[真事/少甜愛情]《所有角色都係player嘅愛情故事》(3)

492 回覆
76 Like 7 Dislike
2023-01-28 23:47:53
Post 1:https://lih.kg/2894259
Post 2: https://lih.kg/3109348

IG: https://instagram.com/ynei_everydayhk?igshid=YmMyMTA2M2Y=
不定期PO樣,睇唔睇到就講緣份
Penana: https://www.penana.com/user/151949

簡介:

現代人性觀念開放,普通搵食故、player故大家可能睇得多。如果故事入面所有角色都係player,名副其實係你地冇一個係真心嘅!就連男主角都可能會落得比人玩嘅下場。咁又會變成一個點嘅愛情故事?

一個有淫亂大學生活、夜蒲搵食、性愛派對、對性取向嘅懷疑、生仔落仔……甚至有人連性病都生埋嘅真實經歷。同時都想話比大家知,出黎行係要還架!!!

————————————

兩邊都會更新!
2023-01-28 23:48:39
除了書桌上的檯燈以外,房間內的其他燈早就被Vivi關上了。我猜是她回來以後發現我正在熟睡,所以便順手把房燈關上,只剩下一盞檯燈。

從她柔和的語調來看,似乎心情還算不錯。難道Ivan和Krystal尚未把碰見我和Ellis一起的事告知她嗎?也有機會,畢竟正常人如果碰見朋友的男朋友跟別的女生在一起,大概也會猶豫個一、兩天應否把這件事告知自己的朋友。

我戰戰兢兢地從床上轉身,面向坐在我背後工作的Vivi。工作中的Vivi擺出一副嚴肅的嘴臉,她向來都是這樣,只要一工作、溫習就會收起時常掛在臉上的笑容。

這令我摸不清她的心情。心虛的我唯有先向她示好,希望可以令她的態度軟化。

「幾時返嚟架你,做咩熄曬燈都做野啊~」我說。

接著,我爬得像條毛毛蟲一樣來到Vivi身邊,又拉開她放在大腿上的電腦,然後再把頭枕在她的大腿上。

「冇啊~見你瞓咗覺未熄燈囉~廢是嘈醒你啦~」她見我準備向她撒嬌,索性把電腦放到一邊,全力應付打擾她工作的我。

「咁錫我嘅咩你~但你做緊咩啊,忙唔忙~」我說。然後又不斷用頭蹭她的大腿,把她弄得癢癢的。

「喂呀!好痕啊!做咩突然咁嗲啊,肯定又做咗啲咩虧心事啦!」她說。

果然她輕易地就說穿了,簡單的一句話頓時就讓我變得更加心虛。瞬間就有千萬個想法在我心中閃現,令我很擔心其實她已經知道了今天發生的事。臉上溫柔的表情只是用來試探我的手法。

我不敢讓她看見我的表情,唯有把臉埋在她的褲襠,再說:「冇啦~成日都屈我。」

「咩屈啊~講下笑咋!成日都咁敏感!」她笑說。

「邊度敏感啊~冇你呢度咁敏感啦~」我笑說,然後就開始用臉和鼻子蹭她褲襠。

「喂啊!死鹹濕仔!」她說。

既然她還會跟我開玩笑,那麼今天的事應該還未傳到她的耳中。看來我仍然有幾天短暫的安樂日子可以過。至於對她解釋的理由,就留在她跟我攤牌的時候再算吧。

讓我心煩的事情實在有太多了,無謂在這不必要的時間增加自己的重擔。

可是,正當我以為可以暫時重回那些安穩的日子,然後趁Ellis和Vivi都未發覺有何不妥,低調地過著這種「兩邊走」的生活時。Vivi的一句說話瞬間就讓我變得焦慮起來了,這種焦慮絕對勝過被Vivi發現我跟Ellis搭上。情況就猶如公開試試場的監考員提醒你還剩下最後一分鐘,但你的試卷上仍然有十題題目未填上任何答案。

