公司之前免費送幾個Rimowa嘅喼冇人要
身邊幾個人用用下都放棄咗轉其他牌子,因為佢哋啲喼又重又易凹
聽啲地勤friend講有啲人專揀Rimowa嚟掟,唔知咩心態
咁多年嚟都係用布喼
又輕磅,又有彈性,又相對平啲
依家新出嗰啲防盜布𠝹都𠝹唔爛,已經少咗好易俾人爆格嘅問題
At least去咗無限次旅行,包括歐洲啲19機場,都從來冇俾人偷過嘢
同埋好襟,我媽用個Samsonite嘅布喼用廿年,個個星期都出差,都仲用到,抵到痴撚線
不過布喼啲款真係越出越柒
以前Samsonite啲款都仲叫OK,依家大牌子入面好似得返Victorinox啲款叫睇得上眼
利申依家用緊Victorinox布喼,六年都仲係冇穿冇爛,啲碌好順