Rainbow咁大間公司唔當員工係人

Rainbow 全名rainbow creative art
成日十幾號先出糧，仲要次次都出少，少到幾百到一千，成日搏人唔計糧可以出少，每次一有問題，反而問返啲員工要自己搵返邊度有計錯，但係已經填好attendance sheet計好份糧畀佢，真係唔明份attendance sheet用來做咩？又唔係跟住出糧。到最後又冇補返糧，老闆又成日唔覆機，搵會計又唔覆，就咁樣呃人血汗錢。都係想打份工，搵食啫。

不過個老細都有問題架，成間公司咁多分店，得一個人計出糧。但係咁唔代表佢計錯糧就冇錯囉。仲有，個老細成日壓榨員工，成日覺得啲老師冇嘢做，成日要人做埋啲無謂野，成日話咩我後生都做過part time 知辛苦，但係其實就係含住金鎖匙出世，成日高高在上，覺得人哋咩都做唔好。點知到佢自己落去做就畀客屌。

個老細有次真係落去教畫，點知畀個學生家長指名道姓話唔要呢個老師，跟住佢走去同人講話冇得指名要咩導師，但係又同啲計學生人數嘅老師講「你教得好啲學生可以點你名要你教，可以搵多啲」（但係佢個system都計錯學生人數，計少糧）可見，佢真係成日出爾反爾。

最好笑係老細係外協主席，會歧視員工。見工嘅時候一定會叫你除口罩睇吓你個樣，試過有老員工見工，佢老細話「你好靚女呀，我一定要請你」真係聽到都黑人問號。仲有一個員工係有斜視，見工嘅時候同人哋講話咩『我究竟要望你左眼定望你右眼』跟住去到再次見到嗰個員工嘅時候話咩『記得你呀你係望右（左）眼嗰個呀嘛』超級冇禮貌人身攻擊。

雖然個老細差都唔係第一日嘅事，但係佢可以令到成間最大間嘅分校嘅大部份員工都辭晒職，真係好勁。

上面講嗰啲全部都係事實，唔信可以問吓返過嗰度嘅人，真係冇咩事都唔好返呢間，又低人工又要咁俾人對待。

勞記開左file?
推到佢成間摺

居然有開名

支持樓主

推

佢之前都試過拖薪畀人告，佢仲串9個staff 「勞記啲人識我架啦」真係畀人告慣，成9日咁對啲員工

串到咁
呢家要勞記+東張 channel C一齊黎

個網都停埋 係咪執柒左

有開名, 推

咁撚柒串 幫你推

推

嘩屌cls 推上報

識人做過 慘過地底泥
叫d老師搞咩展覽 日做夜做都做唔切 仲要成日ot 又無計番錢
整埋晒d 無用既野 d教材又垃圾 小朋友根本學唔到d咩野 d老師幾有心有技術都無用 要呃幾撚多家長錢可以租得起d地鐵商場做教畫

幫你推吓
indeed成日見到呢間野請人

呢間野之前做過 頂唔順太仆街做咗三個月就quit咗
呢間公司冇sick leave 上次病咗返唔到工 比埋醫生紙 都要放no pay leave 推到佢執笠

推
咁既垃圾畫廊d老師咁勁都冇用啦
屌你老母仲歧視人地，真係垃圾

推
呢間閪公司，人工又低，多野做到仆街
拖地清潔都要你做埋
但你根本唔會有空閒時間做呢啲立雜野
而家仲要搞啲濕鳩展覽

星期六lunch放12:30，但上晏最後一班落堂就係12:30，你仲要同返家長present，逐個家長傾吓+執枱根本唔可能準時放飯
但lunch後第一班就係13:30，變相你逢星期六可能只係得40-45mins lunch
on撚9公司

屌 仲以為講緊 rainbow吸塵機間公司

朋友做過 欠薪拖糧仲要大大聲同人講 差你嗰少少錢都要追數咁追 我諗唔追既話佢真係可以當冇左件事

暫停服務？

其實番8個鐘唔夠一個鐘break 又可以搵勞記

幫推

好慘人工唔高仲刻意計錯數
屌 好狗 有啲老細係咁賤
同埋成日博大霧！

我都以為係

佢啲網成日壞，佢打卡個system都壞過幾次啦，啲嘢都廢嘅，用嘅嘢都係淘寶乍嘛

連登竟然會有畫室post