聽日就要移民了

我可能就是這樣～其實一直都想grad 左去外國生活吓，做幾年野，我唔知以後點諗，不過抱住試嘅態度，如果之後受唔住，可能去第二個省住，可能落美國，可能返香港，好多可能性，我都唔覺得係問題，唔想講死自己。香港已經變左，如果返去，可能係當自己返返去為屋企人，未必係我認識嘅香港本身。

暫時黎左7日都冇，而且都好忙做好多野，搵屋，銀行，電話卡，暫時都冇homesick 啊，而且覺得仲係遊客狀態。或者其實我發現真係好易識朋友，呢三日假期都係不斷約人。

黎到加第5同第6日了，兩日都識左各自有唔同故事性格嘅人。

我地多倫多今日落左初雪了～呢幾日都好涷，所以琴日去左同朋友買衫著。感覺呢個朋友好homesick, 佢黎到加唔太面對到自己嘅孤獨，我問佢你自己一個時可以培養吓自己d 興趣，有冇野可以練習吓，佢話唔知自己有咩興趣，可以學吓一d (工作上嘅IT skills). 佢係香港就係返工chur,放工ot, 然後有時間約朋友食飯就算了。呢度返工hea,冇ot, 冇咁易約朋友，佢就成日對住4幅牆，就自己容易homesick, 同埋唔知自己做咩，唔明點解自己要去到地球另一邊做野，冇朋友，人工又低d,生活又悶。呢個係我覺得放唔低香港生活模式嘅朋友。

另一個朋友我覺得係相反的，反而係黎到加拿大，因為住都係香港人個頭，所以令佢冇覺得離開過香港，反而黎緊想搬出去一個新地方，或者自己住，令自己可以有返d 空間成長。

感覺識朋友唔難，但都到加拿大係大屋都要面對自己嘅孤獨，自己照顧自己，唔係想像咁容易。

話說同埋琴日（第6日）遇到個個朋友真係好夾，真係好多野都其實唔使點講就覺得明白哂嘅感覺，係我第一次遇到咁嘅朋友，覺得自己好幸運。

我地去左睇飯戲攻心，我係第二次睇，我第一次睇個陣（大概一個月前）已經有申請左owp 但都未打算黎，有感動位但冇乜點喊。今次睇喊左好耐。我都覺得朋友身處外地值得睇睇，都真係好感動，黎左有唔同feel, 加上大多朋友，呢排cineplex 星期二做緊優惠，全場劇飛一樣價錢，唔記得幾錢，但好平，同埋呢道戲院好似係興睇完一場可以入第個戲院睇第二場（應該其實係唔比，但我見大家都係咁做），所以我地之後睇多套戲。

以下劇透飯戲：


btw 過黎睇戲最好帶返眼鏡，覺得長時間帶con 係暖氣，又乾，再睇螢幕隻眼好乾又好攰。

其實係，我早幾日識個朋友就係咁，就算有ft 都唔例外，過到黎真係要面對自己孤獨，同埋放低自己嘅固有諗法重頭黎過咁去學習，唔係從外人角度睇呢個文化，真係可能要接受成為生活一部份咁樣，例如係有d 野逼唔黎，睇緣份，慢慢黎，改變唔到環境，改變自己心態之類。

黎左加拿大超過一個禮拜了，其實都唔知仲有冇人睇，我覺得對於落地update 都大概完成了。可能之後係得生活上嘅update~ 而且可能一個禮拜一次（唔知有冇人睇，暫定星期日啦）

有幾樣野我覺得係我之前有誤會，黎左一個禮拜係feel 好左好多（可能以下只適用於我）：

1. 會覺得好孤獨： 暫時覺得係睇心態願唔願意開放，搵方法去識人。就算係香港，做左野之後都好少會識人，但過到黎由頭黎過，冇學校令我被動地識人係困難左，不過我覺得我主動識人就容易左，因為大家都想識，只係缺乏機會去識。我黎到會掛住係香港嘅屋企人朋友，但七日黎講就冇homesick(可能之後有）

2. 覺得好多野都唔方便，冇車就唔使做： 覺得我揀左好嘅地方黎住, 我其實覺得都好方便，周圍都係野食（幾好食其實，我以為呢度得漢堡，薯條，但都有日韓泰，而且仲比香港多kebab wrap 之類嘅選擇）同埋超市。我覺得離地鐵站同香港嘅步程都差唔多，不過就算步程一樣，香港行返屋企有商場，室內天橋等，不過呢度就係戶外大風大雪。同埋朋友都係附近，佢地好多時都車我出出入入。

3. 人工會低左一大截：雖然我拎住offer 過黎，呢個就聽人講啦。我自己人工都冇低過（稅前），我都識好多人人工低左好多，不過都識好多人人工都高左好多。其實我覺得當係轉工咁睇，咁人工高左同低左嘅offer 都有，只係呢度冇香港咁多工，相比選擇又冇咁多，咁香港可能可以拎住4~5 個offer 係手黎揀最高人工最好個個，但呢度就一兩個姐。

__________

唔好1. 覺得洗費貴左好多： 唔知係咪因為岩岩到步買日用品，其實洗左好多錢，不過覺得呢度生活係，如果係香港用開貴野會覺得呢度平，如果係香港用開平野覺得呢度貴。呢度一落地個吓覺得洗費會多左，呢度買咩都大大枝，不過d 牌子又好過香港，如果圍返其實又平好多。

唔好2. 我覺得呢度生活真係好難靠自己，少至一落地冇車，你都要人地揸你周圍去，同埋好工通常聽人講靠referral, 去邊度剪頭髮好，去邊間公司開電話卡，其實都係靠人介紹，終於feel 到人脈幾重要。

想問乜野叫小區？

同老婆都有呢個打算，但好多野未必放得低

好多矛盾係心入面，家人/好朋友

初步係用多年半時間籌備，主要原因都係錢

份人比較驚呢樣個樣，怕轉變

見你好多野都幾順利，加油

返咩工

你有冇話去英國邊度啊～我見都有好多人去英，應該可以上網識吓人？～

我有上呢度lihkg 上面識左d 人先過黎加，然後佢地有介紹我入一d tg group, 有時我會上去問吓野，答吓人野，又盡量係香港識左一d 人先過黎，不過自己本身黎嘅朋友就冇乜，所以我明白你啊～你係去讀書定做野啊～？

似係呢度d 人會講嘅野，因為我答左人我住邊個地鐵站附近之後，佢地再問小區，我就會答細d 咁樣。

好似我住南港島，小區就係南港島嘅海怡咁樣，我都唔知，其實未太摸索到佢地嘅意思，但每次答都係同一樣野～

我都有好多錢嘅煩惱，其實始終fg 一年多d, 我d 錢真係唔會草到幾多。

朋友同家人我都有，始終屋企人老了，不過朋友去到個邊覺得都會識好多新嘅，好多人願意同你做好朋友嘅～

我覺得自己臨走前嘅矛盾有好多係唔知點講出黎，少少亂但又有少少空虛咁樣，好似咁就完左了，人生階段完左。

我明白你嘅驚，所以我都會打定好個底，有offer 先過黎，唔識朋友又主動上網識少少朋友咁樣，轉變帶黎對未來嘅未知令我好難掌握我覺得係好幾可怕嘅，不過相信你都知道香港繼落去個轉變會更大，所以先走～

你覺得小區係咪大陸用語啊啦

有朋友個心都定d 嘅～你已經好好了，有唔少朋友～祝你一路順利哦～