我覺得套戲環繞緊3個大嘅主題，人性、正義、法律。呢3個主題其實都好大，如果抽一個出嚟講都可以拍到一套戲，但何導就將呢3大命題去炒埋一齊，我唔否認佢係炒得幾好，好香口，但係再㗳真啲嘅時侯，就會覺得無咁啲後勁。
成套戲嘅節奏好緊湊，場景同場景之間嘅接駁做得好（個人對希特拉嘅場景有少少不滿），完全唔覺係一個新導演拍嘅電影。
再加上演員大部分都係舞台劇演員出身，麥東、呀倫、蘇玉華、蝦頭、朱謙，個個都係實力派行頭，令成套戲再昇華。
返翻去主題嘅討論，我覺得套戲就係有太多太多野想講，令到好多時候，好似好輕用一至兩個場口去帶過，之後交俾觀眾去消化，但係套戲俾我地消化嘅時間唔長，因為下一個主題已經跑緊出嚟，有少少令人覺得套戲吃不消。
利申：唔係專業，純感受，理性討論
，不過個人覺得陪審團啲人唔好build咁多仲好。
