見巴打們咁興奮,連撚樣都有人開始洗底,同大家打返支預防針先 (如果有睇過我對LR觀點,我絕對係屬於悲觀派,歡迎負皮)
首先唔好誤會,有新作我已經開左香檳
因為我一直強調緊續作係改善第一季「爛尾」嘅唯一方法
1. 二期播之前,其實我更加想A1先出重制劇場版 / OVA,補返第一季留低比觀眾嘅「遺憾」
如果live呢段就當補左第一季嘅「遺憾」,動畫入面又唔再提返,咁只會令LR第一季嘅問題繼續不斷放大,而會將LR推向一個極端 (接第3點)
2. 製作組知觀眾想睇咩,但咁唔代表呢樣係佢地想做嘅,第一季咁成功佢地亦唔可能改風格,基本可以預見繼續用喜劇動作片+電影neta,而我相信呢到巴打係想睇百合+貼貼+打鬥,換句話講好大可能只滿足到你1/3願望。而另一方面,製作組知觀眾想睇乜
唔等於佢地會改善第一季嘅問題點,即劇情唔通順、真島呢個角色嘅存在意義同邏輯on9、感情毫無描寫等等,第2季可能仲要面對埋Lilybell嘅劇情地位,我勁擔心個故事唔會講得好。
3. 期待百合度可以慳住先廢時到時嬲多次,我甚至擔心二期會更極端地採用現有模式,即劇內百合程節全部隱藏晒 / cut晒,只敢係event / live / radio / tweet到發糖。一句講晒: 百合廚咁樣已經收貨,我點解仲要冒住得罪角色廚嘅風險將貼貼放係動畫正片? 唔好比同溫層呃到,鐘意LR嘅有部份接受唔到百合情節