聽日就要移民了

學到野了，多謝巴打分享，都有另一個人dm 我講類似，呢幾日比多左勁多tips 出去啊 唔緊要啦～呢度d 野食又真係幾好味其實

我平心而論, 香港野係好食D...

不過移民從來係last option, 一個地方好既話, 有邊個想走? 但一個再唔講規矩, 再唔問人格既地方, 仲要知道佢會俾人拖番去六七十年代某個鬼地方既文代遊戲, 你有可能獨善其身? 外人成日話咩咩我地搵黎賤呀, 咩外國地方係二等公民呀, 我地點會唔明? 不過留係度你連二等公民都唔係, 你連普通人都無得俾你選擇去做, 只能做大中小賤人或者被迫做受害者, 咁我真係寧願考驗下我自己應付外地既能力喇, 難度低好多.

決定左要離開根本知難, 但我保留到我本質.

對，有得揀邊個想走

我好少會話人五毛 但你覆緊果件的確係五毛黎唔洗認真

巴打移民做翻本行？

都唔係既，我識既大多數人都係即使唔計政治都係prefer外國生活，只差一條移民path
依家BNO/OWP一下就令佢地dream come true。

我自己其實就無特別preference，住過外國少少時間，覺得同香港比各有優劣
但見到加速師咁玩，覺得個對比唔會再係HKSAR vs 西方, 而係Xiang Gong vs 西方

咁講啦
我覺得香港其實係一個都幾適合鬼佬打工既地方

香港既好處：
治安好（國際大刀會都係主要關幫派事，一般人最多衰點錯相，鬼佬係連比人點錯相既風險都無）
野食多選擇，亞洲野西餐都有，價錢平過西方而且Asian野一定比外國d垃圾好
交通方便，鬼佬飲酒都唔洗怕要揸車走
稅低，而且與之相對既公共服務算係好過西方（又高income tax，又高VAT，又import duty，收到人工低左買野又貴左，但公共醫療之類又唔見好，d稅唔知去左邊撚度）

香港既壞處：
無言論自由，遲早中国化連經濟民生都無前景（鬼佬唔怕，反正個地方變屎佢可以返home country，無需要批評政府。佢唔會被「先是一個中國人」，有事撤僑no problem）
退休福利差過西方(again，鬼佬大可以返home country退休）
擠擁（但如果係想搵錢，要去多倫多市區/London zone 1/NYC 其實都唔見得有幾唔迫）
教育差（鬼佬一係比細路選國際學校，一係留home country讀書，又係ok)

巴打加油～ 保留本質先係最重要，明白你嘅苦，香港當然有佢嘅好，食物選擇多，交通便利，土生土長，但都有佢嘅唔好。

黎加第五日，我琴日同黎左加嘅朋友吹水發現香港教育令佢冇左興趣，搵唔返自己，除左賺錢已經唔記得平時有咩好做，就係OT. 黎到加適應唔到，因為工作時間外，佢需要一D 野去充斥自己，但去到外國要正視自己嘅孤獨，佢好多時受唔到。希望你同埋我個朋友去到外國生活都開心，去到邊都隨遇而安。

香港，學你咁講，已經變左，佢嘅好，長遠都唔知會唔會再保留到，可能我地中意嘅係以前嘅香港，而唔係即將變成，或者已經變左嘅香港，我地留戀緊冇左嘅野。

想問下幾錢租？plan緊去

可能依家要積極d 咁搵工，或者大部份工就過埋寒冬之後先再搵，我希望我可以幫到你，但我都唔知唔同行業嘅情況，我每樣野都係聽朋友講呢講路，唔知正確與否。

我聽人講，唔肯定，12月踏入旺季嘅有餐飲同retail, 如果係十一月都未搵到，去到12月頭可能就叫高價做呢d~ 唔好諗cv 住，搵多d 錢都好重要。如果我係你，我應該會依家11月諗12月d back office retail 或者有冇咩踏入旺季，就搵定工先。（不過呢個係我諗法加上聽反黎，唔知正確與否）

加油！

我都唔知有咩可以幫到你地，呢個group 可能當圍吓爐，我可能唔係公海會願意share 多d, 但冇實際steps 要點做，跟唔到我搵食的，不過可以當識吓朋友，孤獨時知道自己不是一個的～希望會做到大家嘅朋友，有緣可以約出黎，或者上網一齊玩d game 都好，呢幾日好涷，冇得出去都要搵d 野做吓。

我覺得呢度唔會真係歧視英文有口音，你做到就得了，其實做野日常都係講個幾句，最緊要跨過你嘅心理關口，令你會報份工，interview 同請都係睇緣份，好多人都係話幾十份都冇一份有回音，我都覺嘅，千奇唔好覺得係英文問題，純粹係成個市場嘅問題，呢道唔同香港，始終工作機會係少d 嘅～

是

入group 啊～我地成為唔到伴，都可以做朋友嘅，如果夠5個人左右可能可以得閑玩吓網上board game,未至於咁悶～

我早7日book abnb 係300幾一晚（港紙）住得幾舒服，而且近搞證件野同埋搵屋個頭，不過我d 朋友話我好好彩，住個abnb 咁遲book 都咁平。我唔知啊，好似都好順暢咁～

好多朋友我識嘅黎左冇耐都想走，可能目標一年先，我明嘅，冇話仆街嘅，咁有呢個policy 就可以咁做～
我雖然目標係三年先，不過我依家講可能都有d 早，可能過埋個冬天我又唔係咁諗，希望自己到時撐過。