（有圖有片）啱啱去咗Halloween，發現海洋公園有大單嘢隱瞞緊

㚖雞 · 2022-10-31T04:32:01+08:00

啱啱星期日晚同班friends去海洋公園Halloween. 啲鬼屋比劉嗚偉 cut 哂啲budget, 比以往水準直線下降，玩得好無癮。咁我地趁臨樂園就收（夜晚10點幾左右），就話去下啲荒廢咗既園區，aka越礦飛車，滑浪飛船果啲，行個圈增加下節日氣氛咁。我其他friends唔想去，就剩低我同另一個friend兩個人去，由海盜船果邊，經展壽路出發。初初都ok, 海盜船同佢隔離新開既設施都有開，冇咩嘢。我地開始行入啲既時候，就完全冇人，成條街好靜，咩聲都冇。行咗幾分鐘後，去到個海豚保育館，有鐵馬圍住前方，上面就寫住staff only. 咁我地就好衰咁跨過啲鐵馬，繼續去前行啦。條街變得越嚟越荒廢，明顯啲草係無修過，有好多雜物咁，但啲街燈仲有開，都係好靜既。行咗五分鐘左右，我地聽到啲聲，聽唔清楚咩嚟。轉個彎後，就見到街尾，大概係近越礦飛車既入口，啲街燈係完全熄哂，完全咩都睇唔到。啲聲就越嚟越大聲，我哋行近個街尾，聽清楚果啲係咩聲。我哋聽得好清楚，係。不。斷。重。播。緊。哈。利。路。亞。既。聖。詩。我地嚇到即刻急腳掉頭走，去翻大街。我哋周圍問啲staff, 問清楚果到係發生咩事。佢哋全部都話，果到係荒廢咗好耐，唔應該會聽到有音樂，唔知發生咩事。但成個樂園都冇播過啲哈利路亞既歌，萬聖節都係播啲輕快既歌，冇播過聖詩。成單嘢似係海洋公園知道果到有啲問題，所以要長期播啲咁既歌，鎮一鎮啲嘢。但啲staff又唔會入果邊，所以唔知。究竟果到發生過啲咩事，我地唔知得，又要播啲咁既嘢去驅邪？只少今晚都幾有萬聖節氣氛，值翻啲回票價。太恐怖，我等天光先補翻啲相同片，啲片係聽到首歌既，證明冇吹大。