自願醫保 FWD易衛你有冇伏？

但佢整體保費真係唔算高，非高端嚟講，做到全數賠50萬真係好少見

個Plan係點？有冇得講嚟參考下

即係F冇分網絡醫生同非網絡？
換句話，即係可以任揀醫生都賠足？

冇錯，當然你搵天價名醫，價錢唔合理 FWD唔會賠/賠足

係，有尚方寶劍條款，［醫療所需］

你將佢同高端黎做比較？高端唔會要求你只可住大房，另外保額差10倍以上，根本2回事，蚊比同牛比，保費當然有大分別

個伏位就係
佢寫全數賠償你當然覺得好吸引
但如果只限你住標準房
後生仔好少會用到50萬quota
因為住既房型唔同
所有醫療所需既收費都會唔同(例如醫生巡房、專科巡房、雜費、手術費)
最直接既例子就係住半私家房同住標準房做同一樣既治療、手術
最後出到黎既張單唔係淨係房費唔同
係所有"醫療所需"既費用都唔同
當然50萬不分限額賠償係一個唔錯既保障
50萬洗係標準房 可能真係住兩三個月都唔會爆quota(所以點解佢唔驚你用爆50萬，因為後生仔住標準房既洗費平，同埋好少住到咁耐醫院)
50萬洗係半私家房 可能一個月就爆quota
50萬洗係私家房 可能兩星期就爆quota
明佢玩緊d咩未

多謝師兄咁詳細解釋，但重疾例如癌症，大房都用唔到50萬？

佢價錢又唔高，有重疾可以多35萬，所以好似咁抵先問下有冇伏位，醫保中咗大伏返唔到轉頭

一有病比佢拒賠，想走都轉唔到會架喇

一分錢一分貨啦
半私家plan就唔係呢個價啦

用返靈活計劃大房去比較，佢都係同人哋價錢差唔多甚至更平，我睇C同BU記，甚至乎係貴過佢

所以我唔明出Plan個精算師有咩陷阱位比人踩

佢計入院前後門診都全數賠，C同BU記非高端都有個額係道，佢就落埋大Pool做全數賠

如果你係驚cancer
加多份癌症醫療仲好
後生幾百蚊一年有100萬quota
大房醫cancer用幾多我唔知
我公司有數據上年一單cancer醫療費
男姓900萬 女姓700萬
但如果有cancer又係要同人逼大房之餘
仲要問夠唔夠賠
咁買保險既意義係邊

其實私家醫院嘅大房，都唔係好迫，真心
仲要每個格都拉哂簾，好有私隱度

問題係成日都無普通房床位，樓主似FWD agent, 係咁講說話討好呢個plan

呢度咁多F記AA係度圍爐互相打J，真係好撚癲
年尾要追數嗎 上黎連登乞食

真不是agent, 我都要自己上網搵料買
仲有FT LIFE都有類似Plan但貴d

大房絕對夠用

我入醫院full claim嗰兩次都係住2人房，唔係大房。第一次係因為醫院冇大房床位，佢地出番封信寫明係因為佢地冇床而我要訓2人房，一樣照計我普通房咁claim。

第二次，因為依家武肺，我嗰陣發緊高燒錢，要隔離，唔可以住大房，一樣都係出封證明信就得。

未遇過冇大房位而冇得入院。

其實每個保險產品推出市場都經精算師計過條數，如果你睇個產品明顯抵玩過其他公司的相類似產品，好明顯係有d你留意唔到的伏位或將來會有伏。所以我買保險一係揀無agent跟的公司（慳左agent 佣，理論上保險產品可以做到cp值高d）或者揀個agent真心有料有經驗同做得耐（起碼4年或以上）。