剛剛分手的你，入黎傾下，大家互相扶持好嗎？(235）

我都明。個次傾電話，我係想，如果佢真係想分手，咁我單方面唔想分都無意思。 所以我話，咁分手。佢答返我：唔捨得
我唔知佢到底係想點⋯⋯⋯我只係知⋯⋯我感覺唔到佢愛我。雖然無講出口，但一個會重視你既人，係唔會令自己咁難受。只係自己唔想承認對方已經唔再愛自己
所以，你要諗既係。佢真係唔愛你，咁你打算點做？

佢之前已經話咗已經冇咁愛我 嗰晚同佢傾我問佢呢一刻你重鍾唔鍾意我 佢話鍾意 但之後嘅行為冷淡令我好迷惘 好難受 我試過扮冇嘢咁msg 講掛住你嗰啲 但佢都唔會覆返我呢啲 我諗如果佢真係話唔愛要分手 就唯有放手

呢啲冷暴力，拖拖拉拉浪費大家時間

唔捨得，但又做到咁，好似迫對方講分手，分手之後就美其名被分手，其實就係佢自己造成

唔明點解要咁做 拖住我做咩

其實相愛過就好難做返朋友，冇相愛過做返朋友都冇咩尷尬

佢都有咁同我過佢話：以前係70、80分既愛，依加可能得返10分⋯⋯
我都唔知佢地係諗緊咩⋯⋯⋯我只係佢地唔係好愛我地⋯⋯⋯可能佢地唔知想點⋯⋯⋯

及早放手對大家都好，唔好浪費不必要既光陰

恭喜哂咁多位加入單身大家庭

可能佢唔想自己講出口，做衰人咁。因為我一直對佢都好好

屌 點解同佢講嘅嘢一模一樣 又係用分數嚟講

因為唔想改變現狀

但已經改變咗 佢對我嘅態度 唔想理點解唔直接話分？

事實上佢地係唔知自己想點。佢地自己冷淡左覺得冇咩野，但對方就感受好深，不過佢地到呢一刻唔會諗你既感受，與其大家拖住大家，就不如一刀了斷好過

可能對佢黎講，感情淡左⋯⋯⋯佢想搵其他新鮮感⋯⋯⋯

我都覺。我唔覺得佢返黎香港，會有咩新既改變⋯⋯⋯唔會無啦啦一見到我，就重新愛返我⋯⋯

佢唔想被其他人話賤男飛左你，咪鬥耐性睇下邊個忍唔到講分手囉。不過要知道女仔青春有限，一係就斷聯乜都唔好理佢

唔想做衰人掛，始終好似講分手果個就係衰人咁

男人中意新鮮感多

相信你已經開始心淡。去到呢到都唔好有期望啦，有期望就有失望，結果傷心果個係自己

正在努力中⋯⋯⋯但好辛苦⋯

係⋯⋯⋯由佢叫我唔去過去個下⋯⋯⋯已經傷心緊⋯⋯為左可以行落去，我已經好比勇氣先決定去外國搵佢。無諗過，佢已經唔愛我了

我都冇諗過 平時以為冇乜嘈交 感情幾穩定 原來𣊬間就可以唔愛