有無人覺得《奇異女俠玩轉宇宙》 唔好睇..............

你望吓樓上就知好多人其實真係唔明
同埋佢唔止係管少少嘢啦
另一個宇宙入面係為訓練佢逼死佢咁濟

不過你明都入唔到戲嘅冇問題嘅
呢啲主觀感受冇話邊個啱
可能你由細到大都堅強
同理唔到佢嘅感受
咁都冇話你錯
我自己就覺得石頭嗰個位好正

有無個影評 想睇

腸仔同石頭一出場係超 on9
我直頭屌出聲
但其實呢兩樣嘢係套戲最重要嘅元素
亦係導演嘅功力所在:
eeaao 係講存在主義同虛無主義嘅搏鬥

存在主義 vs 虛無主義
————————————
存在主義認為「存在先於本質」
任何人同你講 「人生一定要追求X」 都係on9，無論X係乜，
包括任何道德或價值觀。
只有你自己同自己講「我嘅人生就係要X」，先有意義。
但存在主義有一個 Bug，就係無論每個人心裏面嘅X係乜，
最終結論都指向同一樣嘢：
由於一切存在皆會滅亡，故此X係乜最終都係無意義
所以存在主義直接推論落去，就會產生虛無主義

虛無主義認為： 既然任何X都係無意義，咁生存都係無意義。
一定程度上： 存在主義孕育出虛無主義,
而唔難想象虛無主義帶有強烈嘅自毀傾向。


eeaao
————————————
Evelyn 當年同老公私奔而被父母拋棄
家庭同洗衣店構成佢人生嘅全部
因此，就算生活瑣碎而毫無意義
佢無諗過放棄或改變
「洗衣店 + 家庭」 就係Evelyn人生嘅追求，
係佢心中嘅 X
佢無諗過自己都可以係大明星，演唱家，廚師。
當然，大明星嘅Evelyn都一定無諗過自己開洗衣店


Jobu 係經歷過無數個宇宙嘅 verse-jumper，
所有可能嘅人生佢都經歷過。
佢總結咗一個真理： 存在係無意義。
佢比喻自己嘅人生係一個 "Everything Donut"： 乜嘢都有，
但最核心嘅部分得個窿，即係乜野都無。
Donut象徵存在嘅湮滅，
電影裏面係Jobu毀滅宇宙嘅工具


尼采 vs 叔本華
————————————
虛無主義代表人物叔本華講過：
「生命是一團慾望，不能滿足便痛苦，滿足便無聊」

尼采唔係好buy，反駁：「人若被悲觀主義俘虜，
終日自困於虛無，如何活下去？人類豈非要滅亡？」
尼采日後提出「超人説」，
為「信仰崩潰，價值真空，奮鬥皆徒然，人生皆虛無」提供出路。
簡單講就係：
無錯，人生終將毫無意義，
但呢個只係邏輯推理嘅結果，
但喺情感嘅層面，人可以自由賦予人生任何意義，
並且用「超人」嘅意志去鏟除一切障礙。

總之，存在主義粉碎宗教對心靈嘅支配，
雖然無可避免帶出虛無及悲觀主義，
但自由嘅心靈可以隨時對「存在」重新賦予意義，
並且努力將之實現。 所以，存在主義以心靈嘅自由為起點，
又以心靈嘅自由為終點，再透過「意志」去克服過程中嘅困難及痛苦。


腸仔 and 石頭
————————————
腸仔直接呼應尼采嘅超人說。
Evelyn最後講： 「
任何宇宙皆有意義，
就算喺一個無手指嘅宇宙中，
人都可以用腳去彈琴，
用腳去撫摸所愛之人」
亦即係尼采所講：
「自由嘅心靈可以隨時賦予人生不同嘅意義，
並且用「超人」嘅意志去實現。」

石頭係用嚟比喻虛無主義，
石頭女兒思考咗一萬年，
得出一個結論： 「人皆愚蠢，人生皆無聊」
佢同石頭阿媽講：「我哋望咗呢度咁耐，
如果你睇到啲我睇唔到嘅風景，
記得話我聽， 等我知道呢個世界，
仲有其他可能性」

石頭女兒最終選擇跳崖自毀，
象徵虛無主義粉碎一切對人生嘅想象，
認同 「奮鬥皆徒然，人生皆虛無」
但呢度有個神來之筆，
就係石頭媽媽隨即跳埋落去，
亦係直接呼應尼采嘅超人說：
「用意志去克服一切障礙，實現你人生嘅意義」

你都係唔知喎
個Boss係另一個宇宙個女
佢見到咁多個宇宙嘅自己都係同一個下場
覺得一啲希望都冇先變成咁

條友擺到明假膠博出位

睇依啲戲好睇年紀同閲歷
𡃁仔當打片睇咪冇feel

唔通我入場睇fight club係睇打交場口咩
咁一定失望架喎
都唔代表fight club係爛戲
只不過係葉問啱你多啲

石頭點正發？

又係呢啲吹大咗post

師兄都好勁睇到咁多人生義意。
可能係你幻想ff, 作者都唔知道。。。

eg. 龍應台都唔識答hkdse 中心思想一樣

你直接開個post算數喇

擺明oscar 吹大左套cult 片...

一樣 睇到瞓着咗

你同期係奇異博士，加上港版翻譯咩神奇女俠觀眾好難唔會係英雄片聯想

準備好多文化修為資深影評連登仔會屌柒你

1.唔明
2.無文化
3.懶高清
4.紅必反
5.包拗頸
6.反社會人格

垃圾片
又亂又無節奏

咁本唔值得拎獎

yes, 其實大家睇得明。
就係悶到pk. cult 到無輪，都要派oscar 比佢

巴打寫得好
石頭嗰度真係全片最神來之筆
代表咗阿媽最強大嘅意志就係要陪佢女
可以為虛無賦與意義嘅就係愛
所以其實同Interstellar有啲異曲同工之妙
Btw係everything bagel唔係donut

我正正就係話原本個世界嘅所謂根本不值一提
父母管住晒，用鬧嚟關心
亞洲主流都係咁㗎啦
其他宇宙都係咁
又有幾絕望呢？

再唔係離家出走囉
唔好又用Avengers End Game同一招啦
「所有宇宙都係死路，你一定要行呢條路！」黎令到個劇情合理先得㗎

睇 #428

所謂絕望*

佢同期無乜對手

marvel又係睇到訓著
唔明點解咁多人睇

石頭真係悶到仆街 洗唔洗吹咁大。
不如去hkdse 開閱讀理解考人仲好啦

唔係層主ff 基本上有睇過吓少少啲關於「人生意義」嘅哲學嘅人都好快會get到 直頭係畫出腸咁濟

你話樓上巴打講哲學係ff 就知你係唔明
利申 我係認同有人可以明但覺得唔好睇 但你係真係唔明