「喂,其實我有樣野想講,不過我覺得你聽完之後又唔洗咁擔心住嘅...」她臉色一沉,再次擺出了一副嚴肅的表情說。

「咩啊,講到咁凝重。你唔係想講你有新仔下話?」我說。

「唉,唔係啦。不過點解你會咁諗!」她反問。

「冇啊....Errr…我亂講姐。」我說。

「唉...不過...唉算啦我都係唔好講住好啲,當我冇講過啦。」她退縮說。

這種說詞反而更加勾起了我的好奇心。以我認識的Vivi,還有我們之間的關係。平時的她就是個有話直說的傢伙,絕不會像現時一樣吞吞吐吐。

我想必定發生了甚麼大事,才會讓她有口難言。

「講啦,做咩事唔講得先。」我說。

這次就連我也變得認真起來了。我掀起一直蓋在身上的被子,又從床上爬起來。我危襟正坐的坐在Vivi面前,更收起平日的笑臉打算向Vivi逼供。

「講啦屌...講啲又唔講啲,你知我最討厭就係咁。」我皺起眉說。

雖然Vivi立刻就被我快要生氣的模樣嚇到,但她依舊不肯對我坦白。

「唉,其實都未真係發生嘅,但我覺得而家同你講咗你一定會好囉囉攣、好緊張囉!我唔係要呃你啲咩啊~我係唔想你多樣野煩又諗好多野。你知你份人就係咩都煩一餐架啦!」她語重心長地說。

「講啦,喂呀!但我而家係比你搞到好好奇所以想知,講啦!」我說。

「嗱!你講架咋,講完唔好賴我啊!」她說。

「知道喇,你講啦!」我答應她說。

「其實呢...我數返日子,我好似都差唔多兩個星期未嚟M。」她說。

「下?!屌呀?!」我激動地說。

我先是激動地回應Vivi的說話,心中繼而胡思亂想,大概已經聯想到了在產房接生的畫面。

然而,Vivi卻安撫我說:「其實都唔洗咁緊張嘅,因為我成日都會遲好多嚟M。以前都試過遲咗成個月先嚟,不過今次有同你搞過所以先好似好大件事姐!」

「我就知道同你講完你一定會亂諗好多野,等陣你夜晚瞓唔著都係搞到我,所以先唔諗住同你講。」她說。

「不過話咗你架啦,我冇講錯啦,都話你一定又會囉囉攣咁。」她再說。

「唉屌...早知唔問啦,而家你講完我真係少驚...」我說。

「咁你而家打算點啊,真係慢慢等佢嚟M?」我再說。

「唔係都冇辦法架啦~唔係你諗住點。」她說。

「我覺得驗一驗先穩陣喎...不如聽日落去超級市場買枝驗孕棒搞搞佢都要啦。」我說。
2023-01-29 00:01:53
新post留名
2023-01-29 00:05:58
新po留名
2023-01-29 00:32:42
多謝大家繼續支持
2023-01-29 00:58:37
2023-01-29 01:17:23
strong post lm
2023-01-29 01:19:04
讀者留名
2023-01-29 01:30:12
各位年輕人 記得做安全措施
2023-01-29 02:19:45
晏晝爸爸唔好唔要BB
2023-01-29 02:50:42
晝哥今次仲唔仆街
2023-01-29 02:54:23
仆街次次都睇唔到樣
2023-01-29 03:39:17
留個小名先~
晏晝哥😀
2023-01-29 03:55:08
新po 留名
2023-01-29 04:42:13
Lm
2023-01-29 06:00:12
新Post留名
2023-01-29 06:46:47
Lm
2023-01-29 08:08:47
Lm
2023-01-29 09:56:10
2023-01-29 16:29:29
2023-01-29 22:58:42
「係咪真係有得買架...點解你又會知,你以前又試過?」她說。

「唔係啦,係因為我個妹以前......」我說。

這是我第一次向別人提起妹妹阿夜曾經墮胎的事,所以我才會知道超級市場一直都有驗孕棒出售。不過,Vivi似乎對於這件事並不驚訝。我想是因為她有一個如此放蕩的哥哥,所以Vivi早就對這些淫亂事跡見慣不怪。

「嘩...果然係你個妹,怪唔知你會知啦!不過都唔知係咪因為你都試過搞大人個肚先咁熟。」

「唉...唔係啦...屌比你講完而家真係有啲囉囉孿咁....唉...」我嘆氣說。

「唔洗咁驚啦,可能真係我呢排壓力大先會咁姐!我都未驚,你點解仲驚過我咁。」她說。

「咁始終未經歷過呢啲野啊嘛!第一次試過玩到遲咁多,以前嗰啲最多都係遲一、兩日就嚟。」我說。

「唔好諗咁多啦!冇人叫你成日中出囉!就算有都係抵你死,同埋就算要落都係我落姐,唔明你有咩好驚!」Vivi說。

「唔係呢.....唉,我而家真係好擔心...屌睇嚟今晚都係瞓唔著。」我說。

「話咗你會係咁煩架啦!早知就唔同你講!唔好再講喇,再講就連我都比你講到驚驚地...同埋呢,我聽日應該都係返屋企住返一個星期先喇,喺Hall住日日咁夜瞓真係好唔健康,希望返到屋企早瞓返幾日會嚟M啦...」她說。

