剛剛分手的你，入黎傾下，大家互相扶持好嗎？(235）

唯有獨處既時候搵啲野做，例如煲劇打機

都岩，唔回頭就唔洗傷心

[url]早兩日分左。不受控係咁搵啲咩復合占卜，係咪真係有用。[/url]

我對占卜冇研究，但應該係指引一啲方向比你，未必唔得，可以參考一下，可能會點醒你有咩地方需要改善。

其實呢個唔係一個好既解決方法，不過佢諗埋一邊都阻止唔到佢。或者真係唔好搵佢住，等佢專心係佢自己既事先。去到佢完左佢既野時，你再搵返佢，可能係對大家都好既方法黎。未必係分手，而係比大家時間專心處理左大家既事先。在於佢黎講，處理好final yr同情緒先。在於你黎講，好好生活，充實自己。

你地既感情會唔會玩完就建基於你地既感情根基打得好唔好？大家感情深唔深厚？大家對大家有幾重要？有冇留低深刻既回憶？
如果雙方關係本身都麻麻地，繼續落去都只會浪費時間。你要知道女仔既青春有限，或者你係時候諗下之後係點？
至於佢搬屋而你想去幫手，我諗你都係等佢叫你幫手先幫手，如果你主動搵佢可能又增加左佢既壓力。

明白 多謝你師兄 聽咗我咁多bullshit

點會bullshit。每個人都會有遇到問題同困難，係呢啲時候就係希望有人點醒，大家咁岩遇到姐。我都曾經有人點醒，或者只係一句說話，聽得入耳係可以用成世

冷靜期係需要
不過合適時候比關懷佢都好重要
最緊唔好迫太緊 輕鬆提下就得
唔好比佢覺得你係恐怖情人

回想返起拍拖前點對佢 用返差唔多態度就好
因為個段時間可能就係你最吸引佢既時候

希望你加油 支持你

有時比佢知道 有個人好關心佢
會靜靜等佢 唔怕佢情緒
會同佢一齊走過 都好重要

最緊要 唔好太迫佢 唔好比壓力佢
想一下點樣佢最舒服

最後 問自己 以後可唔可以做到？
下一次？再下一次？有冇信心呢？

總之 加油啦 呢度d難友都會支持你 都想你成功

同一齊五年嘅女朋友分左手，結果佢唔夠兩個月就搵到個新，仲要係我個朋友究竟係我太重感情定係我未recover到

兩個鐘前分咗手
同佢一齊我先知咩係鐘意
就算我點呃自己都好 佢其實就係唔鐘意
每次鬧交就將問題推卸喺我度
每日都比佢鬧到喊 我喊佢會嫌我煩
早兩日睇到佢手機 佢係佢屋企人面前鬧我
話我好幼稚 溝通唔到 日日同我一齊係忍辱負重
我終於都頂唔順同佢講分手
明明佢早兩日先話好愛我 成日都同我講未來要點點點
第一次喊到好似抖唔到氣咁
雖然我知道呢啲人應該再一齊 但我都仲係好掛住佢
第一次失戀 原來真係咁唔開心

接受唔到都好正常，過去左就由佢過去啦。將來會有更好既女仔等緊你

一段唔平衡既關係，好難維繫落去。愛情係要公平，唔好委曲求全，要先好好愛自己再去愛其他人