有冇人記得CoCo呢本雜誌？

想當年以前第一次睇係同屋企人飲醉
當年仲未有智能電話 屋企人俾咗20蚊我同細佬去買書睇
好記得係俾佢連載嘅大偵探福爾摩斯吸引到
仲記得有美食超人 危險爺爺 封魔幻想仲有校園大英雄
除咗漫畫中間仲夾雜住咗四驅車 高達 數碼暴龍同遊戲資訊
有時仲會講下啲咩潮流新玩意
每篇短短地幾頁但係內容都算豐富
掀兩掀又到另外一篇漫畫連載
記得當時每隔星四都會去報紙檔睇下偷跑咗未
每一期總會期待好幾部漫畫嘅連載
有時見到書尾有獎抽都試過寄過去碰下運氣
當然 我一次獎都未中過
一本書睇足個幾兩個星期
有時食完飯沖涼前會睇 痾屎又拎入去睇
掀到個封面開始爛又到新一個星期可以買新一期
當年大家都冇智能電話 唔似得而家可以睇youtube同ig
好多資訊同玩具資料都係靠呢本CoCo去接收
呢本雜誌真係陪我渡過咗一個好美好嘅時光
嗰種要等每一期出嘅期待感而家真係感受唔番
而家一打開部電話好多資訊即刻有晒
點都好 多謝呢本雜誌喺當時為我提供咗好多娛樂同資訊
如果今時今日有一本類似當年CoCo嘅雜誌再出版我都一定會買嚟睇

Sor9ry for 1999

暴露年齡系列

屋企仲有一本收埋

coco
別冊coco
super coco

極速戰機飛飛飛

仲有快樂龍

真！仲有快樂龍

你應該係睇Yes嘅

記得有王天才

摺紙戰士
每個星期五最開心
抽下數碼暴龍卡

coco好睇過快樂龍

快樂龍紙質靚啲

以佢名氣，轉型做online 應該都做得住

起碼80、90後會睇

最尾果頁。有時可以寄去，會有禮物送，仲有得獎抽

仲有間實體鋪-人氣町

睇拳皇

成日送四驅兄弟支筆
同召喚王

Coco好似係雙週刊嚟
40蚊一個月

幾好睇
追開數碼暴龍

拾下拾下

唔記得coco定快樂龍
最尾個頁啲獎有無人中過

摺紙戰士係快樂龍喎