或者換個角度睇,勞係好錶,點解勞會令人留下唔好印象?其實主要係因為勞本身係工具錶,同JLC VC PP 呢類造唔少dress watch / masterpiece 不可同日而語,但唔少香港人玩錶視野狹窄,以為勞就係貴錶嘅代表,對於唔戴勞嘅人就指指點點以為自己見多識廣,笑人地唔買勞或者話咩唔保值,而忽略唔少人買貴錶係緣於唔同原因,例如可能對於品牌/型號欣賞,而且貴錶本身有唔少細節值得欣賞,呢啲人根本唔會明白玩錶嘅真正意義。
以Seamaster 為例,本身琺琅面已經好大層次感,加上東京奧運版隻漸變式藍圈,以潛水錶呢類工具錶黎講已經算精彩
利申:本身都鍾意某啲型號嘅勞,好似turn-o-graph同116600,前者有紅針加加牙圈夠特別,後者有40mm加深潛而且用陶瓷圈,而且生產周期短,算係比較特別嘅潛水勞