一樣野。
我可以用盡心機同機心去計算，努力去爭取。
我都可以無心去刻意爭取，但唔代表我要迴避同拒絕我想要既野。
我只係做返本來既我自己，我做返我日常為自己而做既野，可能間接地都會得到嗰樣野。

分別在於，前者係 external motivation ，為嗰樣野本身而爭取並且執著。
同後者，比較係 internal motivation ，為一 d 內在 d 既出發點而行動。

譬如，功名利。
唔係為左想幫人而行善，而係為左心入面自然地想善待他人而善待他人。
唔係為左名利而做藝術，而係為左想借藝術而表達自己而剛好做到好既藝術去得到名聲。
唔係為左錢而讀書同工作，而係為左知識趣味本身而深入理解一 d 知識從而做到有益社會既事而得到物質回報。

道家本身，或我自己消化後既道家，應該唔係刻意拒絕社會主流既利，而只係比較強調唔好本末倒置，唔好因為過於執著而反而傷害更重要既野，譬如精神健康。