近排咁多人推一手樓踩二手樓

如果真係好似天鑄vs 瑜一咁梗喺抵買啦，但一手盤唔係個個都好似瑜一咁食到上蓋盤。

筆直有限買飛揚好過二手樓無問題，但要預左將來要賣樓嚟樓換樓都難。另外3年後同區你會揀雨後定朗8?

一手好處係新，但便利性一定無二手咁好，二手係差在業主叫價進取姐。5年後大家一樣係二手樓，既然咁多樓淡話會跌，無咁便利既屋苑只會跌得仲勁

二手樓係買配套同生活機能，一買就享受到，仲有一般同價錢可以換更大或更高，仲可以參考過去幾年成交同租值睇返抗跌能力。
但買家要落場講價，仲要識睇樓，除咗首期要預鬆多啲裝修。

一手係唔使裝修電器，將果幾十萬打埋入按揭，但價錢貴，地段唔好嘅話可能十幾二十年先靠通漲翻身，仲有管理費同管理質素無往績可尋，一但發展滯後、管理不善或者後來發展影響你單位景觀，任何一樣都影響到幾十萬樓價同有冇人買，而你個裝修又係消耗品，最後有好多大西北新樓最後都係食屎，如果有市區新樓，買得起一定買，起碼物以罕為貴。

總括嚟講上車自住最好學下睇樓之後買半新或老牌大屋苑（視乎budget），需要嘅知識量比起買新樓少好多，換樓又易。新樓講緊要睇埋附近基建同發展商，賭博成份好高，一唔小心過咗十年都仲係起到半天吊乜都冇。