《格鬥遊戲沒人玩的原因》網路讓玩家看清自己的水準 很多人懷念當個井底之蛙的年代

少少心理戰可以打一兩下，我嗰陣玩鐵拳6去旺角全港最勁嗰班玩家嘅集中地得11%勝率仲要有時係對家有讓round／玩花款先贏，係好撚偶然連續捉到幾次路先有得贏一次半次（或者同樣打普通玩家）

所以真係好多人棄game。

老手累積技術永遠快過新手，係設計者嘅失敗，因為你出嚟出去都係同一隻game，挖空心思整啲新花款，反而令強者越強，弱者越弱。結果，超級高手例如梅原都悶到想棄game，而新手點苦練都享受唔到遊戲樂趣，剩低啲中游嘅人繼續撐起個群體，街霸5賣咗幾百萬套，過去12個月平均只有3千人打緊，難怪個game種沒落。

格驚一樣有，你街機用搖杆點樣神速平A立回 同 嘢嘢精準指令撻 ?

https://www.youtube.com/watch?v=MyP3kEp6bT8

上另一名玩家的做比對
https://youtu.be/PhzhnHm-xJE

總有班仆街專登壓低自己個rank/開小號

老手勁過新手係一定 邊有game係愈打得多愈廢
如果隻game要令新手同老手有得打 就要加好多隨機因素 即係大亂鬥咁 有場地攻擊同道具 最後就係無人玩依個mode打返1打1無道具
加新野 改野好多game都試過 gbvs dnf ggst 龍珠都有好多獨特野 最後都係無人玩 雖然外國係有但香港無
格game黎講街霸算最多人 咁整已經係最好 突破唔到

一般人玩三個月已悶，惡劣環境一個月就棄

依d平台無人管就咩都有喇 格game外掛近乎無 有時對手開掛都唔係好覺 因為無咩技術ge人開埋掛都係無技術唔夠打多 除非改game data 即係好似片咁 依d就好快被官方ban
https://youtu.be/YJMOR8KnkxI

真係高手咪會因為咁唔想打
事實上就係好多中游玩家打唔贏上面班高手，就變左想靠虐打新手攞滿足感笑尻班新手，格game根本成個生態都係比老害玩殘

capcom有請PR，用啲好華麗嘅詞彙，其實又係講返「苦練係變強嘅唯一手段」，完全無視玩家對佢嘅批評。第一，人哋唔係投訴隻 game 難，而係你出咗咁多代，好似加咗好多新 feature，其實背後都係同一套「反應，timing，距離」系統，有玩開嘅老手輕易就將上一代嘅技術帶到新一代，新舊之間嘅起點因此越嚟越大，有人屌就永遠答「格鬥game係咁架啦，你懶就唔好搵藉口」，但其實 tokido 自己都講過，格鬥game變成只會吸引職業玩家，最終會沒落，佢再揀選一次，未必會成為職業選手。 第二，就算苦練都要講樂趣，你個 training process 單調而重覆，每種技巧只係換一個方式去訓練「反應，timing，距離」。仲有其他 netcode delay，(mis) - matching system， characters imbalance 都未講。

呢種設計哲學無話對錯，鍾意嘅人會上哂癮，唔鍾意嘅人會無哂癮，銷路跌仲食老本，而格鬥game嘅budget越嚟越高，玩嘅人越嚟越少，kof 已經吊鹽水，街霸6再唔生性，咁硬派格鬥game就真係步入夕陽。

lol可以賴隊友
食雞太廢會有ai比你刷
格鬥驚真係咩都無
（我自問係垃圾 打ai都打唔掂
望著d friend可以無限combo禁L住對手砌即刻唔想玩）

拳皇神早就史咗，基本上多數得返韓仔同鄰国人打舊97 98, 02UM 果啲

kof網戰速度平均快街機10-15%
再加埋delay
搞到好多鳩黎既白痴仔
亂碌亂撻
以為自己好撚勁
打壞晒手勢
唔係街機無人玩
我晨早棄左game
利申、kof 02全港最強teery

係講緊capcom設計到強者越強，弱者越弱，原因係佢背後嘅系統無變過,純粹換個方式存在。 就算係老手都憎，差啲棄game，新手直接唔玩，只有啲中層嘅玩家繼續玩。

加入randomness只係其中一個方法，平衡新舊玩家嘅差距係設計者嘅責任。

Gvg咪簡化左

賜杯油先
巴打加油，為港爭光

爭條毛
你覺得kof 02有人用terry?
你用醉酒佬都可以輕易成為全港最強

點會冇
有人貪佢下上升好出架

個個走晒走玩射擊啫
格鬥難度還好，只係太無新意
而且無論耐玩同商業角度去睇，育成同團隊合作都更有吸引力

其實依家所有電腦競技類遊戲都有咁嘅趨勢
只係街機太過固定而首當其衝

現實係排位高既玩家 打排位低既玩家更加痛
睇下d遊戲就明
更甚既就係想你課金買d裝備呀 能力值
所以格鬥遊戲走向色情都唔係冇原因