試當真（暫名）[認真試下．試下認真] (70) 今際之國的冇丁 (No) Jason In Borderland :’(

最簡單，2樣野可以改善
首先，我覺得可以加獎勵/懲罰機制
原著班人係唔想死，所以會有轉隊嘅意向
但而家試玩毛嘅玩法係吸引唔到人轉隊
紅隊本身4個頂盡加埋jfft 2個都係得6個人，都唔夠人
其他人都已經係藍隊鐵票唔會轉隊，即使比紅隊拍完都會下回合自願比藍拍返
所以紅隊好難贏
最簡單可以加個懲罰環節，輸左果隊會做柒野
就以running man為例
輸左要著住啲好柒嘅公仔衫係條街到行
又或者淋冰水依啲
唔想輸就要轉隊勁啲嘅隊

第二點，修改少少規則
始終愉景新城都要開門，唔可以玩太耐
可以話朝早5點後，如果仍未分出勝負，就突然死亡制
2隊都同時進攻，比人拍到需要停低，但可以比隊友救
夠鐘嘅時候，邊隊人數最少就輸
咁藍隊紅隊都有勝算
藍隊有人數優勢，可以幾個包夾捉一個運動員
紅隊體能好，跑得快，可以喪跑捉人
咁應該公平少少

奧運項目定綜藝呀....

咁綜藝都要有公平對等嘅條件先好睇架
而家情況係紅隊冇可能贏喎

綜藝節目你都唔可以拍到一邊輸鳩緊下話？
你認真啲諗紅隊贏嘅機會有冇10% ?
仲要紅隊已經爭取左嗰個10%都要俾人叫鬆開手
係，剪出嚟效果係好睇，但呢集係有劇本冇得拗

可能你話我睇綜藝睇到咁認真，係好撚戇鳩

究竟我係睇緊綜藝定係睇緊佢哋演戲？

你上一個留言話「仲以為有劇本 原來剪曬」 e個留言話「有劇本冇得拗」咁姐係你覺得有劇本定冇 我唔係好follow到

諗諗下其實係有，
總之工作人員係有改變賽果

我都知個如果工作人員唔出手干擾嘅話
出街一定好撚肉酸
觀眾都會睇到唔知做乜撚

但呢個咪就係個衰嘅位囉
規則問題令到紅隊係一定要輸喎

你個一定要輸著眼咗喺唔畀捉實人
但其實嘉賓都有講後面round數大部份人都有動搖
「根本冇得贏，實捉返」先係動搖藍隊嘅最大可能

呢個都係原版想做嘅效果但冇加時賽就bullshit

係呀，嗰下真係紅隊贏嘅唯一機會

嘉賓既動搖，動搖唔到一開波分左既顏色呢
一開波9vs4咁懸殊

有2個jfft動搖+加阿慈唔知搞咩飛機，

終於可以係藍隊打過缺口出嚟，點知唔俾捉實人
啲嘉賓有火好正常啦

根本轉藍隊先係贏既唯一出路

製作組製造仇恨
最後激動到喊都好正常

你睇緊綜藝 同時睇到人性
製作組嘅不公平對待
由隻game 反映出嚟
你認真係因為投入落幕前
節目發生不公平事件
但佢哋無剪出嚟
亦無人為幕前抱打不平


出色嘅綜藝節目可以牽動到觀眾情緒
咁佢哋的確係幾出色

呢集謝票場講晒behind the scene 大家先有得屌

汁都撈埋

回到過去全盛時代

再一次睇到呢隻game 設計真心好難，難就難在好依賴選咗咩人參加，仲有就係參加者喺遊戲時嘅互動。

先係唔可以照copy原著做法，因為原著分隊選擇係意味住要死，但拍嘅時候只係綜藝，參賽者投入程度決定晒出嚟係咩效果。

如果要透過懲罰/獎勵去推動參加者，獎勵少無睇頭；獎勵多又要考慮buget；放懲罰又怕得罪嘉賓，所以最後又係依賴參加者嘅投入程度。

呢集由一個簡單嘅規則開始，中途出現咗一幕同現實上遇到嘅事好近似嘅場面，而兩方嘅人又各自有唔同嘅睇法(保護浩南vs明明贏緊但被劇組干涉)導致立場分岐，參加者喺路西法效應影響下入晒戲起火，喺呢度過後就feel到真正Game Start。

