你哋啲怨言又俾人CAP晒去黨媒，拜托大家自重下

英鎊跌到傻咗
- 分享自 LIHKG 討論區
https://lih.kg/3156972

至於係邊間傳媒自己google下吧，我都唔想貼出嚟
之前已經勸過大家唔好動輒怨英國點衰點衰，你愈講變得愈情緒化之餘，其實問題都係冇解決
如果你覺得呢個地方好多問題，其實有好多方法走去呻
搵當地人傾 / 搵身邊d香港朋友 / 去半公開既TG group去講
大家實會再問點解一定要報喜不報憂，同共產黨有乜分別，係咪喺英國都冇言論自由諸如此類.......
但你要知大多數留港既香港人都係食緊花生，如果你唔想俾呢啲人睇死
就拜託做好自己個朵，謹言慎行
有好多說話或行為就算係唔犯法都唔代表你可以不顧儀態咁樣講出嚟
你在外既言行舉止都代表緊一班移民香港人
幾多留港既KOL 都唔知幾想你哋喺外地俾當地人討厭

係，我明白好多移英香港人係因為黨媒自BNO VISA推出以來不斷挑釁想移民既人所以咁激動
我知大家係想盡自己親身經歷反駁藍絲黨媒對移民英國既評價以及刻板觀點
所以就將超市物價便宜，牛油牛奶比香港平呢D觀點重覆又重覆咁無限loop
其實我真係好想大家多分享自己既成功故事
能夠在圍內做到激勵作用之餘，亦可以令到留港既香港人戥你哋開心，甚至改變香港人對移民西方國家嘅刻版印象

講真作為留港一份子，我哋喺香港受既壓抑唔少得過你哋
你哋係為錢煩惱，我哋係為咗一班良知泯滅既高官同失去咗既人身自由而感到沮喪
有乜理由迫三歲以下細路打針? 咁多打完針之後心肌炎面癱你係扮睇唔到定係唔知道?
睇住好多國際盛事俾新加坡搶晒都重未瞓醒
就算係咁，暫時呢一刻我prefer留喺香港，我都希望呢班人有一日可以迷途知返，那怕只有0.1%機會都制

始終人言可畏，有時網絡世界比現實世界更加可怕，我記得以前聽麥SIR節目佢講過一句話印象好深刻: 你話人哋笑你副眼鏡，但你有冇睇下自己有戴歪咗副眼鏡? 如果你想對家收聲，拜托自己少D再喺公開論壇到呻，rather than 激烈咁樣反駁佢哋......正如我搵工見工見咗好多份都冇回音，我都唔會同親戚朋友又或者上嚟講，我只會喺教會同啲信得過既朋友私下傾訴，因為我覺得心理上經驗上佢哋真係會幫到我，如果我知道自己抱怨完一輪之後俾傳媒攞嚟做笑料我會選擇獻醜不如藏拙

純分享而已，無意冒犯大家，sorry for 1999

利申: 自己都揸住萬幾鎊睇住佢由10.X開始跌，但只係佔投資一小部分

呢幾日跌果啲差唔多升番晒

喺匿名討論區鬧下都唔得
仲要開鬥慘大會

就算個個都唱好
唔通嗰班媒體就會唔出呢啲報道咩
筆喺佢哋度
睇嘅人係識諗就會諗

中意病研究學者？
痴撚線 會唔會有撚病得太緊要

1. 留港撚唔會視自己留港撚 一直都係幾廿年 咩事？你識開咩真人係你所講咁諗野 (實名真人 你識佢佢識你)？
2. 走關留港咩事？因為唔識嘅人所講嘅野而決定？

老實講呀 上得白卡論壇
正常都識分咩野入口啦
細蚊仔人地講兩句腦沖血咩
唔識分被老點 由佢啦

你都痴撚線，你就坐喺香港食花生，大佬人地一個決定就賭身家，賣屋賣車辭埋份工就成家過去，一味報喜不報憂真係害撚死人

無處及香港依個家好呀

咁作為一個成年人你都會識問下移民一個地方有乜嘢唔好處掛？
讀過咁多年通識起碼都知乜嘢係critical thinking

咁咪就係喺討論區問囉，唔係討論區要黎討論啲咩？

唔好俾人牽住走啦
好就好 唔好就唔好
到到都有好壞，無一個地方係烏托邦

你而家係因為為左避「黨媒」連客觀既事情都唔敢去正視同討論

小心中毒太深阿

唔好學呢啲KOL，自己睇路

幻想破滅？移民英國的香港網紅吐槽：很多英國人虛僞自私
- 分享自 LIHKG 討論區
https://lih.kg/3162350

錯錯錯

係說好移民香港人嘅故事，就正如尋找他鄉的故事這樣

就算唔cap都會作架啦
真係唔講對方就企係度咩

無論移民定留港
連登都唔應該係你單一/好主要既資訊接收渠道
呢到太多偏激言論，無論乜野立場，無論五毛定真心膠定黑心撚

意志唔堅定嘅垃圾本身都左搖右擺
回流係遲早嘅事
嚇親唔敢去又唔係英國嘅損失
有乜好可惜？

都唔只連登見到
有啲網媒都日鳩日講移民點慘，成日copy唔知乜group既留言出嚟放大

呀，或者可以去babydiscuss
嗰邊啲人理性好多
又冇乜傳媒會知呢知forum

再唔係就搵啲半公開TG group

英鎊跌咁多 啲錢愈黎愈少
好開心 又可以買貴野

而家滲透無處不在，只係多與少問題
半公開TG group係比較好
不過有時都見到奇怪account
入去移英生活group但就成日講英國好差好唔掂

我明樓主意思
我同淺藍家人討論移民時都會少少美化
因為佢地接收到既資訊係嚴重抹黑，我一定要少少美化先平衡到，但最緊要係基於事實