剛剛分手的你，入黎傾下，大家互相扶持好嗎？(235）

你講左既話，起碼你做好左自己既責任，佢聽唔聽係佢既事。在於你黎講，清清楚楚咁完左段關係就已經對自己黎講功德圓滿。
我曾經都被唔清唔楚咁完結，結果糾結左十幾年都完結唔到

本身傾過，等佢set down 好少少。咁我就出年去個邊work holiday 一年，一齊生活一年再睇下點。佢本身打算讀完書，係個邊搵工，順手移民埋。
我地分開左幾個月，佢無啦啦話，唔係好想我過黎。又話唔知仲愛唔愛我

你有冇同佢提起過你既計劃？Working Holiday果啲。
其實佢自己都唔知想點，自己都未有計劃。做人冇計劃就好似隻盲頭烏蠅，生活過得渾渾噩噩，會好浪費光陰

只可以成為一個心結，一個留一世都記住既心結。就算想完全放低都係冇可能既事

好多時候人好習慣拖拖拉拉，目的就係唔想依加既情況有所改變，當改變左既時候就要去接受改變，又要再適應新環境，唔想改變依加呢個comfort zone

傾完多一次又會再想傾多一次，唔甘心就一定有，不過留戀對大家都冇好處。佢又未必想見到你同覆你，你就算搵到佢又可能唔捨得

有傾過我用working holiday去搵佢。只係到我真係比哂錢申請個時，佢就好似動搖⋯⋯⋯佢以為我係出面自己搵地方而唔係同佢一齊住。話未試過同人同居，又覺得我適應唔到。到時日日喊，佢會頂唔順⋯⋯⋯
咁我係外國一個朋友親戚都無⋯⋯⋯正常會想同男友一齊住，有個照應。佢就覺得我會痴住哂佢，佢會無哂生活咁⋯⋯⋯

可能佢初初以為你講下唔係真。其實好多野唔試過唔知，有邊個一出世會同其他人同居，慢慢磨合就得，要互相遷就同尊重。佢怕你痴住佢，咁咪大家傾下點樣攞個平衡點囉，唔係所有野唔岩就分手。唔通做人唔開心就去死咩

冇過去都唔會成就現在既自己，就當一個美好既回憶囉

［member] 係香港個時，佢係咁話講要帶埋我走。個時，我有啲猶豫，慢慢比佢說服左。

磨合尼個道理我明，但我唔知佢係米咁諗。如果係磨合，我都可以同佢行落去，但佢話唔知仲愛唔愛我個時，再加上感覺到佢對我既態度同以前唔同，只係單方面得我一個人想繼續⋯⋯⋯

[/member]

有時拍得太耐拖，慢慢會迷失，唔知自己做緊咩。或者佢係呢段愛情路上覺得攰。愛情一開始係要新鮮，之後行落去就要保鮮。或者你仲可以嘗試既就係諗返起初初最開心最熱戀果陣所做既野，試下再做返之類，可能可以重燃愛火呢

［member] 我有試過⋯⋯扮無野同佢msg返⋯但感覺熱面貼冷屁股⋯⋯好難受［/member]

我明，我都試過，結果更難受，慢慢就會開始冇心機去搵佢

所以我先想斷聯

好好踏出呢一步，將來仲有慢慢長路要行。可能好快遇到一個更好呢

我而家都試緊 感覺好辛苦 不停諗對方想點 係咪最後結果一定係分手 我都係同佢傾完 同佢講想分手就開聲 但又冇講 呢幾日msg完全冷淡哂