其實近期既一手樓開價平,真心吸引,但堆盤都有唔同既優點缺點
Novoland:Sell HK,大屋苑,價錢合理,但交通唔就腳
雨後:近朗屏站,則四正,價錢合理,但單幢,細地產商
瑜一:真市區上蓋,第一張價單低層平,金門起,但民生野商場一係行10幾分鐘,一係搭黨鐵去黃埔,景就。。。
飛揚:平,位置閪,長實,精進
如果20年內既二手樓仲要叫到高價過一手既,多數係交通便利配套齊全,呢點真係睇買家既負擔能力,太古城美孚新村就唔好拎出嚟講啦,追價買果d 真係傻
首期有一千萬:直接買瑜一高層/大單位
首期500萬:唔係住開大西北都係可能會揀瑜一低層或者市區方便二手樓
首期200萬:大西北都唔介意上面堆都可以買,但要方便都係要搵返市區舊d 既
其實成日話一手平二手就無運行,其實都係睇買家既選擇,大西北平係咪就會吸走左本身想係港島置業既人?唔講到咁極端,康城新樓平係咪就會令到本身想買將軍澳既人轉軚?
要買樓既最緊要自己諗清楚計清楚條數,唔好信連登樓好樓淡,唔睇好前景既就租