考油塘ga入一入來

有啲官會叫靠右直上咪靠右太耐無去過現場我都唔係好記得條路

不過直上山同轉左個難度位唔同 直上山如果要考掉頭 就響高超徑路口位轉右入去同掉完轉右出返高超道 出去果陣好難睇到山上有無車黎
至於轉左上山 出高超徑係轉左 剩係睇有無車上山就得 簡單啲 不過上到頂轉右果彎 好難睇到前面有無塞住 同埋去到頂左邊有個小巴總站長期泊滿小巴 要騎雙白過 呢個位要好小心 對面線有車上山就要停 但個位好似係有黃格？ 到時你操車再留意下

咩時間考？ 早上考2號線90%，晏晝考1號線90%

agent? how much ? 即係抽咗幾耐呀？

多數四山街 都好既好快考完

2點幾考丙部，1號係鯉魚門道？ 2號高超道？

而家高超度個位會一時好塞一時好通，佢斜唔上個地盤封左 落山左邊線，加左枝臨時燈改單線雙程，搞到一落即變勁多車，變相搞到於迴旋處口落山個位有時會勁多車

而家高超道紅色點位多左枝燈好塞車[ 而家星期六2:00幾都塞住

油塘3條線都係正常發揮，行車前望下有冇電單車出就pass

Agent ， 幾千，落單都抽左一個月，想兩星期要3千六，我兩個月無渣過車，今日操第四節個感覺都番到來

迴旋處簡單啲就右半圈無車你先好入
唔好估啲車係直去定繼續轉
靠估估錯又要排期

如果響大本營個邊方向來，係唔係望高超道落山來d車同內圈車夠，唔洗睇埋鯉魚門道？

基本上圈內d車都唔知有無打岩燈號，咁真係有車比佢過左先出最穩彈，同埋入圈內要望左好鬼難，基本最多望一秒要回番頭望中

梗係唔洗睇鯉魚門道啦，你咁即係睇晒成個圈咁滯，半個鐘都未必出到

我嗰陣學，你嘅右半圈內無車喺入面，就出，可能要等一陣

唔好講打錯燈，香港人好多直情唔會打燈
你斷估死咗無仇報
同埋就算你估啱，嚴嘅官要剔你一樣得，因為斷估已經係無安全意識

好易。淡定啲

利: 考咗好多年

N年前考過，有段落斜小心小巴狗，當年我考緊，小巴狗開門，搞到我肥左，太接近物件

第一讓路口要好肯定先好出 出之前除咗盲點仲要望下左右鏡 小心鐵騎師

第二個讓路口係停線 快手停定左右鏡手掣交戲就望左右出唔出得 丙仔9成都四山街 姐係停線轉左 望右無車再望過路處就出

入四山街一定要小心啲人 暢通就快手快腳過曬 唔肯定就拖一波慢溜 只要唔係慢到仆街都唔使驚

轉左入車房嗰度小心啲閪人 轉之前一定要慢車 入到去慢慢轉出黎無乜問題 出街又有條讓線 照舊睇清楚先出 但切記要小心 上次練車有隻車房on狗狗 就咁衝出黎 狗咁細粒好易睇唔到 近車就一定要停 落斜就係咁意唔好爭住出 如果中間食死咗就停 等到乾淨先出

落完斜三波位 如果前車慢上唔到就唔好格硬上 2波開快啲就算 返去茶果嶺黄格加速前面乾淨技術夠可以上個短3波 費時肥無上波

跟住無限死車路都無乜野肥到 小心黃格

返到去螺旋處都係睇定先好出 返到去街市基本上要係咁2轉1 啲人過馬路唔會睇車 小心啲彈弓腳 唔好急車

返到去停車都要小心 有啲狗官會叫你喺左車右邊停 但右邊有車 所以唔好捐入去 喺右車後停 手掣空波熄匙1波 搞掂

祝pass

排定快期

利申：油塘一take

我建議係，四山街，好多大車泊車死車，一定要做爬頭過線，如果有車，就讓晒人地行，左望右望，比晒安全意識呀sir 睇

鯉魚門道，輕鬆，留意番個3波轉波，早少少到燈位前轉二波，方便隨時停車

高超道，上山落山唔好急，用30-40內，過整路位就打燈望鏡，全程都係用左線行，唔洗急，番試場就少心啲呀婆，你要故意減慢車速用一波，踩少少break去，必要時太近就直頭停車

重點係要比考官見到你安全意識，車其實個個都識揸，意識就唔係個個都咁安全

我c fu話我太慢出 會比人肥

留名先，快期10日後考

你算好 我收到抽中已經得番9日 c fu 期都無咩，而家狂睇片

四山街有對頭車落
你左邊有死車 要貼線上
對頭左邊又有死車佢又要貼線落
如果你早停就佢 後面比人砵
肥你唔理其他道路使用者
唔停龜速過又可以肥你太接近物體

小弟油塘高超道棍波貨van一take pass
跟師父學咗三十幾個鐘
以下少少見解

油塘出名難 多人多車 又多斜路又有螺旋處
11:30左右考既時候真係有個地盤佬喺大本營對出跑過馬路
(大本營對出衝紅燈黑點 學車嗰時又有BMW一野cut雙白爬頭 真係肥佬熱點)
好彩上斜 車唔快 收油 無肥
條pk地盤佬過完仲笑笑口咁望住我
最後轉返入去考場嘅街口又係好Q多人
啲人又彈弓腳 早啲入一波 要吊離合 準備隨時停

不過都有好人好事嘅
考試啲燈位近全綠 (要計好幾時轉燈 學車試過幾次穿咗停車線/踏黃格) 螺旋處同停車位 出車時機都好明顯
斜路停同開車 後面有個巴士極好人做單擋 由停車望到我開
搞到我唔係幾好意思 停又要拉手掣踏左腳入空波望左右 打燈 左腳入一波吊好極力子望到鏡有震踏低少少又比油再望左右先鬆手掣 忙到爆炸
多斜路嘅油塘一定要識斜路停開上面咁L長嘅嘅step


見樓主只係考丙部 聽講四山街仲會大啲機會考
不過三條線都煲熟佢啦 Fei sir YouTube 有片
總之唔好驚 唔好怯 氣場要壓過個考牌官
問吓出面個呀姐收嘅風 好似我揀中個好似係新嚟 比較鬆手嘅考官

樓主

我上星期都係
抽到一星期後油塘 之前係考天光

其實油塘係唔難考
係要記螺旋處點玩

同埋過死車做足打燈望鏡望盲點
仲有熟悉有咩突發野就2轉1
再唔得就停
其實就輕鬆過

最危險係出試場頭2個路口

視線受阻就吊極力子 + 控brake去慢出睇有冇車衝落黎

安全至上就可以

兩星期前 鯉魚門道一take
出茶果嶺道同斜路開車都有學車讓
鯉魚門道未過紅綠燈前唔好轉三波住
高超道落斜小心小巴站
翻試場段路盡量唔好停車 一停就全部人衝出黎 吊住極力子行就得

吊極力子行唔可以多過一個車位，會當空波滑行，

想問下迴旋處其實U turn緊踩少少白界得唔得，好難

拎得咁準，個內圈好細？

一波可以吊住行