「唉,最好係啦...咁你聽日幾時返去啊...」我問。

「你陪埋我去買啊聽日....買完之後就返去。」她說。

「好啦...希望唔好有事啦...」我說。

說實話,今天跟Ellis待在房間裏卻沒有發生任何事,這的確令我忍耐了足足一整天。本來我更打算弄清Vivi的想法之後,睡前跟她來上一發。可是得悉Vivi仍未來月經之後,心中頓時一沉,累積已久的性慾更被一掃而空。況且,在她月經未到之前再跟她做愛,實在是一件非常危險的事。

因此,當晚我們很早就上床睡覺了,可惜我卻徹夜未眠。每當我合上眼睛的時候,腦中總是不斷回想起到家計會墮胎的回憶,甚至乎幻想起將來在醫院產房外面等待嬰兒出生的畫面。

當年那位向我們說教的社工,她的身影仿佛化身成向孫悟空唸緊箍咒的唐三藏,把我弄得頭昏腦漲。

人們常說迎接新生命的降臨,是一件既幸福又神聖的事。可是,要是在不適合的時機碰上這種事,只會讓人既絕望又不安。

我在床上輾轉反側,又不斷左右翻身,多次吵醒快將入眠的Vivi。

「喂呀...快啲瞓啦,而家比你搞到我都驚驚地喇...」Vivi躺在我身邊說。

「咁真係好擔心呀嘛...」我在漆黑之中凝視著Vivi的眼睛說。

「唉,都話未必真係有啦,只係有呢個機會姐!」她說。

「快啲瞓啦!你唔瞓我都唔洗瞓,到時有排都唔嚟M只會驚得仲耐!」她說。

「唉,如果真係有咗咁點算。」我問。

「都冇辦法,我一定唔會咁傻生出嚟囉。」她說。

「唉,唔知啊...你快啲瞓啦...唔洗理我...」我說。

「咁我真係瞓架喇。」她說。

Vivi轉身便安心地入眠,不消一會就傳出陣陣淺鼾。真想不到身為當時人的Vivi竟然比我還要冷靜,看來她的身體真的很差,所以早就習慣了遲遲不來月經的生活。似乎我才是那個入世未深的傢伙,仍未確定懷孕的事實就顯得如此驚慌失措。

我當晚緊張得遲遲不能入睡,心情更差到連Ellis的訊息也不想回覆,還是等到明天起來的時候才算吧,反正我們都約好了明天再見面。

我眼睜睜地望著漆黑的天花,數了千萬偏的綿羊以後依舊未能安眠。不安感放肆地衝擊著我的腦袋,令我很擔心萬一Vivi懷孕了究竟要怎麼辦。

因此我唯有拿出手機,在Google上搜尋了大量關於墮胎的資料,例如價錢、手術方式、申請流程之類的事,可惜最後結論就只有家計會或是經轉介的私家醫院才可以合法地墮胎。

接著,我更查閱了不少正確地使用驗孕棒的方法。原來只要月經遲來了一個星期或以上,就已經可以用驗孕棒驗孕,而且最準確的方法就是要利用早上起床時的第一泡尿。

起初我還以為只要明天買完即驗就可以立即知道結果,但原來我仍然要等到後天早上才可以從Vivi口中得到真正的結果。那麼,我應該還要額外擔心多一個晚上了......

要是Vivi真的不幸懷孕,看來我們的最後歸宿就只有家計會了。

我越看手機就越精神。當我目睹蒼白的晨光漸漸從窗簾外滲透到房間裏面,我就知道快要天亮了。我不知不覺就熬過了一整個晚上。正當我以為要一直熬到中午,然後直接陪Vivi到超級市場買驗孕棒之際,我終於累得昏睡過去了。

待我再次醒來的時候,Vivi已經在房間裏面東奔西跑的。她正在收拾回家生活一星期的行李。我被她關上衣櫃時發出聲響吵醒,回頭一看只見她逐一把衣服放到背包之中。

「你醒咗嗱。」她說。

我看一看時間,原來已經快要中午了。
2023-01-29 23:53:40
一落樓見到Eills
2023-01-30 01:48:32
樓主
2023-01-30 01:54:33
yeah我終於有次係睇到story
2023-01-30 02:15:47
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