呢場試玩mode 有Jason呢種會好認真咁去參加，會動腦又搏盡嘅人做遊戲核心；有胡子彤呢位體格同野性爆標，而且對紅隊絕對忠誠嘅強者作為高牆；兩位令到呢場原本只係運動健將對雜牌軍，一面倒嘅體能競賽，昇華至一場有互相計算外，仲有以信念相搏嘅比試。

而喺呢種強烈嘅衝突之下，有阿慈呢種混沌因子去將每場遊戲混亂化(阿慈喺忍界大戰發揮到嘅作用再一次喺Game 3大爆發)，仲有JFFT 呢種雖然做硬炮灰，但都盡全力令自己可以有更多畫面嘅氣氛緩和者作為調劑，令到場比試更加難去猜測劇情之餘，更唔會失去娛樂性。

最後都要讚返兩位國王，浩嵐即使喺身高體能上不敵紅隊，但都盡全力發揮作用保護隊友。喺電梯上擋人嘅一幕，令我諗起香港曾經都有人試過喺地鐵站嘅電梯前一人隻身擋路，為其他人爭取逃離嘅時間；而Maff 雖然開頭口口聲聲講會採用『實力令對面知道抗爭無用』嘅對策，但實際上佢有用盡智力同魅力(演唱會飛、lvy so 食飯、幫良少梳頭拖手、教人跳舞)去拉攏人加入紅隊(不過好似最後無成功到)，呢點佢係有落力去尋求除咗武力以外嘅獲勝手段，係一位好稱職嘅國王。

喺比賽中見到Maff開朗、積極正面嘅一面，一洗佢以前喺女團同造星時期入邊負責跳舞時冷漠、木口木面，偏向惡相嘅形象，令到遊戲內外嘅人都對佢增加咗唔少好感。所以話綜藝嘅力量真係好大。

講咩紅隊勝算低
全部都係廢話, 馬後炮
藍隊靠忠誠, 紅隊靠體能
但開拍前永遠都唔知每人對藍隊嘅忠誠度

喺比賽中見到Maff開朗、積極正面嘅一面，一洗佢以前喺女團同造星時期入邊負責跳舞時冷漠、木口木面，偏向惡相嘅形象，令到遊戲內外嘅人都對佢增加咗唔少好感。所以話綜藝嘅力量真係好大。

其實有睇造星初選同梁祖堯對戲同埋我哋係COLLAR 都知marf可以好玩得
話佢成日閪面，都係兒登仔成日做9佢 剩係po佢閪面相

咪即係最後個part 個個都屌lamting呃9hillary
綜藝都咁多認真撚

如果唔分開既話，浩嵐隨時搞到入醫院

認同呀，開拍前呀修都估唔到藍隊咁有忠誠，佢可能以為大家都會轉黎轉去，同埋謝票場都有講好彩揀多個跑狗，唔係嘅話，藍隊都輸硬，我又唔覺得好唔公平，紅隊3個都係運動員體能優勢，藍隊愈打到後期愈冇得打，所以我覺得算係好平均

的確仔細睇規則上唔係完美
不過選角上彌補返少少呢個問題

其實只要set比人禁燈換隊多過五次就死亡，然後十回合後邊隊剩返最多人嗰隊就贏已經冇晒bug啦乜鬼野加時賽根本就冇解決任何問題修仔佢哋仲話諗咗一晚同埋點會估唔到藍隊忠誠度，就算唔代入玩家即場感受，本身藍隊就係主角團，正常都會想自己係作為主角嗰邊贏啦

藍隊點樣輸硬呀
就算藍隊今round全軍覆沒
下round都可以自動走返去畀浩南拍
就算捉住浩南工作人員都會阻止

體能冇用㗎 規則先係最屈機

如果一開波自由揀隊
就有可能做到轉嚟轉去同埋準時收工

所以啲人話jfft兩條傻鳩唔光彩
根本佢哋兩個先係最好睇 最識做效果