考油塘ga入一入來

岩岩快期抽到丙部一星期後考油塘

有無師兄講下有咩位易肥要注意

四山街丙部會唔會？ 條路又窄又多大死車

丙部反而會相對容易少少
我都係丙部油塘不過下年9月尾
我諗主要難在係海皮個段
睇時段啦講真
朝早的話就祝你好運

油塘最難係螺旋處…

淨係考丙部唔算好難

四山街路線我唔熟唔講，如果考高超道或者鯉魚門道，比較難少少嘅位我覺得係：

1. 試場轉落欣榮街，同欣榮街轉出茶果嶺道嗰兩個路口位比較難睇得通幾時冇車，因為周圍好多死車阻擋視線。可以留意埋啲死車車身反射、大車車底嘅空間去判斷下會唔會有車過緊黎但係因係視線受阻睇唔到

2. 迴轉處：去鯉魚門道行外線，去高超道建議行內線

3. 沿途過死車記住打燈望鏡，早啲出唔好太接近架死車先扭出去。可以住騎少少條中線。有小巴上落客就睇清楚多唔多人上落先決定爬頭定等一等

4. 最後返試場條路行慢少少，留意有冇人喺車同車之間攝出黎過馬路

唔洗考乙部已經冇左窄位調頭。調完頭出黎如果向下行，因為啱啱喺個彎位嘅關係好容易以為冇車但係出左少少先見到有車搞到要急停。

暫時諗到咁多，祝你好運

我之前考天光道，好似油塘仲多死車，仲要附近多地盤，四出街工廠個位好多大車泊哂

其實入係唔係要等入緊車走哂先入得？

當然係啦..起碼你上家冇車先好入..

仲要睇你考幾點
我嗰時兩點操路線勁塞車，到四點考試好暢順

四山街黎講我自己覺得要留意呢d:
1. 茶果嶺道落斜冇信心就用左線落 過哂個彎落到去先再諗cut返右線 右線落斜個彎窄一個唔小心轉彎位置不正確
2. 到四山街上落斜過死車記得個腦係諗一格一格咁去 唔得就入返去比對頭過先 唔好夾硬過 過車唔好介意拎出d 唔係又衰太接近物體
3. 上完斜轉左入小路留意車同車中間有人行出黎 行完小路讓路口前一個右彎睇唔清可以慢慢行甚至落1波
利申四山街落斜就係夾硬過肥撚左 第二take鯉魚門道pass

鯉魚門條線咪小心落斜小巴站個位
高超道留意迴旋處 , 巴士站
四山街難工廠上斜路段 , 轉入崇耀街再出返去落斜嗰段 , 崇耀街條讓線有暗斜 , 會溜後

三條線最尾返試場街市位多盲毛走出嚟

總括嚟講最易係鯉魚門道 -> 高超道 -> 四山街 ,
三條路好處係路程短 , 壞處多大死車

我當年棍 van 高超道 1 take

小心啲泥鬼有人衝出嚟，見到要即刻急停，唔好俾考牌官踩先過你

我搵人用電話抽左好耐，我考2點幾係唔係仆街得，個期又近又考油塘 ，好次好伏

我從考快期玩法唔同，我得7日諗緊點操到3條線

哦你淨考丙部唔算伏啦, 係考場起步頭兩個路口及四山街超多死車及大車外都ok. 四山街你預咗要睇到勁遠, 一無車就要cut線過哂d死車.
個螺旋處唔難的唔好俾佢嚇到
好難抽快期老虎都操多d熟d唔好慳

睇片囉 , 操多啲四山街同高超道

好多人都驚個螺旋處 , 其實真係唔難

有無路線圖 最好有google map ， 搵唔到四山街個條線

我記得最難都係一出試場欣榮街轉右上茶果嶺個度 要顧住2面來回線既車

其實淡淡定定出到呢個路口個官都對你有信心

我記得我考個陣入迴轉處其他路口啲車都唔出住等我慢慢過 可能呢個係我好運

不過我已經係16前年考油塘 唔知而家係咪都係一樣路線

祝你好運pass

呢d小路出大路考天光道個常樂街調頭成日都試，係驚迴旋處同大型死車

過到頭2個路口，個牌袋左一半

主要都係螺旋處位,
同埋部份路面得一條線, 有死車嘅話, 你要做足過線動作之餘,
亦要留意前面有無對頭車.

係, 最後返試場, 如果係由下路上斜上螺旋處返試場,
上斜段路會有唔少人無啦啦橫過馬路.

呢個位, 寧願等到兩邊無車先出,
總好過心急拿拿臨出.
你等得耐唔出, 最多話你唔識利用道路優先權之類嘅小錯, 但唔會肥你.
但如果你睇唔通出個路口, 是但一邊有車到, 你就已經即刻肥.
所以好似上面位師兄講, 慢慢黎, 淡淡定定過, 唔好心急.