呢套係我心目中最好既tvb劇沒有之一
咁多年都係咁覺得
四個女主角都冇忠奸之分
每個人都有優點弱點
如妃位高權重鬥得過皇后但架不住爾淳陷害失寵
失寵就有孔武既溫暖 得寵就要失去個女同埋孔武既溫存
後來就犧牲自己既自由去成全佢地
安茜就擁有大智慧但命運多舛
最重視既嫲嫲係佢臨出宮就俾害死
因為執念要犧牲愛情留係宮中報復
但後來後悔已經黎唔切
大結局保護爾淳都死埋
爾淳表面上係最好命最多優點既果個
有姐姐既愛錫 有打遍天下無敵手既宮鬥技巧
但實質佢乜嘢想要既嘢都得唔到 包括最想要既孫大人
最後窮得只剩下條命 同埋個不愛既男人既骨肉
玉瑩我成日覺得 呢個角色真係最矛盾
其實佢得到既劇本、人物描寫得都係最薄(個人認為黎姿真係演得好好)
佢最貌美如花 一生最愛阿媽
亦係全劇得到最多神助攻既人
但佢一一都出賣/失去曬
佢既智商雖然係最冇果個
但佢「絕情」既本領卻令佢竟然可以差d成為宮鬥最大贏家
最後所謂計謀敗露後 為左家族and阿媽 好淒美咁有情人死埋一齊