19年8月港場 我試過體驗接機同送機 但係其實發現同你平時睇youtube個D係韓國機場送機接機既片好大分別 3條女係香港冇乜可能好似係韓國咁慢慢行俾你影又同你傾計
上次19年佢地絕對唔係大搖大擺咁係入境大堂出黎 佢地係行內部通道落去地面 然後就直接上車架喇 帶埋帽笠晒口罩咁樣 樣都見唔到 全程都唔知有冇5秒 你叫我而家諗番當時個場景我真係諗唔起 因為真係快到睇唔到 幾乎冇印象 同埋你say句hi可能佢地聽到既 但係想送野應該唔會收喇我諗 當然可能有大神送得出而我地普通小薯唔知啦 而當時我亦都只係跟住人群走(個陣大約20,30人左右??) 否則我應該連佢地個影都見唔到
送機都係差唔多 都係地面上 經通道直上上層 不過都有機會俾你影到相既
所以結論係如果你好得閒冇野做可以去機場體驗一下送同接 但係唔好expect可以好近距離接觸到加傾到計 同埋如果你收唔到風或者唔識跟大隊走 好大機會白行一趟
利申 : 個人體驗之談 其他巴打/大神有咩經歷都歡迎你補充或分享