[多圖]有史家表示十二星座一早由巴比倫傳入中國，仲變咗天干地支。所以十二生肖嘅原型，原來係十二星座？

長知識
巴打知唔知點解依家嘅人唔再用演禽？

郭沬若只係一位學者，並非天文曆法專家，佢只係研究歷史文獻加上推測作出判斷，所有我唔認為佢起天文曆法上係權威。其實中國古代天文學及曆法係掌握起宮廷欽天監手中，民間所知甚少，只係近來多咗資料流落民間先得以公開。
十二地支係將天空劃分12區域，十二星座亦同樣將太陽運行軌道劃分黃道12宮，兩者都係講天體運行坐標。正如我前面講點解係12份，所以有人講黃道應該要計埋蛇夫座係13星座，其實都係畫蛇添足，大錯特錯。
要知道十二地支點對應十二星座，先要知道佢地背後意義係咩，咁就要講埋中國另一曆法—二十四節氣。有無法國廿四節氣同西曆嘅關係，每年立春都係2月3-5日，冬至都係12月21-22號。因為兩者都係太陽曆，係計算太陽嘅軌道位置。每年春分(3月21日)秋分(9月23日)為太陽運行至赤道位置，晝夜長度相等，夏至為太陽去到北回歸線為日間最長，夜晚最短，為每年6月20-22日，冬至夜晚最長，日間最短，為12月21日，所以24節氣係match到西曆。舉例，每年春分後，太陽進入白羊座，為3月21日至4月19日。而春分為3月21，穀雨為4月20日。大六壬中有講春分後穀雨前，月將為戌，為河魁。月將就係太陽。戌則為天空白羊坐位置。即係太陽行到白羊座。
所以係12地支係對應到12星座。
但你可能會問12生肖係12年一個cycle，12星座係1年1個cycle ，兩者唔一樣。其實12地支(生肖)係可以應用年月日時，只係普遍人認為12生肖係講12年一個cycle，係太歲運行週期，有講太歲為木星，因為木星係12年一個cycle，所以都叫歲星。
雖然兩者(12生肖與12星座)所講天體唔一樣，但如果係講天空坐標，兩者係一致。
水瓶座=子=鼠
山羊座=丑=牛
人馬座=寅=虎
天蠍座=卯=兔
天秤座=辰=龍
處女座=巳=蛇
獅子座=午=馬
巨蟹座=未=羊
雙子座=申=猴
金牛座=酉=雞
白羊座=戌=狗
雙魚座=亥=豬

一直以為天干都係有12個

超高質post 留名

有無話點解中國古天文學認為
「水瓶座=子=鼠
山羊座=丑=牛
人馬座=寅=虎
天蠍座=卯=兔...」？

即係點解子就係對應水瓶座，定係無得解，但係一直以嚟係咁流傳？

以前天干點讀都唔識

十二支，十二辰
依家，我哋睇睇《爾雅·釋天》講十二星座。《爾雅》作為中國第一本訓詁書，佢話：「大歲在寅曰攝提格，在卯曰單閼，在辰曰執徐，在巳曰大荒落，在午曰敦牂，在未曰協洽，在申曰涒灘，在酉曰作噩，在戌曰閹茂，在亥曰大淵獻，在子曰困敦，在丑曰赤奮若。」

攝提格、單閼呢啲一睇就知道唔係中文嚟，古人一直都睇唔明係咩意思。

晉代著名學者郭璞雖然「博聞多識」，但係「猶云字未詳」。佢為《爾雅》作注時，亦只能「闕而不論」。唔知你會唔會認為，呢啲其實係外國語言嘅翻釋呢？即係好似士多啤梨、芝士呢類字咁，寫成中文，但只係音譯？郭沫若將呢啲名對應巴比倫文化、西方十二宮，得出咗以下嘅表：

我之前有講天干係時間，12地支表示空間，即係方向，子為正北，午為正南，卯為正東，酉為正西，咁子嘅方向正正為係水瓶座宮位，所以子就係水瓶座，即天文座標0度方向，偏東30度為丑，即山羊座位置

所謂子午線就係南北線咁解

從歷史角度睇應該都唔算沉迷

因為呢次郭沫若係用十二支對應巴比倫星座，而佢認為係十二支嘅原初意思，所以佢用十二支嘅寫法同爾雅嘅讀音去依次對應巴比倫星座

巴打你呢種講法比較似係
中國嘅十二支 如果要對應十二星座 就會得出呢個
「水瓶座=子=鼠
山羊座=丑=牛
人馬座=寅=虎
天蠍座=卯=兔...」
嘅結果
但除非可以確認巴打你所講嘅結果其實係中國文化最開初嘅天文知識來源，否則可能係後來中國文化對十二星座嘅轉化，仍然係中國天文後來嘅發展，而非源頭。

當然，我非常感謝巴打你幫忙補充

live咗

好貼留名

冇研究點解以前啲人冇用, 你有興趣可以睇吓【演禽通纂】, 入面有講天干地支對應二十八星宿同埋三十六禽嘅關係, 我冇好詳細睇落去因為信咗耶穌.

玩火自焚，搬石頭砸腳，嚴厲遣責，堅決反制！拭目以待

其實唔止十二生肖，中國曆法採用陰陽混曆，同巴比倫曆法都極為相似。但正如你所講，係古代一開始就採用，定後來轉化就不得而知

LM

好post必須推