聽日就要移民了

樓主條仆街完全唔覆話佢啲留言
真係擺明搵佢朋友笨
希望佢朋友睇到快啲取消返個offer

一路順風～平安！

你係咪未畢業⋯

唉真係未要靠你哋學嘢

…有料嘅三年升幾個grade啦

希望你會成為你想成為嘅人，去到另一邊要加油啊保持對世界嘅好奇，唔好固步自封！

黎到加拿大第二日～我再講多d 我嘅行程同感受，依家1pm 已經做哂我本來以為會用一日做嘅事，唔知做咩好，電話冇電，返左酒店hea 陣先。

TLDR版感受: 感受係做野比香港慢，但比歐洲快。 d 人都好友善，行出街多迎面嘅笑容，同埋願意幫你嘅人，願意同人傾計都有好多人願意做朋友。

今日主要係開卡，銀行卡，信用卡同埋八達通咁樣。我以為銀行野搞半日，電話搞半日，所以預左一日，點知所有野都好快搞點。

開左銀行卡先，去左銀行（CIBC)一個鐘開完debit 同credit，信用卡零收入都開到，因為我未正式反工，所以計零收入，可以用酒店地址同臨時電話開。佢話到時直接係app 改返長用地址同埋電話就ok, 銀行都唔使去。（btw 記得係護照後面最尾一頁簽名（我用特區護照）有一個簽名佢先可以幫你開到信用卡，冇簽名就開唔到，冇收入都開到的）銀行職員好友善，佢又分享自己黎至巴基斯坦，另一個黎至印度，講左少少家鄉故事，點過黎加拿大之類，之後add 左 facebook friends.

之後銀行隔離就有電話卡開，開左fido. promo 45蚊20gb.本來想開plan 買新電話，但好似唔覺有iphone plan, 佢話開電話plan 係一定貴過 45蚊，之後可以加上subscription. 所以搞左呢個先，開電話卡大概30分鐘，然後出完sim 15分鐘就打到電話了。btw 唔建議係機場開plan, 因為同一個20gb 我見到機場好似要60蚊。

八達通叫presto card, 我去左地鐵買左（6蚊cad)之後先醒起原來圖書館可以免費拎一張，之後又經圖書館，本來想整埋圖書證但文件唔齊（sin number 住址證明，visa, id,好似係呢d 文件姐）所以直接拎多張presto card 就走（方便如果之後有朋友過黎加拿大可以帶佢玩）。

我有去睇考車牌個度，但冇book 到，純粹因為比預期早左完成所有野，所以諗吓撞吓可唔可以walkin,冇book 個條隊好長，我又覺得我未必帶齊文件，又唔知自己合唔合資格剩，純粹真係以為冇人嘅話可以直入問吓，又有少少餓，就走左唔排，去左食lunch 了～搭lift 都識到個啊婆，佢話佢打官司點點點，然後佢間屋點點點，之類。

然後電話冇電，依家去左酒店坐，唔知夜晚做咩好，可能今日約定呢幾日可以睇嘅屋咁樣，希望呢幾日可以搵到心儀嘅屋長租～

唔知大家中唔中意睇呢d 如果覺得好悶，我都可以唔再share~

多謝你啊，我會努力的，今日一d 人佢地都介紹左一d 呢邊嘅event 可以識到唔同人，我個區好似有d 電影觀賞之類可以識到其他人，希望自己除左識香港人都可以繼續擴闊自己圈子～

順風，走咗唔好望返轉頭，香港唔係變好

係啊今日都係自己一個走黎走去，我覺得我諗得加拿大太極端了 之前真係以為除左山就係雪，人影會好少，但睇黎都還好，好多人好願意同我傾計，幫我～

其實你都係等死姐，點解要講咁多on9野？

大把人老豆老母比錢逼仔女留學咪又係咁
最緊要走出去個comfort zone就點都係有得著

加油呀！
明知搞文件野 就拎齊documents 出街啦😂

你依家有同返你朋友解釋都算衰唔曬
以後諗清楚啲先好應承人啦
唔係會比人感覺香港人唔守信用
又可能影響埋朋友

加油呀ching, 祝你生活愉快
呢D資訊有用呀!!

因為住緊airbnb 所以冇長期嘅住址證明，應該都搞唔到住，車牌個度就真係我walkin 姐

千祈唔好回流呀
唔係我笑柒死你

繼續些牙

可以銀行出封信/personal info update 加個印就可以做住址證明